¹ Jesôsy nanopy maso kay nahita reo lalahy manankariagna zay nadatsaka fagnatiry zareo tao amin'ny fandatsahan-drakitry. ² Nahita mpitondra-tegna mijaly araiky nandatsaka farantsa aroa tao Izy. ³ Kay hoy Izy nagnanjao: Ambarako marigny aminareo, tô mpitondra-tegna mijaly tô dia nandatsaka fôntry noho izy jiaby. ⁴ Ireo jiaby ireo dia nagnamia fagnatitry araka ny hafontrizan'ny hariagnany. Fao tô mpitondra-tegna tô, tamin'ny fahantragnanazy, dia nandatsaka ny fivilaomany jiaby.'' ⁷ Koa nagnontany Azy zareo nagnanjao: "Oa Mpagnanatra, afiriagna reo raha reo hiboaka? Ino no ahaizagna koafa hiboaka reo raha reo?" ⁸ Jesôsy namaly nagnanjao: "Mitandrema biaka tsy ho voafitaka areo. Fao maro no hoavy amin'ny agnarako, hagnano hoe: 'Izaho no izy,' ary, 'Efa marikitry ny fotoagna.' Aza magnaraka zareo. ⁹ Koafa maharegny ady ndraiky fikomiagna areo, dia aza mangorohoro, fao reo raha reo tsy maintsy hiseho alaohaka, fao ny farany dia tsy hiseho eo no eo.'' ¹⁰ Ary hoizy Izy taminjareo: "Ny firenena hitsangagna hanohitry firenena, aveo fanjakagna hanohitry fanjakagna. ¹¹ Hoisy horohoro-ntany gaida, aveo tihinagna ndraiky areti-mandrignagna agny amin'ny toeragna samihafa. Hoisy raha mampatahotro avakeo famantaragna gaida avy agny andangitry. ¹² Fao mialaoha reo raha reo, dia hanambotro areo zareo aveo hagnenjiky areo, hanôlotro areo akao amin'ny synagoga ndraiky figadragna, hitondra areo agnatraihanjareo fanjakagna ndraiky reo mpanapaka nohon'ny Agnarako. ¹³ Zany dia hagnomia fahafahagna ho amin'ny fitsanganagna antomoa. ²⁰ Koafa hitanareo voakodidigny miaramila Jerosalema, dia diniho fao afa marikitry ny faharavany. ²¹ Dia aoka reo akagny Jodia hilaifa agny antanety, aveo aoka reo zay akagny agnivontanagna hilaifa, aveo aza ambaila hiditry akao zareo zay agny ambanivôlo. ²² Fao reo no andron'ny valifaty, mbô ho tô reo raha jiaby afa voasoratra. ²³ Loza hoanareo zay mitondra vahoaka ndraiky hoan-jareo mampinono aminjany andro zany! Fao hisy fahoriagna gaida ao amin'ny tany, avakeo hatizairagna amin'io vahoaka io. ²⁴ Ho lavon'ny bôriziny zareo aveo ho ndesigny ho babo agny amin'ny firenena jiaby, aveo Jerosalema dia ho voajibajiban-jareo Jentilisa papiky tantairaka ny andron'ny Jentilisa. ²⁵ Hisy famantaragna agny amin'ny masaova, agny amin'ny volagna, ndraiky agny amin'ny lakintagna aveo aketo antany. Ho azom-pahoriagna reo firenena, hitaintaigny nohon'ny rimorimon'ny ranomasigny ndraiky reo daroba. ²⁶ Hisy lalahy ho toragna hamboriagna ndraiky fiandrasagna reo raha zay ho avy eto an-tany. Fao ho voahôzongôzogno ny ngôvon'ny langitry. ²⁷ Avakeo dia ho hitanjareo ny Zanak'ôlogno havy egny amin'ny zavogno miaraka amin'ny ngôvo ndraiky vogninahitry gaida. ²⁸ Fao koafa manomboko miboaka reo raha reo, dia mitsangàna aveo ahingano ny lohanareo, satria afa marikitry ny fagnafahagna areo." ²⁹ Nitsabo fagnohoaragna tamin-jareo Jesôsy nagnanjao: "Zahavo ny kakazon'ny aviavy, ndraiky reo kakazo jiaby. ³⁰ Koafa manaroko reo, dia ho hitanareo manaokagna fao afa marikitry ny laohotaogno. ³¹ Hotra zany faogna koa, koafa hitanareo miboaka reo raha reo, dia diniho fao afa marikitry ny fanjakan-Jagnahary. ³⁷ Koa nandritry andro dia nampianatra tao amin'ny Tempoly Izy, aveo ny aligny dia nandeha niboaka Izy aveo nijanogno teo an-tanetin'ny oliva. ³⁸ Ireo vahoaka jiaby dia tonga letry marandrain-dratsy mbô hitandregny Azy tao amin'ny Tempoly.