¹ Qu sa vadudutakinia i va vatikem e i sewa e ere na tamu tovele na mate ni si bere ni re tolavia na matanitu ni Kalou. ² Sa oti a ono na siga ,sa qei meru o Pita, Jemesa qa i Joni o Jisu i na ulnivanua. ³ A sa qei matalia vakarewarewa na lea i sulu ⁴ A ru sa qei cedre mai i vuaru o Ilaijia qa Mosese qa ru vitatani sara qa Jisu. ⁵ A qei kwaya o Pita i va Jisu "Vakavuvuli, sa vina du vatileda nodoki no keni qa me ba sa tara i tolu na were i lia me lem, lei Mosese qa lia me lei Ilaijia". ⁶ (Ni sa tam kilatia na kwa a kwaya ni sa mataku.) ⁷ A qei lia na rorogo a qei rogo mai lomalagi ni sa vatagilotaki niru tu a lia na ka o. "O kwe na lequ driadria ni toko, ba varorogo i vua" ⁸ A sa kusariru ni ru vitolayaki qaru sa tam tolavia lia leqwa i vuara, o Jisu talia boto. ⁹ Ni ru sa siro civo mai na ulunivanua,sa vonotaki niru na luve ni Kalou me ru kua ni vacedrenia i vua i lia na tamata na kwa a ru tolavia. Me yacovia ni sa dure leqwa mai na luve ni tamata. ¹⁰ A ru qulumia no vatakiniru nai tukutuku qaru qei vicacanitakinia no na yava nai balebale ni cola leqwa mai na mate. ¹¹ A ru cacani koya,"Na yava e ere ma kwaya no na vunivola ni dodonu me teiteimata mai o Ilaijia?". ¹² qei kwaya lesu i vuara , ni "o Ilaijia a teimata mai me mai valesunia leqwa na vikwa i na kea i tautau i mata. Na ava e i ma qei volai tu ka na Luve ni tamata e i na vakararawataki i na levu na kwa qa vakamaduataki. ¹³ A sa qei vakadudutakinia vuara o Jisu, o Ilaijia qara takuicia ga na kwa a donuti kora me re tara i vua me wetai e i kwaya na i Vola Tabu me baleti koya. ¹⁴ Ni na yaco mai i vuaru na tisaiveli a ra tolavia a lia na vunino levu ni re rauni ti koru tu. ¹⁵ Ia na gauna boto a re tolavi Jisu ka na vunino coko so kwe, a re kurabui qa re wavucia me re kidavakinia. ¹⁶ A va cacaniru na tisaiveli o Jisu "Na yava o ba vibataki no qai kora? ¹⁷ A lia i vuara na vunino so kwe, a saumia qa taro,"Vakavuvuli,qu mei luvei au mai iva kemu. E i lia na yalo e i va tao nia tu me tam rewa ni tata. ¹⁸ Dau sobeti koya qa walataki ni koya civo,vuso e gusu,katia e bati qa vaqwaqwataki ni koya. "Qu kere viru lem tisaiveli meru ceburakinia dei mai vua a ru tam rewatia". ¹⁹ A qei tata niru o Jisu qa veceru," Taba tamata tam vabautia, i vei wetai na balavu ni lequ vosotia tu qai vati kem? Mea mai i va au. ²⁰ A ru mea na driadria i va Jisu.Ni sa tolavi Jisu na yalo, a samlaki ni driadria me yasaqasaqa tu, qa kekevuso e gusu. ²¹ A tarogia na tama ni driadria o Jisu na yava na balavu ni gauna e i wetai vali kwe? A kwaya o tamaya , "Ni si driasria sewa. ²² Ia na vigauna a viritaki ni koya i na quto sei i ruwai qa sagatia me mudukia lea cola. Maga e rewa ni tara e i lia na kwa lomani vatikemam qo vukei "kemam" ²³ A kwaya i vua o Jisu, Maga e rewatia na kwa coko e i rewatia o koya e i vakabautia. ²⁴ Vakasauri o tama ni driadria a gisa mai qa kwaya," Qi sa vabautia" vuke lequ tam vabautia. ²⁵ Ni sa tolavia o Jisu ni ra sa wavu coko mai i vuara , sa vunaucia na yalo gigilo qa kwaya ,"O iko na yalo ni dudu qa na galu , qi vakaroti iko laka dei mai vua qa kua ni lakatavia leqwa". ²⁶ A docola mai qa wiricaki nia vakaikai na driadria qa qei dei ni koya. A sa kea i rarai, ni driadria e i sa na mate qa bi coko a re sa kwaya "Sa mate". ²⁷ Ia o Jisu sa qei qulumia e lima qa vadurenia i yata, qasa qei dure tu. ²⁸ Ni sa rusu i were o Jisu , a ru sa qei cacania vailo na tisaiveli" Na yava e vu a ru tam rewa ni karavia rewa ka na yalo gigilo". ²⁹ A qei veceru, o Jisu, Na mataqali kwe e i tam rewa ni lei vikara qa vakavo ga na masu ³⁰ A ru laka dei mai so keni qa rusuvi Kalili. A tam vinatia o Jisu me lei kilati na vanua e ri sa no tu ka. ³¹ Ni sa vakavulici koru vali lea tisaiveli, A kwaya i vuaru," Na Luve ni Tamata e i na lei vagani i medra lima na tamata, qa re na vakamate nia ni oti e i tolu na siga, e i na dure leqwa mai". ³² Ia a re tam qulumia rewa na uto ni vitukutuku, qara mataku na cacani koya (Jisu). ³³ A ru sa laka mai Kapenaumi, ni oti sa lai rusu i were qa sa qei cacani koru. Na yava o ba vicacanitaki tovo mai calevu. ³⁴ Ia a ru qam gusu coko, niru vibataki nia vali mai i calevu, se o e i vuara e i tau talia i yata. ³⁵ Sa gatule qa sa covi koru vata na tinikarua qa vecei koru, Ko i lia e i vinatia me tei matai, e i dodonu me tia i otioti talia qa dauniviqwaravi. ³⁶ A sa qei vadurenia a lia na driadria i na medru vibutoyaki. A qei veceru, ³⁷ "Maga e i lia e i lomania na driadria kwe i qu yaca e i lomani au muni; O koya ga e I lomani au e i tam lomani au e i lomani koya a vatalai au mai." ³⁸ A vecei Jisu o Joni, ni ru tolavia a lia a vakayagatakinia e yaca(Jisu) me karavia ka na yalo gigilo, qaru qei bolei koya baletia a tam dau tokoiciru. ³⁹ Ia , a vecera o Jisu"Ba kua ni bole i koya, e i lala e i rewa ni tara vakavina na cakacaka bibita i qu yaca qa qei tata vakacacani au leqwa i taku. ⁴⁰ O koya ga e i tam saqati vati keta e i vati leda i to. ⁴¹ Maga e i lia i solia, va iko i lia na bilo wai mo somia baletia o lei Jisu , qi sa kwaya vakadu sara i vatikem ni na tam vele na kea i sau. ⁴² O koya a lia e i vakavunia e i lia na driadria e i vakabauti au me tarabe , e i vina cake me vesu i lia na vatu i e domo qa lei walataki i na waitaci nubu. ⁴³ A qei kwaya leqwa , Maga e i vakavunia no mu lima na tarabe mo drutakia dei. E i vina cake mo rewatia na cola qa lia tu boto mu lima mai na rua na lima qo qeitam rewati na cola qo laka i na mamaudre i tam lo rewa ⁴⁴ . ⁴⁵ Maga e i valeqa ni iko mu la musukia dei. E i vina cake mo rewatia na cola qa lia tu boto mu la mai na rua na tu na la qo biu i Eli ⁴⁶ . ⁴⁷ E i vina cake mo rusa i na matanitu ni Kalou qo matalia qa cakaca ni tau tu mu mata qo biu i Eli. ⁴⁸ E i tam mate rewa kedra baca qa tam lo rewa na kea quto. ⁴⁹ Ni na vakamasimataki na tamata coko i na quto. ⁵⁰ E i tau e bete na masima, ia ma ga e i sa vavelenia na masima ke'a tacitaci e i na qei vakatacitacitaki leqwa vakayava? "Mo ba tia masima qa mo ba vilomani vakataki ni vatikem".