¹ I na gauna so kwe, a lia na vunino levu a re takuci vata tu mai qai kora na tisaiveli i va jisu. A sa qei covi koru na tisaiveli qa vecera. ² " Qi sa lomani kora du ni sa tolu na siga ledra laka tu mai, qa sa lala muni na magiti a lei kani tu. ³ Maga qi na vatalai kora dei e re na lai malumalum i na ledra laka tovo i calevu .Ni sa rui balavu na vanua a re laka tavia vali mai. ⁴ A ru sa kwaya i vua na tisaiveli ,"I vei na vanua me lai laka mai ka na madrai me virauti qara na vunino coko kwe ina lia na vanua dravuisiga wetai kwe?" ⁵ Sa qei tarogi koru leqwa o Jisu."I vica nai buli madrai i tau no e?" Qa ru kwaya. "e i vitu." ⁶ A sa qei vecera na vunino levu kwe me re gatule. A sa qei qulu qa vavinavinatakinia qa vaga ni koru na tisaiveli meru vivotayakinia. ⁷ Qa sewa na ika yasewa a qulu qa vavinavinatakinia qa re sa qei vivotayakinia. ⁸ A re kani qa re wabute qa ru tomia leqwa na moromoro ni magiti qa sinai leqwa a vitu na vesavesa. ⁹ A re ma rai va na udolu coko ni tamata. A re sa kani oti qa sa vatalara o Jisu. ¹⁰ A sa qei vaigu qaru na tisaiveli, me ru vodo i na waqa meru sa laka i na vivanua va Talimanuca. ¹¹ A ru sa qei laka mai na Farisi qaru mai viba ti koya. A ru mata tolavia i vua a sewa nai vatakilakila me ru vakatovolei koya ka. ¹² A cegu levu i buto i e yalo. Qa sa kwaya o Jisu i va koru. " Baletia na yava o ba vadania ka nai vatakilakila nai taba tamata kwe?Qi sa kwaya vakadu sara i va vatikem,E i lala nai vatakilakila i na soli i na taba tamata kwe." ¹³ Sa dei ni koru tu o Jisu qa vodo i na waqa me laka leqwa i e tiki. ¹⁴ A ru numideinia muni na tisaiveli me ru bau kau lia vali muni na ulu ni madrai. A ru sa lei vicacani leqwa ni tam bau lia boto re na i buli madrai me ru bau kau vali. ¹⁵ A tata vakaikai ti koru o Jisu," Me ru yadravia qa ru qaraunia na ledra vakatubu na Farisi qa na ledru i vakatubu na Eroti." ¹⁶ A ru vakaibalebaletaki nia na tisaiveli "Baletia a lala vuaru na madrai." ¹⁷ A sa tolavia rewa o Jisu qa tarogiru." Baletia na yava o ba vivesanataki no ni lala na madrai?O ba tam ligocia rewa? O ba tam kilatia rewa? E i sa marai gigilo vatimem yalo? ¹⁸ E i tau vatimem mata, qo ba tam tola? E i tau vatimem taliga, qo ba tam varogo? O ba sa tam numia? ¹⁹ Na gauna qu vivotayakinia ka na lima na madrai vuara na lima na udolu, qa vica leqwa na vesavesa a vo?". A ru kwaya leqwa vua," Tinikarua." ²⁰ "Na gauna a ciqilakinia ka na vitu na ulu ni madrai vuara na va na udolu, qa vica na vesavesa a tawa?" Qa ru kwaya vua " a Vitu'. ²¹ Qa qei veceru, "Oba si tam kilatia ga?" ²² A ru sa yaco mai Peciseita. A ru sewa a ru mea mai vua a lia na matakabulu qa re gadrevia vua me derei koya. ²³ Sa qei qulumia e lima o Jisu qa mea dei mai na buto ni koro.Sa qei katasivitia e mata qa qei derei koya qa tarogi koya." Sa bau ligocia i lia na kwa?" ²⁴ Sa qei ligo i yata qa kwaya." Qi sa ligoci kora na tamata e re wetai e re yato tu na vunikai." ²⁵ Sa qei dere leqwa e mata o Jisu, sa qei ligo vina qa sa qei vina coko leqwa lea tola. ²⁶ Sa qei vatala dei o Jisu i na lea i nono. Qa vece vua me kua ni laka i tauni. ²⁷ Na gauna a sa laka qai koru ka na tisaiveli i Sisaria Filipai. I na ledru laka tovo a sa qei caca niru o Jisu. Na yava re numia na tamata me ni ei o au. ²⁸ A ru sewa a re kwaya"o Joni na daunivavitaisotaki". A ru sewa leqwa a re kwaya"O Ilaijia', qa sewa re kwaya,"E i ma lia va kora na Varovita. ²⁹ Sa qei tarogiru leqwa o Jisu" Ia o ei oba numia me ni au?"Sa qei vece vua o Pita,"O kem na Karisito." ³⁰ Sa tata vakaikai o Jisu me ru kua ni kwaya i lia na kwa me baleti koya i vuara. ³¹ Sa taula leqwa me vivakavulici ni dodonu na luve ni tamata me sota qaya i bi na kwa, e na lai cakati mai vuara na tuqwaqwa,mai vuara na bete levu, qa mai vuara na vunivola, qo na lai vakamate, qa na dure leqwa ni oti e i tolu na siga. ³² A sa veceru vakamatamatakwa sara na kwa kwe qa mea dei mai o Pita qa tata vakaikai i vua. ³³ Ia sa qei vuki o Jisu qa daniru na tisaiveli qa tata vakaikai i va Pita,"Laka dei i qu lobo,Setani! Ei tam vakayamata no lem numia i na kwa ni Kalou, ia i na kwa ga ni tamata. ³⁴ A sa qei covira leqwa na vunino so kwe qa o kora na lea tisaiveli qa kwaya,"Maga i lia e i mata takuci au, me vakavele ni koya, dagia lea kauveilatai, qa takuci au. ³⁵ O koya si mata maroroi tia lea cola e i na va velenia, ia o koya i na va velenia lea cola me baleti au qa na Kosiveli i na maroroi tia. ³⁶ Na ava na kea yaga i vua na tamata maga e i rewati vuravura coko qa va velenia lea cola. ³⁷ Na yava e i na vagania na tamata me tia i sosomi ni lea cola? ³⁸ O koya a lia e i na maduataki ni au qa na lequ tata i na taba tamata dauyalewa qa cakaca kwe,na luve ni tamata e i na maduataki ni koya muni ni sa laka mai i nai ukuuku lei Tamaya qa o kora na Agilosi savasava.