¹ A sa deinia na vanua so kwe o Jisu qa laka i na vivanua va Jiutia i e lobo na ruwai na Joritani, qa ra sa laka leqwa mai vua o kora na no levu. A sa vavulici kora leqwa me wetai na lea i valavala. ² A ra sa qei laka mai vua o kora na varisi me re va tovele qa re cacania," Na yava e i kwaya na i vunau me baletia na tagwane e i deinia lea yalewa ni vakamau?" ³ Sa qei saumia o koya qa kwaya "Na yava a vavulici kem ka o Mosese?" ⁴ A re qei kwaya "O Mosese a va donuya me vola na vadudu ni visere o tagwane,qa serekia me laka na yalewa. ⁵ "Baletia na vatilem lio qwa a vola ka o Mosese na vunau kwe,"o Jisu a sa qei kwaya i vuara," ⁶ I na taula ni lea vibuli na Kalou, a bulia na tagwane qa na yalewa. ⁷ Sa kea i balebale na tagwane i na dei ni tamaya qa m-naya, qa ru na liavata qa e lewe. ⁸ O koru na rua me ru sa na yaco me ru lia, qa ru sa tam rua leqwa. Ia sa lia boto na yago. ⁹ Io na kwa sa vakaliavatatakinia na Kalou, me kua ni lia na tamata me bolatia. ¹⁰ A ru sa lai no doki no i buto ni were, o koru na tisaiveli, a ru vacacania leqwa, baletia na kwa so kwe. ¹¹ A kwaya i vuara,"Na tamata i na deinia lea yalewa qa na lai vilewe leqwa qa lia leqwa na yalewa, o koya sa dau tagwane i vua na yalewa. ¹² Maga i sa dei ni lea tagwane na yalewa me lai vilewe leqwa qa lia na tagwane e i sa vidauci o koya. ¹³ A re mera mai na luvedra yasewa me rewa ni derei kora, I a o koya na tisaiveli a reqei borisi tira. ¹⁴ A dani kora o Jisu qa tam taleitaki nira na driadria yasewa me re laka mai i va au, ba kua ni tarovira, baletia i ledra na matanitu ni Kalou o kora i wetai so kwe ¹⁵ Qi sa kwaya vakadu i va vatikem, o koya e i tam sovia na matanitu ni Kalou me wetai na driadria sewa e i na tam rusu du ka. ¹⁶ Qa sa qei kabetira na driadria qa dere medre ulu qa tata mana ti kora. ¹⁷ A sa taula me laka tovo, qa sa wavu mai a lia na tagwane qa mai ruva i e mata ,qa cacania,"Vavuvuli vina , na yava me qu tara me qu na rewatia ka na cola tam mudu rewa? ¹⁸ A kwaya o Jisu" Baletia na yava o ba kwaya me qu vina? E i lala liadu i vina na Kalou talia. ¹⁹ O ba kilatia nai vunau,"Kua ni laba,kua ni vidauci, kua ni lawaki,vakarokoroko i va tamam qa m-nam." A sa qei kwaya na tagwane " ²⁰ " Vavuvuli na kwa taucoko kwe qu sa takucia tu mai ni qu si qei saravou mai ka. ²¹ Sa tolavia o Jisu qa sa lomania,qa kwaya vua," Ei lia na kwa i si vo i va iko. Mo volitakinia na lem kwa taucoko, vaganira na dravudravua, qa sa qei lem nai yau ni lomalagi. Qo sa qei laka mai qa takuci au. ²² Sa lia na kwa na lea kacia baletia na tukutuku so kwe. Qa sa yato dei i na yalo bitabita baletia a levu na lea i yau. ²³ A sa vitolayaki o Jisu qa kwaya i vuara na tisaiveli," sa medre du vuara na vutuniyau me re rusu i na matanitu ni Kalou!" ²⁴ O kora na tisaiveli, a kusarira na lea tata. I a o Jisu a veceru leqwa,Vatikem na driadria, ei sa medre du na rusu i na matanitu ni Kalou. ²⁵ E i rewarewa cake me rusu na kameli i na mata ni cula. Qa me lia na tamata vutuniyau me rusu i na matanitu ni Kalou." ²⁶ A sa kusarira vakalevu du, qa re vivecetaki," o ei na qei rewa tia na cola. ²⁷ Sa vatola vira o Jisu qa kwaya," I vakem na tamata e i tam rewa, Ia i vua na kalou ei rewa na kwa coko. ²⁸ Sa qei kwaya o Pita i va Jisu ,"Tolavia ba sa deinia na kwa coko, qa ba sa takuciko vali. ²⁹ A sa qei kwaya o Jisu" Qi kwaya vakadu i va vatikem, Ei lala lia a sa deinia na were, gwanea tagwane o gwanea yalewa, o m-naya o tamaya. o koru na luvea, se na qwele me baletia au qa na kosiveli. ³⁰ E i na qulumia e i yarau i na vuravura kwe , na qwele qa na vivararawataki, qa na lea cola tam mudu rewa. ³¹ O kora na teimata e re na teitaku qa o kora na teitaku e re na teimata. ³² I na i yatoyato i na calevu i Jerusalemi sa teimata no vuara o Jisu. A kusarira na tisaiveli qa re sa mataku o kora na teitaku no mai vua. Sa qei meru vatikitiki na tinikarua o Jisu qa taula me veceru na kwa sa vakarau yaco i va koya. ³³ "Dania, teva sa laka yati i Jerusalemi, na luve ni tamata i lai vagani vuara na bete levu, qa o kora na vuni vola. E re na tavuitia me mate, qa re qei vagania vuara na koi vimatanitu teni. ³⁴ E re na varivarivacia, katasivitia, rubicia, qa re qei vamatenia. I a e i oti i tolu na siga i na dure leqwa mai na mate. ³⁵ O Jemesa qa Joni o koru na luve i Sepeti a ru laka mai vua qa ru kwaya ," Vakavuvuli i ru vinatia mo tarai va rukemam na kwa ri kerevia i va iko. ³⁶ A kwaya i vuaru " Na yava o ru vinatia mequ tara i va rukem? ³⁷ A ru qei kwaya,"Mo va donuya me ru no vata qai iko i na lem i ukuuku . Me lia na lem i na i matau qa lia i na i mawi." ³⁸ Ia o Jisu a kwaya i vuaru, "O ru kem o ru tam kilatia na kwa o ru kerevia. O ru na rewa ni somia na bilo qi na somia? Qo ru na rewa ni vosotia qa na vavitaiso qi na vavitaiso ka?" ³⁹ A ru qei kwaya i vua," E i rewa" Sa qei kwaya o Jisu i vuaru," Na bilo qi na somia o ru na somia, qa na vavitaiso qi na vavitaiso ka o ru na vavitaiso muni ka. ⁴⁰ Ia o koya me no i na lequ i matau se i na mawi e i tam leqi au me qu vaganiru kem. E re sa no tu o kora sa me ledra. ⁴¹ A ru sa tekivu meru borisi o koru na tini na tisaveli baleti koru o Jemesa qa Joni. ⁴² O Jisu sa qei coviru qa kwaya i vuaru," Ba kilatia ni o kora na matanitu teni e re dau liutaki nira no o kora ere vaitutu levu mai vuara, qa o kora e re viliutaki i vuara e re levu cake sara. ⁴³ O vatikem i na tam taki so kwe o koya i vinatia me levu i va vatikem o koya me vatileda dauni viqwaravi, ⁴⁴ qa o koya e i vinatia me tia i liuliu i va vatikem kece. ⁴⁵ Na luve ni tamata a tam laka mai me mai qwaravi, me mai vagania ga na cola me re cola ka o kora na vuni no. ⁴⁶ A ru sa yaco mai Jeriko, qa re sa deidei leqwa ka qai koru na tisaiveli kora na vunino o Patimeo e i luve Timeo na dau kerekere matakabulu a nodoki no i na calevu. ⁴⁷ Na gauna ga a varogo ka , o Jisu na koi Nasareci a laka no mai qa sa taula qa me coco qa kwaya "Jisu o luvei Tevita , me qu lai lomani." ⁴⁸ A re levu a re borisitia na matakabulu qa re vece i vua me sogotia e gusu. A sa qei gisa ga i yata o koya ,"Luvei Tevita me qu lai lomani!" ⁴⁹ Sa dure vakalia o Jisu qa veceru me re mea mai na Tagwane matakabulu. Sa qei lai mei mai qa lai vece me vakaikai, me dure, qa laka mai i va Jisu. ⁵⁰ Sa viritaki dei na lea kote, qa dure sa qei laka mai i va Jisu. ⁵¹ sa tarogia o Jisu "Na yava e vinatia me qu tara i va iko?" A sa kwaya na matakabulu," Vavuvuli me qu rewa ni tola. ⁵² Sa qei kwaya o Jisu vua,"Mo laka , sa va cola ni iko na lem vabautia." Na gauna vata ga so kwe a sa tola e mata qa sa tekivu me tokoci.