¹ A va vulicira o Jisu i na tata_ubi kea i balebale qa kwaya, ," alià na tamata a launi a lia na tovatova ni Vaini, qa va bai nia, qa qei kelia a lia na tobu ni qaqi ni Waini. A tara a lia na were ni vakatawa ni Vaini, qa qei lisi taki nia na tovatova ni vaini vuara na dau lau Vaini, asa qei lakha i na leà i lakalaka. ² I na gauna donu, a vatala a lia na tamata dau ni viqwaravi vuara na dau ni lau Vaini me lai kau mai a sewa e vuā mai na tovatova ni Vaini. ³ Arè qei me'a, a ra rubicia qa ra qei vatala ti koya me lakha lesu lima lala. ⁴ A lei vatala leqwa mai a lia na dau ni viqwaravi vuara, a ra qei vamavoa taki nia e ulu qa remadua sara vaka levu. ⁵ A lei vatala leqwa a lia, okoya kwe ara qei vamatenia. A ra tara nai vakarau kwe vuara coko, rubicira a sewa qa va mate nira sara. ⁶ A qei vo tali na luvea tgwane me vatala i vuara. A qei vecera ni ra na laveti koya cake. Ko kwe na lea i otioti me lai vakatala i vuara qa kwya," ere na rokovi luvequ!". ⁷ A ra sa qei vivece vatakinira ko kwe na lea du teva lai kau dei na leà cola, me ma vatileda na lea i wasewase ni Vaini. ⁸ A re mea qa vamatenia, qa ra walataki ni koya dei i na boto ni tovatova ni Vaini. ⁹ Na ava i na qei tara na Itaukei ni Vaini? I na lakha mai qa vacaca nia na dau lau Vaini, qa qei solia dei me ledra leqwa e i sewa. ¹⁰ " o iko o tam bau telia na tata ni Kalou kwe? 'Na vatu arè cakatia na dau ni tara were sa na yaco me kea i vaqwaqwataki nia na yavu ni were." ¹¹ Ko kwe mai vua na Kalou, ia sa qei tola meda mata. ¹² A ra sa numia me vasu o Jisu, qa ra qei mataku cia na bī ni tamata, baletia a re kilatia na tata taki na tata_ubi keai balebale vua ra. ¹³ A ra sa dei ni koya tu, qa ra sa lakha sara yati. A ra sa qei lei vatala mai a sewa na Farisi, qa na lea i tokani o Setoki me vesu ki koya i na tata a kwaya. ¹⁴ Arà lakha mai qara kwaya i vua," turaga, mam kila tia ni tam lia na kwa i va ke ma'm na lea numia na tamata, òm tam vaduidui taki nia na tamata." ei du nai vavuvuli vakalou. Ei tara vakalawa mo sumia na vakacavacava i va Sisa se me kua?" me te sau mia se kua. ¹⁵ A kila tia o Jisu na ledra dau va rivariva qa qei kwaya," na ava òm va tovo lei au kha!, "kau mai va yau na i lavo mequ tolavia. ¹⁶ A ra kau mai a lia nai Lavo i va Jisu, a qei kwaya i vuara,"o ei na kea i va_takarakara kwe?" arè kwaya "na lei Sisa!" ¹⁷ A kwaya o Jisu," solia va Sisa na kwa i lei Sisa, vua na Kalou na kwa sa lea na Kalou" a qei kusari kora na lea tata. ¹⁸ Na lea tata o Setoki, a ra kwaya i na lala na dure leqwa mai na mate, a re tarogi koya, qa kwaya, ¹⁹ "va_vuvuli, na vunau lei Mosese a kwaya magà i lia vuaru na vitacini tagwane isa mate, qa dei ni e lewe tu mai qaru tam va luveni, i rewa vua na tacia me qulu mia na vibulou, so kwe me ru va tu kawa.' ²⁰ A ru Vitu na vitacini tagwane; nai matai a vakawati qa mate qa lala lia o luvea. ²¹ Na kea i karua a vakawatitaki ni koya leqwa qa mate, lala o luvea, me wetai minu na kea i ka tolu. ²² Na i ka vitu a lala muni o luvea, sa oti so kwe a qei mate muni na vibulou so kwe. " ²³ Ina tu leqwa mai na mate magà eri tu leqwa, o ei i vuaru na nia e lewe? o koru coko na vitu na vitacini tagwane a qulumiru me nia medru lewe. ²⁴ A kwaya o Jisu,"ko kwe tam tia i ulubale mo va calania kha, baletia ni o tam kila tia kha nai Volatabu qa na qwaqwa ni Kalou?. ²⁵ Na gauna i ru sa na dure mai kha i na mate, eri na tam rewa ni vakawati se me ru soli me ru lai vakamau, baletia eri sa na wetei na Agilosi ni lomalagi. ²⁶ Me wetai na tamata sa mate qa qei cola leqwa, o sa bau wilia nai vola lei Mosese, me wetai na lea tata mai na Kalou i na vuni kai a bula tu, a kwaya na Kalou i vua," o au lei Eparama qa na kalou lei Aisake, qana Kalou lei Jekope,? ²⁷ O koya tam ledra Kalou na mate na ledra Kalou ga na cola. o iko tam lakha mai va cala kwa." ²⁸ A lia na Vunivola a lakha mai qa rogo na ledru vitukutuku, a tolavia o Jisu a saumia vina a tarogia qa kwaya, Na ava nai vunau bitabita talia? ²⁹ A sau mia o Jisu qa kwaya," nai vunau bitabita talia ei kwaya 'rogo, Isireli, na momo na Kalou, na Kalou e i lia boto. ³⁰ Mo lomania na Kalou ina lem yalo tau coko, na lem vakasama tau coko, na lem qwaqwa tau coko'. ³¹ Na karua ni vunau kwe mo lomani wekam me wetai na lem lomani iko. E i lala li leqwa na vunau levu me wetai kwe. ³² Na vunivola a kwaya "qase ni vuli vina," o kwaya do o iko ni kalou ei loia boto," ei lala lia leqwa ei voleke tia. ³³ Mo loma nia na Kalou mu yalo taucoko, lem vakasama taucoko qa na lem qwaqwa taucoko qa mo loma ni wekam me wetai na lem lomani iko, i na levu sara na lem vacaboi_soro!. ³⁴ Ni sa tolavia o Jisu a solia na i sau ni cacani vina qa kwaya i vua," o iko na tam yawa mai na matanitu ni Kalou ³⁵ Na lea vavuvuli o Jisu i na were ni soro a kwaya,"a tara vaka àva ni re kwaya na na vunivola ni o Karisito na luvei Tevita? ³⁶ O Tevita re i na yalo_tabu a kwaya, 'Na momo a kwaya i vua," na lequ Turaga, " gatule i qu yasa matau, me yacovia ni qu na tara na kem meca me lem i tutu ni la". ³⁷ o Tevita re a kwaya ni o koya na Turaga, a rewa vaka yava na Karisito me luvei Tevita? ³⁸ I na lea va_vuvuli o Jisu, a kwaya merè tutuinira na vunivola ere lakha vali i nai sulu balavu a re na dau vinatia me re laka i na rara ni vi voli. ³⁹ E re na dau vinatia nai nono ni momo i na were ni masumasu i na nono ni tui i na gauna ni kani vata. ⁴⁰ E re vacacani kora na yada, qa na vi werewere, qa ra dau masu i na masu balavu mera tolavia na tamata. O kora na tamata kwe ni ra dau lai borisi vakalevu. ⁴¹ A sa gatule o Jisu vababa donuya na veleti ni soli i na were ni soro; qa vadanira no na tamata me ra lai solia no ledra soli i na kea i tautau. A levu na tamata vutuniyau a solia a levu nai lavo. ⁴² A qei lakha mai a lia na yada me mai biutia na lia na sede sewasewa sara. ⁴³ O Jisu a covi koru na Tisaiveli qa kwaya i vuara,"i du qu kwaya i va vati kem na yada, dravudravua kwe a solia nai lavo levu talia, mai vuàra coko na soli. ⁴⁴ O kora coko so kwe a mai solia na kwa sa levu tu i vuara, ia na yada a solia mai na dela ni lea dravudravua kwa me cola kha."