¹ Voh marandraigny tamin'ny andro voalaohan'ny herigniandro, dia nandaiha tagny amin'ny fasagna zareo, nitondra reo raha mangitry zay nikarakarain-jareo. ² Hitan-jareo niala lavitry ny fasagna lehy vato. ³ Nitsôfotro zareo, kanaifa tsy nahita ny vatan'ny Tompo Jesôsy. ⁴ Avakeo, koa mbôla sahiran-tsaigny mahakasiky zany zareo, tampoko teo, dia nisy lalahy aroa nitsabo lamba mangilangilatra nitsangagna tankilanjareo. ⁵ Koafa feno hamboriagna reo vaiavy dia niankohaka tamin'ny tany, nivaolagna tamin'ny reo vaiavy zareo hoe: Nagnino areo mitady ny velogno atoy amin'ny maty? ⁶ Tsy akato Izy, fao afa nitsangagna! Tsarovy ny nivolagniny taminareo faha Izy mbôla tagny Galilia, ⁷ nivaolagna fa Zank'ôlogno dia tsy maintsy hatôlotro antagnan'ôlogno mpanota kay ho fantsihagna akeo amin'ny kakazo fijaliagna, avakeo amin'ny andro fahatelo dia hitsangagna ndraiky." ⁸ Reo vaiavy dia nahatsiaro reo vaolagna nazy, ⁹ kay nimpôdy avy tagny amin'ny fasagna avakeo nivaolagna raha jiaby zany tamin'ny araiky ambiny fôlo ndraiky ny ambiny jiaby. ¹⁰ Aveo Maria magdalena, Johana, Maria ninin'i Jesôsy, Jakoba, aveo reo vaiavy hafa niaraka taminazy dia nitatitry zany raha zany tamin'ny reo apostoly. ¹¹ Fao zany hafatra zany dia hotra tsisy dikany tamin'ny reo apostoly, kay tsy nino reo vaiavy zareo. ¹² Kanaifa nitsangagna Petera, dia nilomoay nandaiha amin'ny fasagna, avakeo nondriky ndraiky nizaha tao, dia nahita reo lambam-paty nitaokagna. Avakeo Petera nôdy tagny an-tragno, nagnontany taigna ny amin'ny zay raha nitranga. ¹³ Igny, ny aroa tamin-jareo nandaiha tamin'ny andro io hoagny amin'ny tanagna antsôvigny hoe Emaosy, zay enim-pôlo stadio miala Jerosalema. ¹⁴ Zareo dia nifampikoragna mahakasiky reo raha jiaby zay nitranga. ¹⁵ Aveo, raha niaraka nikoragna ndraiky nira-namaitraka fagnontaniagna zareo, dia nagnatogno aveo nandaiha niaraka tamin-jareo Jesôsy. ¹⁶ Fao ny masonjareo dia nisakanagna mbô tsy hahay Azy. ²¹ Kanaifa zahay nagnantaigna fao Izy no lehy hagnafaka Israely. Ia, avakeo ankoatran'ny zany jiaby zany, telo andro amin'ny niany zao no nitrangan'ny zany raha jiaby zany. ²⁵ Jesôsy nivaolagna tamin-jareo nagnanjao: "Oa lehilahy laifaka sady votsa diniky vao mino reo jiaby nivolagnin'ny mpagnazary! ²⁶ Moa tsy nilaigny hoan'i Kristy ny nijaly tamin'ny regny raha regny, kay hiditry agny amin'ny vogninahiny?" ²⁷ Aveo nanomboko tamin'i Mosesy kay zisiky amin'ny reo mpagnazary jiaby, dia nadikan'i Jesôsy tamin-jareo ao amin'ny Saoratra Masigny mahakasiky haigniny. ³⁰ Avakeo, koafa nantotry mbô hiaraka hihinagna tamin-jareo Izy, dia nalaka môfo, nisaotra, salakady namaky zany, aveo nagnamia zany zareo. ³¹ Aveo nisaokatra ny mason-jareo kay nahay Azy, aveo nanjavogno teo amin'ny mason-jareo Izy. ³² Izy reo nifampivaolagna nagnanjao: "Moa ny fôntsika tsy niraidaraida tao agnatintsika, raha nivaolagna tamintsika tegny an-dalagna Izy, raha nanaokatra Saoratra Maisigny tamintsika Izy?" ³³ Nitsangagna zareo tamin'io fotoagna io, kay nimpôdy tagny Jerosalema. Nahita reo araiky ambinifôlo niaraka nivôry zareo, ndraiky reo zay niaraka tamin-jareo, ³⁴ nivaolagna nagnanjao: "Ny Tompo dia taigna nitsangagna, aveo niboaka tamin'ny Simona." ³⁵ Koa nivolagninjareo zay raha nitranga tegny an-dalagna, ndraiky fomba niboahan'i Jesôsy tamin-jareo tamin'ny fanapahagna lehy môfo. ³⁸ Jesôsy nivaolagna taminjareo nagnanjao: "Magnino areo ambory? Nagnino misy fagnontaniagna ampônareo? ³⁹ Zahavo tagnagnanaha ndraiky hongotroanaha, fao Zaho taignako tô. Kasiho Zaho kay zahavo. Fao ny fagnahy tsy managna nôfo ndraiky tahaolagna, hotra ny ahitavanareo Zaho hoe managna." ⁴⁰ Koafa nivaolagna zany Izy dia naboakany tamin-jareo ny tagnany ndraiky hongony. ⁴¹ Mbôla tsy nino zareo nohon'ny haravoagna, aveo gaga zareo. Jesôsy nivaolagna zareo nagnanjao: "Managna raha hoanigny moa areo?" ⁴² Namianjareo lako voatôno izy, ⁴³ kay nalainy zany aveo nohoaniny teo agnaitrahan-jareo. ⁴⁴ Izy nivaolagna tamin-jareo nagnanjao: "Tamin'i Zaho niaraka taminareo, dia nivaolagna taminareo fao zay jiaby voasaoratra tao amin'ny lalàn'i Mosesy ndraiky reo mpagnazary aveo reo Salamo dia tsy maintsy ho tantairaka." ⁴⁵ Avakeo nisokoafiny ny saignin-jareo, mbô hahazon-jareo ny Saoratra Masigny. ⁴⁶ Nivaolagna zareo Izy nagnanjao: "Zao no voasaoratra, fao lehy Kristy dia hijaly, aveo hitsangagna amin'ny maty indraiky amin'ny andro fahatelo. ⁴⁷ Fibaibahagna ndraiky famotsaoran-keloko no tôkony ho torigny amin'ny agnarany akagny amin'ny firenena jiaby, manomboko ao Jerosalema. ⁴⁸ Areo no atomoan'ny regny raha regny. ⁴⁹ Tô, halaifako aminareo zay nampanantenain'ny Iadako. Kanaifa mibidaoha ao an-tanangna papiky sikinanareo ny ngôvo avy agny ambony." ⁵⁰ Aveo Jesôsy nitariky zareo mandra-pahatongavan-jareo tagny Betania. Nihinjagniny ny tagnany, aveo nitahiny zareo. ⁵¹ Avakeo koafa nitso-drano zareo Izy, dia nandao Zareo Izy avakeo lôsogno nakarigny tagny an-dangitry.