¹ Nivolagna tamin'ny fagnoharagna tamin'ndro ndraiky i Jesosy, nagnano hoe: ² "Fanjakan'ny lagnitry mitovy amin'ny mpanjaka zay nagnomagna fagnasagna amin'ny fampakaram-bady ho amin'ny zanany lahy. ³ Nagniraka iro mpanomponany hikaiky iro zay nahazo fagnasagna hiatriky fetin'ny fampakaram-bady izy, fa tsy nety ho avy iro. ⁴ Nandaifa iro mpamnomponany hafa ndraiky ny mpanjaka, magnano hoe: 'Agnambarao iro zay nasaigna hoe: "Zahava fa, efa nikarakarako tsara hanigninaka. Efa nivonegna aomby ndraiky iro zanak'aomby mifahy, avio efa vognono iro zaka jiaby. Mitongava ao amin'ny fety fampakaram-bady."' ⁵ Fa anaifa ndraiky, anaro tsy niraharaha avio loso nandaiha, avio araiky nagnantôgno toeragna fiompiagnanany, avio ny sasany tamin'ny raharaham-barotranany. ⁶ Iro sasany hafa koa nanambotro iro mpanompon'ny mpanjaka, nangala baraka iro, salakady namono iro. ⁷ Kay neloko mpanjaka salakad nagniraka iro miaramilanany, avio namno mmpamono olo iro, avio nagnoro tanàgnanany. ⁸ Abaka io nivolagna tamin'ndro mpanompo izy: 'Efa vognono ny fampiakaram-bady, fa iro zay nasaigna tsy mendriky. ⁹ Noho izegny mandihana agny amin'ny sampan-dalambe avio nagnasa olo maro araka zay hitanaroho agny amin'ny fety fampakaragnam-bady.' ¹⁰ Nandèha niboaka tagny amin'ny lalam-be iro mpanompo avio nagnambara olo jiaby zay hitan'ndro, na tsara na ratsy. Noho izegny, feno vahiny efitragno maventy nisy ny fampakaragna. ¹¹ Fa izikoa fa niditry mpanjaka mbaika hizaha iro vahiny, nahita lelahy tsy nisikiny akanjo fitondra amin'ny fampakaram-bady izy. ¹² Nivolagna taminany mpanjaka nagnano hoe: "O ry zaza, amin'ny fomba akory hidiranao ato ato tsy miaraka amin'ny sikiny fitondragna amin'ny fampakaram-bady?' Fa ty nahavolagna i ralelahy. ¹³ Abaka io nivolagna tamin'ndro mpanompony mpanjaka nagnano hoe: 'Fihaizo tagnana ndaiky vitin'ity lelahy ty, avio atsipaza agny amin'ny aizigny agny ambadiky izy, agny misy fitomagniagna ndraiky fikotroha-nify.' ¹⁴ Fa olo maro nikahiagna, naifa vitsy ny avoafidy. ¹⁵ Aviô irô fariseo nagnomagna fômba mety hamandrihagna Jesosy amin'ny raha nikoragniny. ¹⁶ Bakô nirahin-drô andeha Aminany agny irô mpianatran-dro, hiaraka tamin'ndrô Herodiana. Nivolagna tamin'i Jesosy irô hoe: "Ry mpampianatra eh! hainay fa marigny Anao, bakô mampianatra lalagnan-dragnahary amin'ny marigny. Tsy miraharaha hevitrin'olo hafa Anao, baka iô ka tsy mizaha mitagnila. ¹⁷ Dikany zegny ambara zahay, ino hevitrinao? Ara-dalàgna ma fandoavagna hetra agny amin'ny Kaisara sa tsia?" ¹⁸ Kanefa azon'i Jesosy haratsiagnan-dro Kay nivolagna hoe: "Nagnino mitsapa Za anarô, Mpiatsaravelatsihy? ¹⁹ Aboaha Za farantsa amin'ny hetra." Kay nitôndra denaria taminany tiô irô. ²⁰ Nambarany Jesosy tamin'ndrô hoe: "Ninjovy sary ndraiky agnaragna ity?" ²¹ Navalin'ndro taminany hoe: "Nihin'i Kaisara." Aviô Jesosy nagnambara irô hoe: "Amia i Kaisara zegny ny Kaisara, bakô amian-dRagnahary zegny nihin-dRagnahary." ²² Izy koa fanaharegny izigny irô, gaga. Aviô niala tamin'ndrô tiô nandeha. ²³ Tamin'ny andra io fo irô Sadoseo Sasany, irô nivolagna fa tsisy fitsanganagna amin'ny maty, nagnantogno Izy. Nagnôntany Izy irô, ²⁴ nagnano hoe: "Mpampianatra eh, Mosesy nivôlagna hoe: 'Iziko maty olo, Tsy manan-janaka, tôkony hanambady vadiny ny ralahiny bakô hiteraka ho an'ny ralahiny. ²⁵ Nisy mpiralahy fito. Nanambady voalohany aviô maty. Maty tsy hiteraka, namiany ho any ralahiny vadiny. ²⁶ Aviô mitovy amin'izegny ka araiky faharoe, bakô lay fahatelo,Kara zegny fo ka juska amin'ny ralahiny fahafito. ²⁷ Tafaran-dro jiaby, maty i viavy. ²⁸ Kay amin'ny fitsanganagna amin'ny maty, ho vadin-jovy amin-drô fito mpiralahy regny izy? fôtony fa nanambady izy aby irô jiaby." ²⁹ Kay namaly Jesosy nivôlagna irô hoe: "Diso anarô, fôtony Tsy mahay Soratra Masigny na herin-dRagnahary. ³⁰ Amin'ny fitsangana amin'ny maty salakady Tsy nanambady izy irô no Tsy amiagna ampakarigny ka. Kanefa ndraiky, mitovy amin-drô anjely agny an-dagnitry. ³¹ Fa mahakasiky fitsanganan'ny maty, mbala Tsy nivakinarô ma raha nambaranin-dRagnahary taminaro,magnano hoe: ³² "Za ndrô Zagnaharin'i Abrahama, Zagnaharin'Isaka, bakô Zagnaharin'i Jakoba'? ndRagnahary tsy Zagnahariny ny maty, fa nihin'ny velogno." ³³ Kay izy koa fa naharegny zegny irô vahoaka, lany fagnahy tamin'ny fampianaragnanany. ³⁴ Fa izy koa regnin-drô Fariseo ny nampagignan'i Jesosy Sadoseo, Kay niaraka nivondrogno irô. ³⁵ Araiky tamin-drô, mpahay lalàgna, nametraka fagnontaniagna taminazy, nangala fagnahy izy hoe: ³⁶ "Mpampianatra eh, ino ma didy tegna be amin'ny lalàgna ao?" ³⁷ Nivôlagna taminany Jesôsy hoe: "Tiava amin'ny fônarô jiaby, amin'ny fagnahinarô jiaby, ary amin'ny saigninarô jiaby ny Tompon-dRagnaharinarô.' ³⁸ Izegny didy maventy salakady voalohany. ³⁹ Kara zegny koa didy faharoe: "Tiava ny namanao kara tegnanao. ⁴⁰ "Kai amin-drô didy aroe regny iankinan'ny lalàgna jiaby draiky irô mpaminany." ⁴¹ Mbala tiô ampivoriagna irô Fariseo, nametraka fagnontaniagna tamin-drô Jesosy. ⁴² Hoy Izy: "Ino ma diniky narô mahakasiky i Kristy?" Navalin-drô: "zanaka Davida." ⁴³ Hoy Jesosy tamin-drô hoe: "Nagnino fo basy Davida mipetraka agnatin'ny fagnahy ao mbala mikaiky Izy Tompo, magnano hoe: ⁴⁴ "Tompo nivolagna tamin'ny Tompoko hoe: "Mipitraha amin'ny tagnan'ankavagnako iô, ziska fahavitako ny fahavalonao ho fipitrahan'ny vitinao?" ⁴⁵ Na Davida fo nikaiky i Kristy hoe: 'Tompo,' kai ino mampa zanaka Davida Izy?" ⁴⁶ Tsisy olo nahavaly Izy Tamin'ny koragna io, baka iô tsisy olo nahasaky nametraka fagnontaniagna hafa eky eky nanomboko tamin'ny andra zegny.