¹ Tecimvwa nkhani yakuti pali vigololo pakati panu, vakuti olo pakati pa akunja nivosavumelejyeka: Lidoda kutola akazi ba wisi. ² Muzitukumula ngako! Nayesa kuti sembe mulila? Wamene ecita cinthu coteti acosewe pakati panu. ³ Ndaba olo kuti neo kuliye mu thupi, nili namwe mu mzimu. Napeleka kale ciweluzo pa uyo ecita ici cinthu, monga ngati nenzeko. ⁴ Mukasonkhana mu zina la Ambuye wasu Yesu ndipo nili namwe mu mzimu, na mphamvu ya Ambuye wasu Yesu ilipo, ⁵ ili lidoda liyikijyeni kwa satana kuti thupi lake licenekeke, kuti mzimu wake ukapulumuke pasiku la Ambuye. ⁶ Kuzikujya kwanu nikwabwino lini. Muzibalini kuti tofufumisha tutontho tufufumisha mtanda onse wa buledi? ⁷ Zisukeni mweka kucofufumisha ca kale kuti mube mtanda wanyowane, osafufuma. Pakuti Kristu, Paska wasu, wapelekewa nsembe. ⁸ Tiyeni lomba ticite phwando ya Paska, iliye cofufumisha cakale, cofufumisha ca khalidwe iyipa. Mumalo mwake tiyeni ticite phwando na buledi iliye cofufumisha ya mtima oona na coonadi. ⁹ Nekulembelani kalata kuti osagwilizana na banthu aciwelele. ¹⁰ Niliye tanthauze banthu ayipa a ziko lino, kapena ba cigolo, kapena amaluku, kapena opembeza mafano, pakuti kuti mupatukane nao aba mufunika kufuma mu ziko. ¹¹ Koma lomba nukulembelani kuti osagwilizana na aliyense oitiwa kuti mnekwasu koma niwacigololo, kapena wacigolo, olo opembeza mafano, olo wamanyozo, olo cakolwa, olo maluku. Soti osalya naye pamozi cakulya munthu oteti. ¹² Ndaba ningaziyikepo tyani pa kuweluza bala bali kunja kwa chalichi? Mumalo mwake, ko mufunika lini kuweluza bala bali mkati mwa chalichi? ¹³ Koma Mulungu oweluza bala bali kunja. "Cosani munthu muyipa pakati panu."