¹ I na gauna sa lesu mai kha o Jisu mai na were ni soro, a lia vua ra na Tisaiveli a kwaya i vua,"va vuvuli tokavia re na vi vatuvatu yamoyamosi yalevu kwe qana kea makumaku na vi were were yalevu kwe. ² Asa kwaya i vua ," o sa tolavia na vi werewere yalevu kwe? Na vatu kwe na lala lia ei na vo ko ere vicilicili tu kwe ere na susura civo ga. ³ Ia na gauna a gatule no ka ina uluni vanua ni vi Olive ko visasa qa na were ni soro a ru qei tarogia vai lo o Pita, Jemesa, Joni qa Adriu, ⁴ kwaya re i va vatikemam, ina gauna ava ina yaco kha na vikwa kwe?, se na ava na kea iva takilakila ina kea yaco na kwa coko kwe? ⁵ A kwaya o Jisu i vuaru " Qaraunia me kua ni lia na tamata me va tivaniko cala. ⁶ Ere na bi na lakha mai i qu yaca ere na mai kwaya,"o au o koya (o Jisu) Ere na rewatia mere na vacala nia ibi na tamata. ⁷ Ni o sa rogo nai valu qa na rorogo ni valu, kua ni yalo sewasewa; na kwa coko kwe i na yaco ga, ìa i sibere mai nai cavacava. ⁸ Ni na vibolebolei na vi matanitu qa na vi matanitu, na vi momo qana vi momo, ina sakure na vi vanua, qana dravui siga. Ko kwe si qei taula ni vaka sucumi na rarawa. ⁹ "Kua ni wele. Era na meko i vuara na mata bose ni lewa, oba na lei rubicaki ina vi were ni soqoni, oiko na dure i medra mata na vi teteimata qa na vi momo me baleti au, me tia vadudu ivuara. ¹⁰ Ià na Kosiveli mena vaka rogoi rewa re ina vi matanitu. ¹¹ Maga mo sa mai vesu qa ru na qei meko ya, kua ni leqa taki nia na kwa mo kwaya, Ni o na lei vagani na kwa mo kwaya, ina gauna so kwe na kwa mo kwaya ei na lei vagani,e na tam tata o iko, ià na Yalo tabu. ¹² Na vivitacini iri na vivamatei, ei lia na vava qa o luvea. Na driadria na vi saqasaqa qa ledra i tubutubu qare na vavunia na ledra mate. ¹³ O ba na lai coriti mai vuara coko me baletia qu yaca, o koya ga na vosotia me yaco via nai otioti eina cola. ¹⁴ "Ni o sa tolavia sa yaco tu na kwa vaka sisila, ina vanua i tam dodonu me yaco tu kha," ( mere kila tia na na dau ni wilivola), "o kora na koi Jiutia me re tuba i dela,. ¹⁵ O kora e nodoki i dela ni were me kua ni qei siro civo qa rusu i were mo qaratia dei mai i lia na kwa, ¹⁶ O koya i nodoki mai tovatova me kua ni qai lesu leqwa me lai kau mai na lea kote. ¹⁷ Ià na siga so kwe i na cakaca i vuara na bukete qai o kora na visusu driadria ya sewa. ¹⁸ Masu me na kua ni yaco i na vula_i_kalikaliwa. ¹⁹ Ei na yaco ei lia na gauna ni vivakararawa taki asi tam bau yaco i na lia na gauna, me taula sara mai na tautau la, mai re na gauna a bulia kha na kalou na vuravura, me yaco via mai kwe," ei lala ei tam yaco vaka lia leqwa. ²⁰ Maga i tam vaka lekeleke nia na momo na siga," ei lala lia ei na cola", ià me bale ti kora boto na digi taki, o kora a digitaki nira, ena vaka sewasewa taki kea siga. ²¹ Ko i lia i kwaya i va iko " tolavia ko kwe na Karisito,"se tolavia o koya so kwe! kua ni vadutia. ²² Na Karisito cori cori qana talatala cori cori baletia are na cedre mai na vikwa coko qana varoyata coricori qara na vaga ni vatikem na i vakatakilakila qa nai dre ni vakasama maga a yaco va kora muni na digitaki. ²³ Ba kua ni moce! qu sa kwaya rewa i va vatikem na vikwa i si bere mai. ²⁴ Ni sa oti na vi kwa rarawa ina siga so kwe, na mata ni siga ei na gilo, Na vula ina tam lei tolavi na kea cece. ²⁵ Na kalokalo eina lutu mai maliwa lala. Na vi qwaqwa mai na vi lomalagi ere na sasakurekure. ²⁶ Ere na qei dania na luve ni tamata ni na lakha mai ina vika ò kaikai qana i uku_uku. ²⁷ Sa oti ei na qei vatalai kora na lea Agilosi mere soqoni tira mai na lea digitaki mai na mata ni cagi vava, mai na viyala ni vuravura qa ina viyala ni lomalagi. ²⁸ Vuli no mai i na vuni Lolo, na gauna ga o sa tovia kha ni sa malum e tula qa sa vuòro mai e rau, o sa kila tia sa voleke mai na vula i katakata. ²⁹ Ko muni kwe maga ei tolavia na vi kwa coko kwe, e sa kila tia ni sa voleke mai o koya, sa voleke tia na matamata. ³⁰ Ei du qu sa kwaya i va tikem , isi tam vele na tabatamata kwe ,sa yaco rewa na vi kwa coko kwe. ³¹ Na lomalagi qana vuravura ei na veledei yati," ià na lequ tata ina tam vele rewa. ³² Me baleti na siga so kwe se na yaùwa so kwe, ei na lala lia na kila tia, lala lia na Agilosi ni Lomalagi, seò luvea, ià o vava talia. ³³ Kua ni wele yadra!, Baletia o iko na tam kila tia na gauna. ³⁴ Ei na wetai na tamata ei laka ei lia na lakalaka qa deinia tu na lea were qa lesi kora na lea tamata cakacaka me re lewa no, na tamata a lia na lea i tavi, qa vaka lesi i vuara na cakacaka qa lei kuaya lea dau yadra me re yadra ga no. ³⁵ O koya so kwe yadra!, baletia o iko na tam kilatia na gauna ei na laka mai kha i were; na i tau kei ni were, rewa ni tau i yaviyavi, se na bogi levu, se ni tagi na to, se na tutu ni qwataqwata cakaca. ³⁶ Maga i lakha va sauri mai me kua ni daniko mo moce no. ³⁷ Na kwa qu sa vecei vati kem qu sa vecera coko muni: "Yadra".