¹ A ru laka mai Jerusalemi qa ru sa voleke mai Pecifaki qa Pecani i na ulunivanua ni vi Olive o Jisu sa qei vatalaru a rua na lea tisaiveli. ² Kwaya i vuaru," Ru laka ina koro koi tam vidonui qai vatiketa no Oru qei rusu boto yati , oru na tolavia e i lia na luve ni asa. Ru serekia qo ru mea mai iva au. ³ Maga i lia vuara e i tarogia , Baletia na yava oru tara ka na kwa kwea? Ru kwaya na Momo levu e i vinatia mai qa na qei vatala sara mai ka kwe ⁴ A ru sa laka yati qaru sa tolavia na luve ni asa ni vesu tu ina lia na mataniwere i tevai, qa ra sa serekia mai. ⁵ A bi na tamata a re dure tu so ka kwe qa re kwaya i vuaru," Na yava o ba tara , o ba serekia na asa?" ⁶ A ru sa vece i kora na kwa a veceru o Jisu, qa ra sa qei dei ni koru me ru laka ina ledru i yatoyato. ⁷ O koru na rua na tisaiveli aru sa mea mai na asa iva Jisu qa ru sa oniya ka na ledru i sulu me vodo ka i Jisu. ⁸ A bi na tamata a sa tevukia ledra i sulu i calevu a sewa a ra vitikia mai na tula ni kai qa ra tura nia. ⁹ O kora a ra teimata i vua qa o kora a re teitaku a re gisa, "Osana, sa kalougata o koya a lia e i laka mai i na yaca ni Momo Levu. ¹⁰ Sa kalougata na matanitu sa yaco mai lei Tevita na tamai meda! Osana i yata sara!" ¹¹ A sa qei yaco i Jerusalemi o Jisu sa rusu sara i were ni soro, a vitolayaki nia na vikwa coko. ¹² Ko kwe sa vibereki vali qa sa laka dei mai i Pecani qa o kora na tinikarua. ¹³ A tola tu mai vakayawa, qa tolavia a lia na vunikai a drokodroko tu e rau, a toso yati me tolavia maga e i tau tu e vua, sa yacovia yati a tam tolavia ka e vua e rau vali boto ni si tam kea gauna me vua ka. A tatania qa qwaya ¹⁴ ,"E i sana tam vua vaka lia leqwa. A ru varogo tu na tisaiveli ni kwaya o koya. ¹⁵ Ni ru sa yaco i Jerusalemi , a rusu sara ina were ni soro qa taula me vatala tira dei na dau volivolitaki qa ni kora na dau vivoli. A vukicia yacuva ledra teveli ni dauvisau i lavo qa ledra teveli na dau volitaki ruve. ¹⁶ A tam vasorokia lia me kau i buto ni were ni soro ei lia na kwa me volitaki. ¹⁷ A va vulicira qa kwaya ,"E i tam volai tu," 'Na lequ were e i na tia were ni masu ni vi matanitu? Ia o ba sa tara me ledra qwara na daudriva.". ¹⁸ Na bete levu qa o kora na vunivola a ra sa rogo na kwa a kwaya, qa re sa valigocia a lia na calevu me sa lei vakamate ka. Ni ra sa matakucia baleti kora coko, a re sa kanikanivina tira na lea i vavuvuli. ¹⁹ Ni sa valeke mai na yaviyavi a ra sa deinia mai na koro levu. ²⁰ A sa laka mai na qwataqwata, a ru sa tolavia sa tiri malai civi tovo na vunilolo me yacovia sara e waka. ²¹ Sa numia lesu o Vita lea tata o jisu qa kwaya vua ."Vavuvuli tolavia ! Na vunilolo o borisitia sa tiri malai,". ²² Saumia lesu o Jisu," Vabautia na Kalou." ²³ Qi kwaya vakadu i va iko maga e i lia e i kwaya i na ulunivanua 'tacavu mai qo tiso i waitaci, qa vabautia tam vatitiqataki nia na kwa a kwaya e i na yaco, i a na kwa e i kwaya i na tara na Kalou. ²⁴ Qi sa kwaya i va vatikem na kwa coko, o ba masu qa kerevia, vakadudutia ni o ba na vinatia qa na qei vatilem. ²⁵ Ni o ba tu mo ba masu , mo vosoti kora a re tara a lia na cala i va iko, me rewa muni i va Tamai vatikem mai lomalagi me vosotia vatilem cakaca. ²⁶ Ma ga e tam vivosoti, e i na tam vosoti iko muni o tamam vakalomalagi. ²⁷ A ru laka leqwa i Jerusalemi. Sa laka leqwa o Jisu i were ni soro qa re laka mai vua o kora na bete levu , na vunivola o kora na tuqwaqwa. ²⁸ A ra kwaya i vua,"Na lewa yava o ba rewa ni tara ka na kwa kwe, o ei a vaganiko na lewa mo tara ka?" ²⁹ Sa kwaya o Jisu," Qi tarogi vatikem mo ba kwaya sila mai qa qu na qei vecei vatikem muni , na lewa yava e i rewa talia ka. ³⁰ A laka mai lomalagi se mai vua na tamata na vavitaiso lei Joni? Ba saumia mai," ³¹ A ru vitalanoa vatakiniru qa ru viba, ma ga teva kwaya "Mai lomalagi,' E i na qei kwaya o koya baletia na yava o ba tam vabauti koya ka?" ³² Ia ma ga teva kwaya , mai na tamata," A re matakucira na tamata ,baletia o kora coko e re vakadutia no o Joni a lia na varovita. ³³ A ra sa qei vecei Jisu ," Mam tam kilatia, qi na tam kwaya muni i va vatikem se na lewa yava qu tara ka na vikwa kwe.