¹ Aveo izy nagnambara fagnoharagna taminjareo ny mahakasiky ny tôkony hivavahanjareo bariky aila, aveo tsy ho kivy, ² nivaolagna nagnanjao: "Tao amin'ny tanàgna araiky dia nisy mpitsara zay tsy natahotra Zagnahary aveo tsy nagnaja ôlogno. ³ Ary nisy mpitondra-tegna araiky akao amin'io tanàgna io, avakeo izy mandaiha aminazy mazàgna, nivaolagna magnanjao: 'Ampia zaho mbô hazahoako rariny magnoloagna ny fahavaloko.' ⁴ Fao afa letrin'ny aila izy no tsy vôgnogno hagnampy azy, fao tafara hely ny zany nivaolagna tamin'ny haigniny izy nagnanjao: 'Na dia tsy matahotra Zagnahary aza zaho na tsy magnaha ôlogno, ⁵ foa koa satria manahiragna zaho tô mpitondra-tegna tô, dia hagnampy azy zaho mbô hahazahoany rariny, mbô tsy handrairaka zaho nohon'ny fimpodimpidianany lava atô eky izy.'" ⁶ Aveo nivaolagna ny Tompo nagnanjao: "Tandrignaiso zay ambarany lehy tsy mpitsara tsy marigny. ⁷ Avakeo tsy hitondra rariny hoany lehy voafidy zay magnantso mafy Azy andro aman'aligny koa moa Zagnahary? ⁸ Ambarako aminareo fao hitonga rariny malaky aminjareo izy. Karaha zany koa, koafa tonga Zanak'ôlogno, hahita finoagna atô an-tany tatô be moa izy?" ¹¹ Lehy Fariseho nitsangagna avakeo nivavaka reto raha mahakasikin' ny haigniny reto nagnanjao: 'Zagnahare e, misaotra Anao zaho fao tsy mitôvy amin'ny ôlogno hafa—mpangalatra, ôlogno tsy marigny, mpijangajanga—na karaha tô mpamôry hetra tô aby. ¹² Mifady hanigny indroa isan-kerigniandro zaho. Magnomia ny ampahafôn'ny lehy azoko jiaby zaho.' ¹³ Fao lehy mpamôry hetra, nitsangagna avy aroy lavidavitry, tsy nety nagnampakatra ny masony tagny amin' ny langitry, fao niteha-tratra, nivaolagna nagnanjao: 'Zagnahary e, mamindrà fô aminaha, mpanota.' ¹⁴ Magnambara aminareo Zaho, io lalahy io dia nimpôdy nijôtso tagny an-tragnony maraindraigny no afa voavaila heloko noho lehy araiky, satria zay jiaby magnandrataigna dia hajôtso, fao zay jiaby manetry taigna no hampakarigny." ¹⁵ Ny ôlogno koa dia nitondra ny zanany hely Taminazy, mbô hikasihany, fao koafa nahita zany zareo mpianatra, dia nivaolagna mafy zareo. ¹⁶ Fao Jesôsy nagnantso zareo hagnatogno Azy, nivaolagna nagnanjao: "Ambilao ny zaza hagnatogno Zaho, ary aza sakanagna zareo. Fao agny karaha zareo ny fanjakan-Jagnahary. ¹⁷ Ambarako marigny aminareo, na zôvy na zôvy tsy halaka ny fanjakan-Jagnahary karaha ny zaza dia tsy hiditra akao amin'ny zany faogna." ¹⁸ Ary nisy mpanapaka araiky nagnontany Azy, nagnanjao: "Mpagnanatra tsara ô, ino tsy maintsy hi tsaboky mbô handovàko ny fiainagna bariky dintany." ¹⁹ Jesôsy nivaolagna taminazy nagnanjao: "Nagnino Zaho no antsôvinao hoe tsara? Tsisy ôlogno tsara, afa-tsy Zagnahary araiky faogna. ²⁰ Hainareo didy—Aza mijangajanga, aza mamono ôlogno, aza mangalatra, magnajà ny iadanao ndraiky ny nininao." ²¹ Nivaolagna lehy mpanapaka nagnanjao: "Zany jiaby zany dia afa nankatoaviky rango zaho tanora." ²⁴ Ary Jesôsy, nahita azy, nanjary vignitry mafy [Fagnamarihagna: Zareo manam-pahaizagna dia mizara-hevitry raha tôkony ho ampidiragna eto ny teny hoe: [Izy] dia nanjary nalahelo mafy. Apitahao ny And 23] aveo nivaolagna nagnanjao: "Magnankôry ny fahasaraotagnan'ny fidiragna ao amin'ny fanjakan-Jagnahary hoanjareo zay mpanan-kariagna! ²⁵ Fao moramora foagna hoan'ny ramaiva ny hiditry amin'ny vôdim-pilo, nohon'ny hidiran'ny ôlogno mpanan-kariagna araiky amin'ny fanjakan-Jagnahary." ²⁶ Zareo zay naharegny zany dia nivaolagna nagnanjao: "Zôvy ary no afaka ho vonjegny?" ²⁷ Jesôsy namaly: "Reo raha zay tsy hain'ôlombelogno dia hain-Jagnahary." ²⁸ Petera nivaolagna nagnanjao: "Tô, niala raha jiaby zay nihinay zahay aveo nagnaraka Anao." ²⁹ Ary Jesôsy nivaolagna taminjareo nagnanjao: "Ambrako marigna aminareo, fao tsisy ôlogno zay nahafoy tragno, na vady, na rahalahy, na iadany maha nininy, na zanaka, nohon'ny fanjakan-Jagnahary, ³⁰ zay tsy hahazo fôntry amin'ny tô tany tô, avakeo amin'ny andro hoavy, dia fiainagna bariky dintany." ³¹ Koafa avy namôry ny aroa ambin'ny fôlo lahy teo Aminazy Izy, dia hoizy izy taminjareo nagnanjao: "Tô, miakatra hoagny Jerosalema atsika, kay regny raha jiaby zay voasaoratra zareo mpagnazary mahakasikin'ny Zanak'ôlogno dia ho tantairaka. ³² Fao hatôlotro akeo amin'ny Jentilisa Izy, kay hamohaizagna, aveo halagna baraka, aveo handroroagna. ³³ Afaran'ny hamompoahagna Azy, dia ho vononjareo Izy aveo amin'ny andro fahatelo dia hitsangagna ndraiky Izy." ³⁴ Tsy nahatakatra na ino na ino tamin'ny regny raha regny zareo, aveo navôny taminjareo zany koragna zany, avakeo tsy azonjareo ny raha zay voavaolagna. ³⁵ Ary raha narikitry Jeriko i Jesôsy, dia nisy lalahy gila araiky nibidôko teo antsisin-dalagna nangataka, ³⁶ aveo raha naharegny ny vahaoka nandalo, dia nagnontany zay raha nandalo izy. ³⁷ Nagnambara zareo hoe nandalo teo Jesôsy avy akagny Nazareta. ⁴⁰ Jesôsy nijanogno aveo nandigny mbô hitondragna lehy lalahy ho akeo aminazy. Ary koafa narikitry leha lalahy gila, dia nagnontany azy Jesôsy nagnanjao: ⁴¹ "Ino no tianao hitsaboky aminao?" Nivaolagna izy nagnanjao: "Tompo, te-hahita zaho." ⁴² Jesôsy nivaolagna taminazy: "Mahitava. Ny finognanao no nampahivagna anao." ⁴³ Teo noho eo dia nahita izy aveo nagnaraka Azy, nagnamia vogninahitry Zagnahary. Ny ôlgno jiaby, koafa nahita zany, dia nanôlotro fiderana ho an'ny Zagnahary