¹ Aveo reo mpamôry haitra jiaby ndraiky reo mpanota sasany dia havy teo amin'i Jesôsy mbô hitandregny Azy. ² Nifampimonimonigny reo Fariseo ndraiky reo mpanora-dàlagna, nivaolagna nagnanjao: "Io lalahy io dia mandray mpanota, avakeo miara-mihinagna amin-jareo lasiteo aby." ³ Jesôsy nitsabo zao fagnohoaragna zao tamin-jareo, nivaolagna nagnanjao: ⁴ "Zôvy aminareo, raha managna ondry zato izy ary aveo very ny araiky amin'ny ziregny, no tsy hagnambaila ny sivy amby sivy fôlo agny an-tany maty, aveo handaiha hizaha lehy araiky very mandra-pahitavany azy? ⁵ Aveo koafa hitany zany, dia availany eo an-tsarony aveo miravo izy. ¹¹ Aveo Jesôsy nivaolagna nagnanjao: "Nisy lalahy araiky nanan-janaka aroa lahy, ¹² aveo ny faralahy tamin-jare nivaolagna tamin'ny iadany nagnanjao: 'Iada a, amiazo zaho ny anjara hariagna zay tôkony ho ninaha.' Koa dia nizaraigny tamin-jareo ny fanagnany. ¹⁷ Fao koafa tonga saigny lehy faralahy, dia nivaolagna izy nagnanjao: 'Firy amin'ny reo mpanompony iadako no managna hanigny mihoatra ny saha, aveo tô zaho, matin'ny tihinigna! ¹⁸ Hingiako eto kay ho agny amin'ny iadako zaho, aveo zaho hivaolagna aminazy magnanjao: "Iada a, afa nanota tamin'ny langitry zaho, ndraiky tamin'ny masonao. ¹⁹ Tsy magnaiva antsôvigny hoe zanakao eky zaho; atôvo hotra ny araiky amin'ny reo mpanompo zaho." ²⁰ Noho zany nandaiha lehy faralahy kay nandaiha amin'ny iadany. Raha mbôla lavitry izy, dia hitan'ny lehy iadany, aveo tôhigny nangoraka, kay nihazakazaka, aveo nitôlogno sady nagnôroko azy. ²¹ Lehy zanany lalahy nivaolagna nagnanjao: 'Iada a, afa nanota tamin'ny langitry ndraiky tamin'ny masonao zaho. Tsy magnaiva antsôvigny zanakao zaho.' ²² Lehy iada nivaolagna tamin'ny mpanompony nagnanjao: 'Ndeso malaky reo ankajo taigna tsara, kay ampiakanjoa azy, avakeo asio pairatra ny tagnany, ndraiky kiraro ny hongony. ²³ Avakeo ndeso lehy zanaka aomby matavy kay vonoy zany. Alôhy atsika hankalaza amin'ny lagnonagna! ²⁴ Satria ny zanako lahy dia maty, ary zeo velogno ndraiky.' Very izy, avakeo zeo hita indraiky.' Aveo dia nanomboko nikoragna zareo. ²⁸ Vingitry lehy lahimatoa, aveo tsy nety niditry, dia niboaka iadany, aveo niangavy azy. ²⁹ Fao namaly lehy lahimatoa avakeo nivaolagna tamin'ny iadany nagnanjao: 'Zahavo, afa antagnony maro no nanompoako anao, aveo mbôla tsy nandika ny lalànao zaho, aveo anao tsy mbôla nagnamia na dia zanak'osy nafahako nikoragna niaraka tamin'ny reo namako aby, ³⁰ kanaifa koafa tonga ny zanakao lahy, zay nandriatra fanagnanao tamin'ny mpivaro-taigna, dia nivononao hoazy lehy zanak'aomby nafahy.' ³¹ Hoizy lehy iada taminazy: 'Zanako, anao dia miaraka aminaha faogna, avakeo zay jiaby nihinaha dia nihinao. ³² Kanaifa rariny amintsika ny mikoragna sady miravo, satria tô rahilahinao dia maty, avakeo zeo dia velogno indraiky; very izy, aveo zeo dia hita indraiky."'