¹ Kay koa nagnontany agny Jerosalema Jesosy Kay nandeha agny Betifaga, agny agnambony bongo Oliva, nandèfa mpianatra aroé Jesosy, ² nivolagna tamin-drô hoe: "Mandihanà amin'ny tanana magnaraka ao, fa iô anarô hahita boriky mifehy bakô zanaka boriky araiky miaraka aminany. Vahao irô bakô hoènta aminaka aty. ³ Izy koa misy mivolagna anarô mahakasiky zegny, volagna hoe: 'Misy raha ilainy Tompo izy,' bako iô ny iô i olo zegny handefa izy miaraka aminarô." ⁴ Kay zegny niraha nitranga mba hatantèraka raha nambarany mpaminany. Hoy Izy hoe: ⁵ "Agnambara zanaka vavin'i Ziona hoe: 'Indriô, Mpanjakanao magnantogno anao, Mitenginy boriky zana-boriky lahy.''' ⁶ Aviôroso iro mpianatra nagnano araka zegny nagnirahan'i Jesosy irô. ⁷ Nindesin-drô ampondra ndraiky zana-boriky bakô namètraka lamban-drô taminany, kay nipètraka tamin'nylamba tiô Jesosy. ⁸ Ankamaroan'ny vahoaka koa namètraka lamba nazy tamin'ny tany, namparahan-drô sampan-kazo sady naparitaka tamin'ny lalagna. ⁹ Aviô irô vahoaka Nandèha alohan'i Jesosy ndraiky nitabataba irô nagnaraka izy hoe: "Hôsana ho an'ny zanaka Davida! Isaoragna izy navy baka amin'ny agnaran'ny Tompo!" ¹⁰ Izy koa nidriky ta Jerosalema tao Jesosy, nandrotogno mpiray tanàna nagnano hoe: "Azôvy ma io?'' ¹¹ Namaly vahoaka hoe: "Izy ndrô Jesosy araiky mpaminany baka agny Nazareta agny Galilia." ¹² Aviô nidriky ta l'eglise tao Jesosy. Niroasiny aby irô mpivarotro ndraiky irô mpivanga jiaby ta l'eglise tao, bakô nalavony ka latabatran-drô mpanakalo vola draiky fipitrahan-drô mpivarotro voimailala. ¹³ Hoy Izy tamin-drô hoe: "Èfa voasôratra hoe: 'Ny tragnonaka atao hoe tragno fivavahagna."' ¹⁴ Tetekin'izigny nisy gila draiky mitsokilaka nagnatogno Izy ta tempoly tao, nisitragniny irô. ¹⁵ Izy ka fa nahita raha mahagaga nataony ny lehiben'ny Mpisôrogno draiky mpanora-dalàgna, izy ka fa regnin-drô tsaiky madiniky aby io nitabataba ta tempoly tao hoe: "Hôsana agny amin'ny zanaka Davida," kay neloko maré irô. ¹⁶ Hoy irô taminany hoe: "Regninarô ma raha nambaran-drô olo aby irô?" navalin'i Jesosy tamin-drô hoe: Ia! Fa tsendriky nivakianarô fekiny raha hoe: 'Baka amin'ny vavan'ny tsaiky madiniky draiky tsaiky minôno ndrô andovanarô fideragna?'' ¹⁷ Aviô niala irô Jesosy nandeha tagny amin'ny tananàn'i Betania tagny bakô nipètraka aligny tao. ¹⁸ Koa fa marandraignin'izigny nipody ta tanàna tagny Izy, kay silaogno. ¹⁹ Nahita kakazon'aviavy tan-tsisindalagna tiô, nagnantogno tiô Izy bakô tsy nahita na ino na ino tiô izy ka fa tsy raviny fo. Hoy Izy taminany hoe: "Aoka tsy ho hisy voany eky baka aminao mandrakizay," niaraka tamin'izegny naiky aviavy io. ²⁰ Izikoa nahita zegny reo mpianatra, dia Gaga sady nivola hoe: "Ahoana no nahamaina directy ity aviavy ty?" ²¹ Namaly Jesosy ary nivôlagna tamindrô hoe: "Volagniko aminareo, Izikoa managna fignoana sady tsy misy fisalasalana ianareo, dia tsy zay natao tamin'io aviavy io ihany no hataonareo, fa na dia hiteny amin'gny tendrombohitra aza anareo hoe: 'Miongota ary mianjrrà an-dranomasigny any,' dia ho atao zegny. ²² Na ino na ino angatahin'ndrô am-bavaka am-pinoagna, dia ho azonareo." ²³ Izy koa nidriky ta tempoly tao Jesosy, nagnantogno Izy ny lehiben'ny mpisôrogno draiky zokiolo tamin'izy mbola nampianatra kay nivolagna hoe: "Fahifagna baka aia ma agnanôvanao raha jiaby io?'' ²⁴ Namaly Jesosy kay nivolagna tamin-drô hoe: "Hamitrako fagnontaniagna araiky koa anarô. Koa ambaranarô Za valiny, ambarako anarô koa fa fahifagna baka aia agnanaovako raha jiaby regny. ²⁵ Batisan'i Jaona -baka ia naviany? Baka tagny an-dagnitry sa baka tamin'ny olombelogno?" Niady hevitry irô, nagnano hoe: "Koa mivolagna atsika hoe,'Baka tagny an-dagnitry, 'Izy hivolagna amintsika hoe: 'Kay nagnino fo anarô tsy nino izy? ²⁶ Fa izy koa mivolagna atsika hoe: 'Baka tamin'ny olombelogno', mavozo vahoaka atsika, fôtony mihevitry irô fa i Jaona kara mpaminany". Kay navalin-drô tamin'i Jesosy hoe: "Tsy hainay". ²⁷ Nivolagniny tamin-drô koa hoe: "Zaho koa tsy hivolagna aminarô hoe baka aia fahifagna agnanaovako raha jiaby regny. ²⁸ Ino hevtry narô? Nisy lelahy araiky nagnana zanaka aroe lahy.Nandeha nagnatogno araiky voalohany izy nagnano hoe: 'Zanako, mandihana miasa an-tsabo agny anao niany. ²⁹ Navaliny zanany lahy io hoe: "Zah tsy andeha agny", baka iô niôva hevitry izy kai rôso fo. ³⁰ Aviô nandeha amin'ny araiky faharoe izy nivolagna kara igny koa. Namaly izy hoe:"Andeha agny zaho, tômpoko" Kanèfa tsy nandeha izy. ³¹ Azôvy tamin'ndrô zanany aroé io ndrô nagnano sitrapôn'ny babany?'' Hoy irô hoe: "araiky voalohany." Jesosy nivolagna tamin'ndrô hoe: " Ambarako marigny aminarô, irô mpamory hètra ndraiky irô mpivaro-tègna hidriky Fanjakagnan-dRagnahary alohanarô. ³² Fa Jaona nagnantony anarô tamin'ny fahamarignana, fa tsy nety nino izy anarô. Fa irô mpamory hètra ndraiky mpivaro-tègna nety nino izy. Fa anarô, na dia hahita zegny aza,tsy nibèbaka ndraiky tsy nino izy. ³³ Tandrignèsa fagnoharagna araiky ity. Nisy lelahy araiky, tômpiny tany. Nagnano taniny resin izy, nasiany fefy izegny, nanangagnany tilikambo, Kay nampagnofainy tamin'ndrô mpamboly resin. Aviô nandeha tamin'ny tanàna hafa izy. ³⁴ Izy ka fa narikitry taogno famokaragna, nagniraka irô mpiasa nazy izy andeha amin-drô mpitsabo resin agny hangala vokatra nazy. ³⁵ Fa nisambôrin-ndrô mpamboly resin irô mpiasa nazy io, nipopohiny araiky, nivoneny sasany, mbala nitorahagnan-drô vato ka ny sasany. ³⁶ Bakô mbala, nandèfa mpiasa hafa koa tômpin- tany, Maro noho ny tamin'ny voalohany ka,kay nataon-drô Kara zegny fo Koa. ³⁷ Tafaran'izigny, nagniraka zanany lelahy tökagna tamin'ndrô tagny ka tômpin'ny tany,nivolagna hoe: 'Hagnaja ny zanako irô.' ³⁸ Izy koa fa nahita zanany lahy io irô mpitsabo resin, nifampirèsaka irô hoe: 'Ity ndrô mpandova. Alô, hivonetsika izy bakô alaintsika lova.' ³⁹ Ikà fa karazegny nisambôrin-drô izy, natsipiny agnatiny tsabony resin tao bakô nivoneny. ⁴⁰ Izy ka fa navy tômpin'ny tan-dResin, ino raha ataony amin-drô mpitsabo resin?". ⁴¹ Hoy irô taminany hoe: Hipotehigny amin'izegny fömba maharary indrindra irô olon-doza io, bakô aviô hampagnofaigny mpitsabo resin hafa ny tanin'ny resin, mba olo hagnamia anjarany vokatra amin'ny lèrany izy mamoa.'' ⁴² Nivolagna tamin'ndrô Jesosy hoe: " Mbalantsy namaky söratra Masigny fekiny mba anarô hoe: 'Vato tsy tiany mpagnôrigny tragno natao vato fôtotro. Baka amin'ny Tômpo izegny, kanèfa mahagaga amin'ny masotsika zegny'? ⁴³ Dikany zegny' ambarako anarô, hadoso aminarô Fanjakagnan-dRagnahary bakô hamiagna ny firenena zegny mahavokatra voany. ⁴⁴ Kay na azôvy na azôvy tsy ho tiany vato io hipotehagna. Fa zegny lavoany kosa hitorotoregny." ⁴⁵ Izy ka fa naharegny fanoharagna regny irô lehiben'ny mpisôrogno ndraiky irô Fariseo, kay azon'ndrô fa mahakasiky irô ndrô koragniny. ⁴⁶ Aviô tsaiky nisambôron-drô Izy, kanèfa navozo vahoaka irô, fôtony èfa nataon'olo ho mpaminany Izy.