¹ Ary afa marikitry ny firavoravoagna amin'ny Môfo Tsisy Masirasira, zay antsôvigny hoe Paska. ² Niady hevitry reo laohan'ny mpisôrogno ndraiky reo mpanora-dàlagna ny amin'y fomba afahan-jareo momono Jesôsy, satria natahotro ôlogno zareo. ³ Aveo Satana niditry tamin'i Jodasy Iskariota, zay araiky tamin'ny reo tamin'reo aroa ambinifôlo. ⁴ Jodasy nandaiha tamin'ny reo laohan'ny mpisôrogno ndraiky reo kapiteny avakeo niady hevitry tamin-jareo ny amin'ny fomba hamadihany Jesôsy eo amin-jareo. ¹⁰ Namaly zareo Izy nagnanjao: "Tandrignaiso, koafa miditry antanagna areo, dia hoisy lalahy araiky mitondra sehon-drano hifanôjy aminareo. Magnaraha azy agny amin'ny zay tragno itsofaorany. ¹¹ Dia volagno ny tômpontragno hoe: ''Ny Mpagnanatra mivaolagna aminao hoe: 'Aiza ny efitragno fandraisam-bahiny, zay hihinanako ny hanign'ny Paska miaraka amin'ny reo mpianatro?''' ¹⁴ Koafa tonga ny fotoagna, dia nantotry niaraka tamin'ny reo apstoly Izy. ¹⁵ Dia nivaolagna tamin-jareo nagnanjao: "Nagniry mafy ny hihinagna tô paska tô miaraka aminareo Zaho alaohaka ny hijaliako. ¹⁶ Fao volagniky aminareo, tsy hihinagna tô eky Zaho, papiky tantairaka zany akagny amin'ny Fanjakan-Jagnahary." ¹⁷ Dia nalaka kapoaka Jesôsy, aveo koafa nigiaka Izy, dia nagnanjao: "Raiso tô, avakeo zarao aminareo. ¹⁸ Fao volagniky aminareo, tsy higiaka ny vokatry ny voaloboko eky Zaho, papiky havy ny fanjakan-Jagnahary." ¹⁹ Dia nandray môfo Izy, koafa nigiaka, dia nitapahiny zany, aveo namiany zareo, dia nivaolagna nagnanjao: "Tô ny haigninaha zay amiagna areo, Atôvy zao ho fahatsiarovagna Zaho." ²⁰ Niraisiny hotra zany koa ny kapoaka koafa vita fihinanagna, dia hoizy Izy nagnanjao: "Tô kapoaka tô dia lehy fagnikiagna vava amin'ny linaha, zay nalatsaka hoanareo. ²¹ Fao mitandraima. Lehy araiky zay hamadiky Zaho dia miaraka Aminaha aketo andatabatra. ²² Fao ny Zanak'Ôlogno dia mandaiha tatôkitry araka zay voatendry. Fao loza ho nihin'ny zany lalahy zay hamadiky Zaho zany!" ²³ Nanomboko nifangnontany zareo ny amin'ny araiky amin-jareo zay mety hagnano zany. ²⁴ Dia nisy malomalo nitranga koa teo aminjareo mahakasiky zay hevirigny ho taigna gaida aminjareo. ²⁵ Nivaolagna tamin-jareo Izy: "Reo mpanjakan'ny Jentilisa dia tomponjareo, avakeo reo zay managna fahefagna aminjareo dia atao ho hotra reo zay magnano tsara ho nihin'ny vahoakany. ²⁸ Fao areo no ôlogno zay nanôhy niaraka Taminaha tao amin'ny fankam-panahy nahazo Zaho. ²⁹ Amiako fanjakagna areo, hotra ny Iadako koa zay nagnamia fanjakagna Zaho, ³⁰ mbô ho afaka hihinagna ndraiky higiaka akeo andatabatra agny amin'ny fanjakako areo, ary hipaitraka eo amin'ny dabilio fiandrianana hitsara ny fokon'ny Israely aroa ambin'ny fôlo areo. ³¹ Simona, simona, mitandraima, mitady ny hahazo areo Satana, mbô afahany misivagna areo hotra ny vary. ³² Fao nivavaka hoanao Zaho, mbô tsy hofoaty ny finoagnanao. Afaran'ny himpodianako indraiky, dia ampaheraizo reo rahalahinao." ³⁵ Dia nivaolagna taminjareo Jesôsy: "Koafa nandaifa areo tsy niaraka tamin'ny fipitraham-bola, kitapombatsy, na kiraro Zaho, nisy raha tsy ampy areo moa? "Namaly zareo nagnanjao: "Tsisy." ³⁶ Dia nivaolagna tamin-jareo Izy nagnanjao: "Fao zeo, zay managna fipitraham-bola, aoka izy halaka azy, na kitapom-batsy faogna koa. Zay tsy managna meso dia tôkony hiavarotro ny lambanazy aveo hividy araiky. ⁴³ Dia nisy anjely avy tandangitry niboaka taminazy, nampahery Azy. ⁴⁴ Tao agnatin'ny fangirifiriagna, nivavaka tamin-kafanam-pô taigna mafy Izy, avakeo ny hatsimbohany dia nanjary hotra lio nitete tamin'ny tany. ⁴⁵ Ary koafa nitsangagna avy nivavaka Izy, dia nandaiha amin'ny mpianatra, avakeo nahita zareo nandry nohon'ny alahelon-jareo, ⁴⁶ kay nagnontany zareo nagnanjao: "Nagnino mandry areo? Mitsangana avakeo mivavaha, mbô tsy hidiranareo amin'ny fakampagnahy." ⁴⁹ Koafa nahita raha nitranga reo zay nagnodidigny Jesôsy, dia nivaolagna zareo nagnanjao: "Tompo, tôkony hamely amin'ny meso moa zahay? ⁵⁰ Aveo ny araiky tamin-jareo namely ny mpanompon'ny mpisoronabe, avakeo nanapaka ny sôfiny ankahery. ⁵¹ Jesôsy nivaolagna nagnanjao: "Ampy zay!" Nikasihiny ny sôfiny, aveo nampahivagniny izy. ⁵² Jesôsy nivaolagna tamin'ny laohan'ny mpisôrona, tamin'ny reo kapitenin'ny tempoly, aveo tamin'ny reo sojabe zay tonga hanohitry Azy nagnanjao: ''Tonga hotra ny hanambotro mpangalatra moa areo, miaraka amin'ny meso ndraiky koboay? ⁵³ Tamin'ny Zaho niaraka taminareo isan'andro tao an-tempolo, tsy nisambotro Zaho areo. Fao zao no fotoagnanareo, ndraiky fahefagnan'ny haizigny." ⁵⁶ Nisy mpanompo vaiavy araiky nahita raha nidôko teo amin'ny fahazavagnan'ny môtro izy, ary nizaha mahitsy azy ndraiky nivaolagna nagnanjao: "Tô lalahy tô koa niaraka taminazy." ⁵⁷ Fao Petera nandà zany, nivaolagna nagnanjao: "Oa vaiavy, tsy haiko Izy." ⁵⁸ Afaka helihely dia nisy ôlogno hafa nahita azy, aveo niavaolagna nagnanjao: "Anao koa araiky aminjareo. "Fao Petera nivaolagna: "Oa lalahy, tsy izy Zaho." ⁶³ Aveo reo lalahy niambigny Jesôsy dia nigaodangaodagna aveo namboko Azy. ⁶⁴ Nasian-jareo sôrogno Izy avakeo nagnintany Azy zareo, nivaolagna nagnanjao: "Maminanaia! Zôvy lehy ôlogno zay mamboko Anao? ⁶⁵ Nivaolagna raha hafa maro hanohitry Jesôsy zareo, nivaolagna ratsy Azy. ⁶⁹ Fao manomboko zeo, ny Zanak'Ôlogno dia hidôko akeo an-tanagnagna ankaherin'ny ngôvon-jagnahary." ⁷⁰ Izy jiaby nivaolagna nagnanjao: "Dia zanaka Zagnahary zany Anao?" Jesôsy nivaolagna tamin-jareo: "Voalazanareo fao Zaho no Izy." ⁷¹ Zareo nivaolagna: Nagnino mbôla mila antomoa atsika? Fa atsika lasite no nahiregny avy tamni'ny vavanazy."