¹ Nitsangagna ny ôlogno jiaby taminjareo, aveo nitondra Jesôsy tagnatraihan'i Pilato. ² Nanomboko niampanga Azy zareo, nivaolagna nagnanjao: "Hitanay tô lalahy tô nametavaita firenenay, nanakagna ny hagnomaizagna ny hetra hoan'i Kaisara, aveo nivaolagna fao Izy haigniny lasite no Kristy, mpanjaka" ⁸ Koafa hitan'i Heroda Jesôsy, dia taigna ravoravo izy, satria afa tehita Azy letry ny aila. Naharegny ny mahakasiky Azy izy aveo nagnantaigna hahita fahagagagna maro nitsabony. ⁹ Heroda namaitram-pagnontaniagna tamin'i Jesôsy tamin'ny vaolagna maro, naifa Jesôsy tsy namaly na ino na ino azy. ¹⁰ Reo lohan'ny mpisôrogno ndraiky reo mpanora-dàlagna nitsangagna, niampanga mafy Azy. ¹⁵ Tsia, na dia Heroda aby, satria nalaifany nimpôdy tatoy amintsika Izy, aveo zahavo, tsisy na ino na ino zay magnaiva fahafataisagna vitany. ¹⁶ Noho zany dia ho faiziko Izy, avakeo havôtsotro Izy." ¹⁷ [Fagnamarihagna: Ireo fandikagna taigna tsara dia tsy magnisy ny and 17 hoe: Ary Pilato dia votery namôtsotro gadra araiky hoan'reo Jiosy tamin'ny andro firavoravoagna.] ¹⁸ Fao niaraka nangaiky mafy zareo nagnanjao: "Ento agny io lalahy io, avakeo avotsôry hoanay Barabasy!" ¹⁹ Barabasy dia lalahy araiky zay naiditry angandra nohon'ny fikomiagna maro tao an-tanagna sady famonoagna ôlogno. ²³ Fao zareo nagnizingizigny tamin'ny feo agnambo, nangataka Azy mbô hifantsaihagna. Ny feon-jareo dia nandresy lahatra Pilato. ²⁴ Kay dia nanapa-kevitry ny hagneky ny fangatahan-jareo Pilato. ²⁵ Navôtsotro lehy araiky nangatahin-jareo zay nalaifa tagny angadra nohon'ny fikomiagna ndraiky famonoagna ôlogno. Fao natôlony ho amin'ny sitrapôn-jareo Jesôsy. ²⁶ Ary teo am-pitondragna Azy zareo, dia nitagna Simona avy agny Syrenia, zay avy agny ambanivôhotro, avakeo napaitraka zareo taminazy kakazo fijaliagna mbô ho entigny nagnaraka Jesôsy. ²⁷ Maro tamin'ny reo vahoaka, ndraiky reo vaiavy zay nalahelo mafy ndraiky nisaona Azy, no nagnaraka Azy. ²⁸ Fao koafa nitodiky tagny aminazy zareo, dia nivaolagna Jesôsy nagnanjao: "Oa zanakavavin'i Jerosalema, aza mitomoagna Zaho, fao mitomagnaia hoan'ny haigninareo ndraiky hoan'ny reo zanakareo. ²⁹ Fao tô, hoavy ny andro zay hivolagnan'izy reo magnanjao: 'Sambatra reo momba ndraiky reo kibo zay tsy nitairaka, aveo ny nono zay tsy nampinonoagna zaza.' ³⁰ Ary hanomboko hivaolagna amin'ny reo tanety zareo magnanjao: 'Milavoa aminay,' avakeo amin'ny havoagna hoe: "Manarogna zahay.'' ³¹ Fao raha magnano zany raha zany zareo raha mbôla mahitso ny kakazo, ino no hitranga koafa maigny zany?'' ³² Nisy lalahy hafa, ôlon-dratsy aroa, nihentigny niaraka taminazy mbô hovonogno. ³⁵ Dia nitsangagna nizaha teo reo ôlogna raha mbôla nigaodagaodagna Azy koa reo mpanapaka, nivaolagna nagnanjao: "Nagnavotro reo hafa Izy. Ambilao Izy hagnavotro ny haigniny, raha Izy no Kristin-Jagnahary, lehy araiky voafidy." ³⁹ Ny araiky tamin'ny reo ôlon-dratsy zay nihantogno teo no namingavinga Azy tamin'ny nivolagnany nagnanjao: "Tsy Anao moa Kristy? Avaoty ny haigninao ndraiky zahay." ⁴⁰ Fao ny araiky nivaolagna mafy azy, nagnanjao: "Tsy mbô matahotro Zagnahary moa anao, raha samy ambanin'ny fagnamelohagna mitôvy faogna? ⁴¹ Atsika eto taigna ara-drariny, satria mandray zay magnaiva atsika atsika. Fao tô lalahy tô tsy nagnano raha ratsy." ⁴⁴ Ary laira faha-enigny teo ho eo tamin'ny zany, aveo ny hizigny avy nandrakotro ny tany jiaby zisiky laira fahasivy ⁴⁵ raha nahay mahizigny ny hazavagnan'ny masaova. Aveo ny lamban'ny tempoly dia nizara avy teo agnivony. ⁴⁶ Nangaiky tamin'ny feo mafy, Jesôsy nivaolagna hoe: "Iada a, eo antagnagnao no ambilako Fagnahinaha." Koafa avy nivaolagna zany, dia maty Izy. ⁴⁷ Koafa hitan'ny lehy kapiteny ny raha nitranga, dia nagnamia vogninahitry Zagnahary izy, nivaolagna: "Taigna azo antoko fao ôlomarigny tô lalahy tô." ⁴⁸ Koafa hitanjareo jiaby jiaby zay niara-tonga ho antomoa nagnatri-maso reo raha nitranga reo, dia nimpôdy nanaifatratra zareo. ⁴⁹ Fao reo jiaby zay nahay Azy, ndraiky reo vaiavy zay nagnaraka Azy avy agny Galilia, dia nitsangagna tegny lavidavitry, nizaha zany raha zany. ⁵⁰ Ary tô, nisy lalahy araiky antsôvigny hoe Josefa, zay mpikambagna tao amin'ny Synedriona. Ôlogno tsara salakady marigny izy. ⁵¹ Io lalahy io dia tsy nagnakaiky ny fanapahankevitry ny synedriona ndraiky ny asan-jareo. Avy agny amin'ny tanàgnan'ny Jodia tagny Armatia izy; aveo izy dia nitady ny fanjakan-Jagnahary. ⁵² Io lalahy io, raha nagnatogno Pilato, dia nangataka ny vatagnan'i Jesôsy. ⁵³ Nalainy nijôtso zany, nibadôfany hariry mandiniky, avakeo nambailany tao agnaty fasagna araiky zay nivakiagna tamin'ny vatolampy, zay tsy mbôla nisy ôlogno nalevigny. ⁵⁴ Andron'ny fiomanagna tamin'ny zany, aveo mbôla nazava ratsy ny sabata. ⁵⁵ Reo vaiavy, zay niaraka tamin'i Jesôsy niala tao Galilia, dia nagnaraka avy ao afara aveo nahita ny fasagna ndraiky ny fomba namaitrahagna ny fatiny. ⁵⁶ Nimpôdy zareo, aveo nagnomagna raha mangitry ndraiky menaka mangitry. Avakeo tamin'y sabata dia nitsahatra zareo araka ny didy.