³ Mitandraima. Raha manota ny rahalahinareo, volagno mafy izy, aveo raha mibebaka izy, mamelà azy. ⁴ Raha manota aminao impito ao agnatin' ny andro araiky izy, kay impito mimpôdy aminao izy, mivaolagna fao: 'Mibebaka zaho,' dia tsy maintsy mamela azy anao!" ⁵ Zareo apostoly nivaolagna tamin'ny Tompo magnanjao: "Ampitomboy ny finoagnanay." ⁶ Ny Tompo nivaolagna: "Raha managna finoagna karaha voatsinampy areo, dia afaka mivaolagna amin'io vôrivôrinkakazo io hoe: 'Miongota, avakeo maniria an-dranomasigny,' dia hagneky areo izy. ⁷ Fao zôvy aminareo, managna mpanompo miasa tany na miambigny ondry, kay hivaolagna aminazy koafa tonga avy akagny an-tsaha izy magnanjao: 'Avia malaky aveo mantaira mbô hihinagna'? ⁸ Fao tsy hivaolagna aminazy moa izy magnanjao: 'Karakaray raho hoanigny zaho, kay atôvy fehimboko magnodidigny ny ankanjonao dia manompoa zaho mandrapahalanin' ny hanigny naha aveo figiahagnanaha. Dia aveo anao mihinagna ndraiky migiaka'? ⁹ Tsy misaotra lehy mpanompo izy satria nagnao regny zay nibikoagna azy izy, sa misaotra magnomia fisaoragna izy? ¹⁰ Na dia areo koa aza, koafa nahavita regny raha jiaby zay nandidiagna regny areo, dia tôkony hivaolagna magnanjao: 'Zahay dia mpanompo tsy mendriky. Zay tôkony nitsabonay faogna no nitsabonay.'" ¹¹ Aveo raha nandaiha ho agny Jerosalema Izy, dia nandaiha teo amin' ny sisin-tany akeo agnailagnailan'i Samaria ndraiky Galilia. ¹² Koafa niditra akao amin'ny tanàgna araiky izy, dia nisy boka fôlo lahy nitratro taminazy tao. Nitsangagna lavitry Azy zareo ¹³ aveo nagnampakatra agnambo ny feonjareo, nivaolagna nagnanjao: "Jesôsy, Tompo ô, mamindrà fô aminay." ¹⁴ Koafa nahita zareo Izy, dia nivaolagna taminjareo nagnanjao: "Mandihiana dia aboaho aminjareo mpisôrogno ny haigninareo." ¹⁵ Raha igny lôsogno igny zareo dia nadio. Koafa nahita ny araiky taminjareo fao nahivagna izy, dia nimpôdy, niaraka tamin' ny feo agnambo nankalaza Zagnahary. ¹⁶ Niankohoko teo an-tongotr'i Jesôsy izy, nanôlotro fisaoragna Azy. Izy dia Samaritana. ¹⁷ Ary Jesosy nivaolagna nagnanjao: "Tsy afa madio moa zareo fôlo? Fao aiza ny sivy? ¹⁸ Tsisy hafa nimpôdy hagnomia vogninahitra Zagnahary moa? afa tsy tô vahiny tô?" ¹⁹ Ary hoizy Izy taminazy: "Mitsangàna, kay mandihiana. Ny finoagnanao no nankaivagna anao." ²⁰ Raha nagnontonianjareo Fariseo nagnanjao: "afiriagna ny fanjakan-Jagnahary no ho tonga, dia namaly zareo Jesosy kay nivaolagna: "Tsy hita-maso ny faviagnan' ny fanjakan-Jagnahary. ²¹ Tsy hivaolagna koa zareo magnanjao: 'Zahavo, tô lehy izy!' na hoe: 'Igny lehy izy!' Fao tô, ny fanjakan-Jagnahary dia akao agnatinareo." ²² Hoizy izy taminjareo mpianatra: "Avy ny andro hagnirianareo ny hahita ny araiky amin'ny andron'ny Zanak'ôlogno, fao tsy hahita zany areo. ²³ Ary zareo nivaolagna aminareo fao: 'Zahao, atoy!' Fao aza miboaka na magnindry zareo, ²⁴ fao karaha ny sinkelatra mazava koafa mitaratra avy akagny amin'ny ilany ny lanitra kay tonga akagny amin'ny ilany araiky, dia karaha zany ny Zanak'ôlogno amin'ny andronazy. ²⁵ Fao voalaohany dia tsy maintsy hijaly amin'ny raha maro Izy ho tsy ikehin'ny tô taranaka tô. ²⁶ Karaha zay nandalo tamin'ny andron'i Noa, no hoisy koa amin' ny andron'ny Zanak'ôlogno. ²⁷ Nihinagna zareo, nigiaka, nanambady, natôlotro ho ampakarigny mandra-pahavian' ny andro zay nidiran'i Noa tao amin'ny sambofiara—ary tonga Safo-drano kay nandripaka zareo jiaby. ²⁸ Karah zay niboaka tamin'ny andron'ny Lota—nihinagna sady nigiaka zareo, nividy ndraiky nivarotro, namboly ndraiky nitsabo tragno. ²⁹ Fao tamin'ny andro zay niboahan'i Lota avy tao Sodoma, dia môtro ndraiky solifara no nilatsaka avy t'an-dangitry kay nandripaka azy jiaby. ³⁰ Dia karaha zany koa ny amin'ny andro hisehoan'ny Zanak'ôlogno. ³¹ Amizany andro zany, aza misy ambaila halaka regny entagna ho agny ambailan'ny tragno zay akagny amin'ny tômpontragno; aveo aza ambaila himpôdy zay agny an-tsaha. ³² Tsaroano ny vadin'i Lota. ³³ Na zôvy na zôvy mitady hagnavotro ny haigniny dia hahavery azy, fao na zôvy na zôvy hahavery ny haigniny dia hamonjy azy. ³⁴ Magnambara aminareo Zaho, fao amizany aligny zany dia hoisy ôlogno aroa akeo ambonon'ny fandriagna araiky. Ny araiky halaigny, ary ny araiky ho availa. ³⁵ Ary hoisy aroavavy miaraka mandisa vary. Ny araiky halaigny, ary ny araiky ho availa." ³⁶ [Fagnamarihagna: regny fandikagna tegna tsara dia magnala ny andininy faha 36 magnanjao: "Hoisy arolahy agny an-tsaha; ny araiky halaigny, ary ny araiky ho availa."] ³⁷ Nagnontany Azy zareo nagnanjao: "Aiza Tompo?" ary Izy nivaolagna taminjareo nagnanjao: "Zay hamitrahagnan'ny faty, dia akagny koa no hoisy vôtoro hiaraka mivôry."