¹ Ary andro araiky, raha nampianatra ny vahoaka tao amin'ny tempoly Jesôsy ary nitory ny vava maharavo, dia nagnatogno Azy zareo lohan'ny mpisôrogno ndraiky mpanora-dalagna niaraka tamin-jareo sojabe. ² Nivaolagna zareo, nagnanjao: "Ambarao zahay hoe amin'ny fahefagna ino moa hagnanaovanao regny raha regny? Na koa zôvy no nagnamia Anao zao fahefagna zao?" ⁵ Niady hevitry zareo, nivaolagna nagnanjao: "Raha hamaly atsika: 'Avy agny andangitry dia hivaolagna Izy magnanjao: ''kay nagnino areo tsy nino Azy?' ⁶ Fao raha mivaolagna atsika magnanjao: 'Avy amin'ny ôlombelogno,' dia hanopy vato atsika ny vahoaka jiaby, satria zareo dia resy lahatra fao Jaona mpagnazary." ⁷ Noho zany dia namaly zareo fao tsy hainjareo zay niaviany. ⁸ Jesôsy nivaolagna taminjareo nagnanjao: "Zaho tsy hagnambara aminareo zay fahefagna hagnanaovako zao raha jiaby zao." ⁹ Nivolagnin'ny tamin'ny vahoaka zao fagnohoaragna zao: "Nisy lalahy araiky nanagna tanim-boaloboko, nampagnaofa zany tamin'ny mpamboly voaloboko, aveo nandeha tagny amin'ny firenena hafa tagnatiny fotoagna aila. ¹⁰ Tamin'ny laira voatondro dia nagnandefa mpanompo izy ho agny aminjareo mpamboly voaloboko, fao tôkony hagnomia azy ny voankazon'ny lehy tanimboaloboko zareo. Nipopohinjareo mpamboly anefa izy, aveo nalaifany nimpôdy tagnam-pôlo. ¹¹ Avakeo nagnandefa mpanompo hafa ndraiky izy ary nipopohindreo koa, nalainy baraka, aveo nalefanjareo tagnampôlo. ¹² Mbôla nagnandefa fagnintelony izy aveo noratrainjareo koa izy, aveo niroahigny. ¹³ Noho zany dia nivaolagna ny tômpony lehy tanimboaloboko nagnanjao: 'Ino raha ataoko? Halaifako akagny ny zanako lahy tiako. Mety mbô hajainjareo izy.' ¹⁴ Fao koafa hitanjareo mpamboly voaloboko izy dia nikoragna zareo, nivaolagna nagnanjao: 'Io lehy mpandova. Alohy ho vonontsika izy, biaka ho hazontsika ny lôva.' ¹⁵ Niroahinjareo niala ny tanimboaloboko izy aveo nivononjareo. Ino aveo no ho ataon'ny tômpony lehy tanimboaloboko aminjareo? ¹⁶ Hoavy izy aveo hagnapotiky reo mpamboly voaloboko, avakeo hagnamia lehy tanimboaloboko amin'ny hafa. Koafa naharegny zany zareo, dia nivaolagna nagnanjao: "Sagnatria amin-Jagnahary!" ¹⁷ Fao nizaha zareo Jesôsy, nivaolagna nagnanjao: "Ino hevitry lehy voasaoratra hoe: 'Ny vato zay tsy nikehinjareo mpagnorintragno no nanjary vato fehizoro'? ¹⁸ Ny tsiaraikiaraiky zay lavo ake agnivon'ny vato io dia tôrotôro. Fao na zôvy na zôvy no lavo, dia ho potiky." ²¹ Nagnontany azy zareo nivaolagna nagnanjao: "Mpampianatra ô! Hainay Anao fao mivaolagna ndraiky mampianatra am-pahamarinagna, ary tsy voasariky ny hevitry zôvy na zôvy, fao Anao dia mampianatra ny fahamarinagna mahakasiky lalàn-Jagnahary. ²² Ara-dalagna aminay moa ny magnaifa hetra amin'i Kaisara, sa tsia?'' ²⁵ Nivaolagna Izy taminjareo nagnanjao: "Noho zany amiazo Kaisara ny raha jiaby nihin'i Kaisara, aveo amin'ny Zagnahary zay nihin-Jagnahary." ²⁶ Tsy nahita tsigny tamin'izay nambarany teo agnatrehan'ny vahoaka zareo, fao dia gaga tamin'ny valin-teniny kay nangigny. ²⁷ Koafa tonga teo aminazy ny sasany taminjareo Sadeseo, reo zay nivaolagna fa tsisy ny fitsanganagna amin'ny maty, ²⁸ nagnontany Azy zareo, nivaolagna nagnanjao: "Mpampianatra ô, Mosesy dia nanaoratra amintsika fao raha maty ny rahalahin'ny lalahy araiky, manambady, aveo tsy mananjanaka, dia tôkony halaka vady an'ny lehy vadin-drahalahiny lehy lalahy, aveo hagnomia zanaka hoan'ny rahalahany. ²⁹ Nisy mpirahalahy fito aveo ny voalohany nanam-bady, avakeo maty tsy nanan-janaka, ³⁰ ary ny faharoa koa tôrotro zany. ³¹ Nagnampakatra azy ny fahatelo, aveo karaha zany aby izy fito samy tsy nanan-janaka, aveo maty. ³² Tafaran'ny zany dia maty lehy vaiavy. ³³ Amin'ny fitsanganagna amin'ny maty, ho vadin-jôvy ary izy? Fao samy afavy nanambady azy izy fito." ³⁴ Jesôsy nivaolagna taminjareo nagnanjao: Zareo zanaka izao tontolo izao dia mampaka-bady ndraiky ampakarigny. ³⁵ Fao zareo zay hita amin'ny zao andro zao fao magnaiva ny halaka ny fitsanganagna amin'ny maty dia tsy hampaka-bady na hampakarigny. ³⁶ Tsy hofoaty eky zareo, satria mitôvy amin'ny reo anjely ndraiky reo zanaka Zagnahary, zay zanaka ny fitsanganagna amin'ny maty. ³⁷ Fao ny maty dia natsangagna na Mosesy aza dia mampiseho, teo amin'ny lehy toeragna zay nisy voaroy, zay nagnantsaovany ny Tompo ho Zagnaharin'i Abrahama ndraiky Zagnaharin'i Isaka aveo Zagnaharin'i Jakoba. ³⁸ Ary Izy dia tsy Zagnaharin'ny maty, fao nihin'ny velogno, satria ny raha jiaby dia velogno ao aminazy.'' ³⁹ Ny sasany taminjareo mpanoradalagna namaly nagnanja: "Mpagnanatra ô, namaly tsara Anao." ⁴⁰ Satria tsy nahasaiky nagnapetraka fagnintaniagna hafa taminazy eky zareo. ⁴¹ Jesôsy nivaolagna zareo nagnanjao: ''Manankôry no agnambaranjareo fao Kristy dia zanaka lahin'i Davida? ⁴² Fao Davida vaokany no nivaolagna tao amin'ny bokiny salamo magnanjao: "Ny Tompo nivaolagna tamin'ny Tompoko: 'Mibidaoha akao antanagna ankaheriko, ⁴³ papiky agnanaovako ny fahavalonao ho fambilagna hongotro.' ⁴⁴ Noho zany Davida dia nagnantso Kristy hoe: 'Tompo,' kay manakôry no maha zanak'i Davida Azy?'' ⁴⁵ Tagnatrehan'ny ôlogno jiaby dia nivaolagna taminjareo mpianany Izy nagnanjao: ⁴⁶ "Mitandrema amin'ny mpanora-dalagna, zay magniry handaiha miaraka amin'ny ankajo lava, ndraiky tia fiarahabaagna manaokagna egny an-tsaina, aveo dabilio voalohany ao agnaty synagoga, aveo toeragna voalohany agny amin'ny fagnasagna. ⁴⁷ Zareo koa mandany ny tragnonjareo mpitondra tegna, aveo magnano vavaka lavareny ho fisehosehoagna. Ny lalahy karaha zany dia hahazo fagnamelaohagna bahery gaida."