Mutu 7
1
2
Lomba kulingana na zamwelemba, '' kuli bwino kwa mwanalume kusakata mwanakazi.'' 2 koma kamba ka maeselo a dama anyinji mwanalume aliyense ankhale nae mwanakazi wa eve eka, na mwanakazi ankhale nae mwanalume wa eve eka.
3
Mwanalume akwanilishe udindo wake kulala na mwanakazi wake na mwanakazi cimozi mozi kuli mwanalume wake tyala.
4
Ni mwanakazi lini alina na ulamulilo wapa mubili wake koma mwanalume wake. Mwa njila imozi mwanalume aliye ulamulilo wapa mubili wake koma mwanakazi wake.
5
6
7
Osaleshana, koma nakuvomelezyana kwanu kwa kwakanthawi. Citani ici kuti muzitwale m'kupemphela, soti mufunika kuwela pamozi kuti satana asakuyeseni, kamba ka kusazilesha kwanu . Koma nalabila izi zinthu kamba ka mololezya osati mwakulamula. Koma kuti aliyense enze nga nineo. Koma aliyense ana mphaso yofumila kwa Mulungu. Tonse tina mphaso zosiyana siyana.
8
9
Kwa osalunguliwa na afeleza nikuti cilibwino tyala kuti ankhale teto nga nineo. Koma ngati sangazileshe, alungule. Cilibwino kulungula m'malo mwa kupya mubili.
10
11
Lomba kwa olungula nukulamulilani - osati neo koma ambuye- mwanakazi asapatukane na mwanalume wake. ( koma ngati opatukana na mwanalume wake, ankhale teto osalunguliwa kapena kuwelela ku mwanalume wake) mwanalume asaleke mwanakazi wake.
12
13
14
Koma osala nikuti- Neo, osati ambuye- kuti ngati mnekwanu alina mwanakazi osakhulupilila nakuti ngati ni okonzeka kunkhala naye, asamuleke. Kwa mwanalume osakhulupilila otubishiwa na mwanakazi wake otubishiwa, na mwanakazi osatubishiwa otibishiwa na mnekwao. Sembe bana banu enze osatubishiwa , koma ni otubishiwa.
15
16
Koma ngati m'mozi ni osakhulupilila waluta, mlekei alute. Poteto , mwanalume kapena mwanakazi omangiliwa kuzolumbila. Mulungu etiita ku mtendele. Ko muziba tyani, mwanakazi, kuti mukapulumushe mwanalume wanu? Olo mwanalume kuti mukapulumushe mwanakazi wanu?
17
18
19
Lekani aliyense ankhale umoyo wa Umulungu monga mwa kuitiwa kwa Mulungu. Iyi ndiye lamulo langu m'mipingo yonse. Alipo ecitiwa mdulidwe no itiwa kuti akakhulupilile? asayese kuonekele ciliye mdulidwe. Alipo aliyo duliwe eitiwa kucikhupililo? Asaduliwe. Pakuti ni mdulidwe olo yai paliye vuto. Cikulu ngako nikuvomela malamulo a Mulungu.
20
Aliyense ankhalilile mukuitiwa kwake mwemuitila Mulungu kucikhulupililo.
21
Mwenze akapolo pekuitani Mulungu? Osankhala okhuziwa nazo. Koma ngati mwankhala omasuliwa, tolamponi mpata pa ici.
22
Ndaba uyo oitiwa na Ambuye ngati kapolo niomasuliwa wa Ambuye. Cimozi mozi, aliyense enze omasuliwa pemuita kucikhulupililo ni kapolo wa Kristu.
23
Mweguliwa namtenga wapalulu, teto musankhale akapolo abanthu.
24
Anekwasu, mulimonse mwenzelili aliyense peteitiwa, tiyeni tinkhale teto.
25
Lomba zokhuza bala akaliye ulungula, niliye ulamulilo kufuma kwa Mulungu. Koma nupeleka ganizo langu monga, mwacifundo ca Ambuye, kunkhala oyenela.
26
Mwa ici, nuganiza kuti kamba ka zovuta zukuza, nicabwino lidoda kunkala mwalili.
27
Ko niwe olungula mwanakazi wako? usasilijye cikwati. Ngati niwe osalungula, usafune mwanakazi.
28
Koma ngati walungula, uliye cimwe, ndipo ngati mwanakazi osalunguliwa walunguliwa, aliye cimwe. Koma awo olungula akankhale na mavuto ya nyinji amziko lino, ndipo nufuna kukupeweshani kwa izi.
29
Koma izi zunulabila, anekwasu: Nthawi ni tontho. Kucoka lomba, lekani awo alina azinakazi bao ankhale monga aliye.
30
Ao olila ankhale monga olilila lini, ndipo ao osangalala monga alilini mucisangalalo, ndipo ao ogula monga aliye kalikonse,
31
ndipo awo osebenzesha ziko lapansi asankhale monga olisebenzesha mokwana. Ndaba ziko lapansi muyilili lomba pano likuzosila.
32
Neo nufuna kuti mumasuliwe ku nkhawa. Lidoda yosalungula yudalila pa vinthu va Ambuye, kukondwelesha eve.
33
Koma lidoda yolungula yudalila pa vinthu vapa ziko lapansi, kukondwelesha mwanakazi wake-
34
eve niogabikana pakati. Mwanakazi osalunguliwa olo namwali odalila pa vinthu va Ambuye, kuti ankhale atuba mu mubili na mu mzimu. Koma mwanakazi olunguliwa odalila vinthu va pa ziko lapansi, kuti akondweleshe mwanalume wake.
35
Nulabili izi kwa mweo kuti muphindule, osati kukuikani mumusampha. Nulabila teti camene cili cilungamo, kuti mukonkhe tyala za Ambuye paliye cokuwejyani kuvuli.
36
Koma ngati muyakine oona kuti opasalini ulemu namwali yake- ngati namwali iyo yupitilila zaka zolunguliliwa lekani zinkhale teto- angacite cakufuna mwine. Ocimwalini. Balungulane.
37
Koma eve ngati wapanama molimba mu mtima mwake, ngati eve okangamijyiwalini ndipo angazileshe, ndipo wamanga fundo mu mtima mwake, kusunga namwali yake, ndiye kuti wacita bwino.
38
Teto eve olungula namwali yake wacita bwino, soti naye wasankha kuti asalungule acite bwino ngako.
39
Mwanakazi niomaingiwa ku mwanalume wake malinga akali na moyo, koma ngati mwanalume wake wafwa, niomasuka kulunguliwa na mwanalume wawafuna mwine, koma ni mwa Ambuye tyala.
40
Koma mwakuweluza kwangu angankhale okondwela ngako ngati ankhale tyala teto. Ndipo nuganiza kuti nina Mzimu wa Mulungu.