¹ Sa vo arua na siga me tara na kanivata ni lako sivia qa na kani madrai tam vakatubu a re sa vadani koya tu na betelevu qa o kora na vunivola mere lawakitia qa mere sa vakamate. ² Are qei kwaya, "me kua ni donumaki ina gauna ni kani vata lakalaka i qei tubu na no waqewaqe." ³ Ia na lea no mai Pecani na lea were o Saimoni na vukavuka,na gauna ni kani,a sa laka mai vua alia na vibulou qa kau vali mai alia na tavaya alavasita sau levu,na narita du qulu qa kwaratia qa sigia ati e ulu. ⁴ A re qei sewa a re borisi.A re sa vivece qa ikora qa re kwaya,"na ava na aga ni kwa itara tu kwe! ⁵ A ke vina cake me volitaki na kaloni kwe qa na rewa mai ka i tolu na drau na tiki ni siliva,qa me soli vakora na dravudravua,sa lia nakwa na ledra borisitia. ⁶ A qei kwaya o Jisu ,"Ba deinia koya tu re,na ava oba wewei koya no ka!A tara alia na kwa i va au. ⁷ Okora na tam rewa kwa vavina e re na dau no tuga qa i vatikem ,oba mata vukei kora qo ba vukei kora du qi na tam no qai vatikem. ⁸ Sa tara na kwa i rewatia.a sa lumitia qu yago ina ilumi ina lequ vakarau mate. ⁹ Qi sa kwaya vadodonu sara i va iko,"ina vivanua kece i vuravura i vadewataki ka nei tukutuku vina ina lai kwai muni ka na vikwa sa tara i va au na vibulou kwa me kea i divi. ¹⁰ A sa qei laka o Jiutasa Isikarioti,lia vuaru na tinikarua i vuara na bete levu me na laka i volitaki ni Jisu. ¹¹ Na gauna aru rogo ka na bete levu,lia na kwa na ledru gadre qa ru yalatakinia meru na saumi koya ka.Asa lai vatolavia qa a lia na calevu me soli koya ati ka. ¹² I nei matai ni siga ni kani madrai tam vakatubu na ledru vamate na lami,a ru qei cacani na tisaiveli vua ,"na vanua ava e vinatia me ba varautakinia ka na magiti ni lakosivi?" ¹³ A qei vatalaru arua na lea tisaiveli qa kwaya vuaru,"ru mai laka ina koro ni cakacaka o ru na sota qa ei ilia na momo moru takucia sara". ¹⁴ Ina lai ucu ina lia na were qo ru rusu i buto ru cacania nei taukei ni were,"i vei na vanua me ba na lai vakamure no ka qa me ba na lai vayagatakinia vata na magiti ni lakosivia. ¹⁵ Ina vatakea i varukem ilia na loqi savasava i tau no i ata.Ru varautakinia me teva lai no ka. ¹⁶ A ru deinia tu na tisaiveli na vanua sokwe qa ru sa laka i na vanua ni cakacaka aru sa deinia coko tu na kwa aru lai vece ina kea mai varautaki na magiti ni lakosivia.- ¹⁷ Sa lutu na yaviyavi aru sa laka mai qa i koru na tisaiveli. ¹⁸ Ina gauna aru sa vayaviyavi no qa qei kwaya cake mai o JIsu,"ina lia boto iva vatikem ina soli au ya". ¹⁹ Asa rusu viru na yalo loloma qa ru sa duku vece ni tam lia vuaru. ²⁰ A saumia na ledru tata o Jisu qa kwaya,"ina lia boto iva vatikem na tinikarua kwe,o koya du i luvuya no na kea madrai ina lequ bilo. ²¹ Ina lesu leqwa na luveni tamata sa kwaya rewa tu na lea tata.Ia sa lia na kwa na tagwane okoya isetia na luve ni Kalou!avina cake me kua ni sucu mai. ²² Na gauna aru sa kani no ka qa saqei qulu na madrai o Jisu,vakamanamanatakinia qa qei ciqiciqilakinia i va koru qa kwaya,"ba qulu,kokwe qu tiki ni ago. ²³ A qulu na bilo qa vavinavinatakinia,qa solia i vuaru,me ru som mai ka. ²⁴ Aqei kwaya i va koru,"Kokwe qu dra ni viyalayalati me baletia na tamata taucoko. ²⁵ Qisa kwaya vakadu," qi sa na tam somia leqwa na waini me acovia sara na gauna ni som waini leqwa ina matanitu ni Kalou. ²⁶ Ru lagasere oti a ru sa qei laka ati ina viulunuvanua ni olive. ²⁷ A sa kwaya i vuaru o Jisu,"oba na lutu coko mai baletia,sa volai rewa tu.Qi na rubicia nei vakatawa ni sivi qa ra duku sesea na sivi. ²⁸ Ia na gauna qisa cola leqwa ka,qi sa na teimata i Kaleli. ²⁹ Qa sa kwaya o Pita i vua,"maga ere na lutu coko o au qi na tudei no maga. ³⁰ Asa kwaya vua o Jisu,"qi sa kwaya vakadu i na bogi nikua ni si bere ni sere vakarua na to e na seti au vakatolu. ³¹ Qa sa qei kwaya o Pita,"maga i dodonu mequ mate qa iko qi na tam se tiko. A tatauvata coko na kwa aru kwaya. ³² A ru sa laka i Kecisemani qa qei kwaya o Jisu i vuaru na tisaiveli,"ba nodoki no kakwe me qu laka re i masu. ³³ A mei Vita qa Jemesa qa ni Joni qa sa lia na kwa na lea numi koru. ³⁴ A qei kwaya,"i bitabita qu yalo ina lequ sa vakolo no ni mate.Ba masu mo ba qwaqwa." ³⁵ Toso vica leqwa no o Jisu,qa sa vura ni kabulu me sa qei kerevia me varewarewa mai na gauna me laka sivitia. ³⁶ A kwaya,"Apa vava na kwa taucoko i rewarewa i va iko,kau dei i va au na bilo kwe kua ni kau dei i va au na lem qwaqwa ia me yaco ga na lem numia qa na lem lewa. ³⁷ Na gauna sa lesu mai ka,qa kwaya i va Pita ,"Saimoni oba moce no!oba sa tam rewa du ni mata no boto me lia leqwa na auwa? ³⁸ Ba vakatawa qo ba masu do mo ba kua ni rewai varewarewa qa sa gu na yalo ia ago sa tam rewatia ³⁹ A laka leqwa i masu qa lai kwaya ga no na masu a cavutia no. ⁴⁰ I na gauna sa lesu mai ka,qa ru si maci moce leqwa tu do a si bitabita medru mata ina mata moce aru sa tam kilatia na kwa meru vece. ⁴¹ Inei katolu ni lea lesu mai a sa kwaya i vuaru,"o ba si moce qo ba vakacegu no?rautia sewa!sa aco mai na auwa kwe ligocia na luve ni kalou e re sa visolisoli tu na tamata valavala cakaca. ⁴² Ba dure teva laka,isa vakolo mai okoya ina seti au ⁴³ Ia na gauna a si tata no ka,sa qei aco mai o Jiutasa qa sewa na tamata a re qulu i sele qa nei wau ara lai vakatala no mai i vura na bete,tuqawaqwa qa ni kora na dau ni lewa. ⁴⁴ Okoya na tamata a seti koya a sa solia rewa ivuaru nai vakatakilakila okoya qi na abotia sa ni koya sokwe.Ba sobetia qo ba mei koya dei ati. ⁴⁵ Na gauna a sa lesu ati ka o Jiutasa,a qei laka varewarewa iva Jisu qa kwaya,"Rabbi"qa yabotia. ⁴⁶ Aru sa qei sobeti koya vaqwaqwa. ⁴⁷ A qei lia vuaru a drutakia dei e kasa ni taliga lea tamata viqwaravi na bete. ⁴⁸ Sa qei kwaya o Jisu ,"wetai du o ba mai sobetia ilia na dau driva ni o ba kau i sele tu mai qa nei wau."? ⁴⁹ Qu dau no qai vatikem vali ,qu vakavuli no mai were ni lotu qo ba tam vasu ki au?e i sa yaco ga me wetai a kwaya nei volatabu. ⁵⁰ Okora coko na dure tu qa Jisu a re sa vitubaki. ⁵¹ A lia na saravou ,a taqa tu nei sulu lineni qa vesulaki vali boto e gau,a vatakuci Jisu vali qa re qei sobeti koya. ⁵² A qei livatia na lea i sulu lineni qa wavu vatevoro. ⁵³ Qa re sa mei Jisu vuaru na bete ina vanua sokwe ara sa no rewa tu ma ka o kora na bete levu.tuqwaqwa qa ni kora na daunilewa. ⁵⁴ A takucia yawa vasewasewa no mai o Pita me acovia sara na ledru loma ni bai na bete levu qa lai gatule me dru tiki na qati aru rarai no i na quto. ⁵⁵ A ra sa vinatia saraga na bete levu qa na matabose ni Jiu me ra rogo nei tukutuku qa beitaki ka o Jisu me rewa n i vakamate ka. ⁵⁶ A re bi a re kwaya na vikwa cakacaka baleti koya qa tam visotaraki tu. ⁵⁷ A re sewa a re dure qa re vicoriakinia nai tukutuku me baletia koya. ⁵⁸ A ba rogo ni a kwaya,"qi na vacacania na were ni sokalou ia qi na tara leqwa ina tolu boto na siga. ⁵⁹ Ia na ledra tuku ni yalo a ra tam liavata. ⁶⁰ A qei dure na bete levu me dra vibutoyaki qa sa cacani Jisu,"i lala na kwa e kwaya?e tam vadudutakinia na kwa e re kwaya no kwe?" ⁶¹ A koruva galugalu no boto qa tam kwaya alia na kwa vakalia leqwa na ledru cacani koya,"Sa ni ko du na luveni kalou?. ⁶² Saumia o Jisu,"E o au o ba na qei ligocia ni qu sa nodoki no e lima i matau qwaqwa na kalou qa na lea lesu leqwa mai ina vi o ni lomalagi". ⁶³ A drresulakinia na lea sulu na bete levu qa kwaya,"Te si vinatia leqwa ilia nei vakadudu? ⁶⁴ O ba sa rogo na tamata a lai tavui,"Na ava na vatilem vatulewa?"A re sa kwaya ga me sa vakamate. ⁶⁵ A re sewa a re katasivitia ,re olonia e mata qa re qei rubilakinia qa ra vece,"Tukutuku re mai!"a ra qei mea na ovisa qa re qei lai rubilakinia. ⁶⁶ Nodoki no mai o Pita i were ni vilewai ,a qei laka mai vua a lia na vulau dauviqwaravi vuaru na bete. ⁶⁷ A sa ligoci Pita ni sa rarai no,a vatolavia koya vavina qa qei kwaya,"oiko muni o dau takuci Jisu vali na koi Nasareci. ⁶⁸ A qei setia qa kwaya,"Qi tam kilatia qa qu tam qulumia rewa na kwa e kwaya no.Qa sa laka dei mai i lomanibai. ⁶⁹ Togaya no na vulau dau viqwaravi kwe,"kokwe i lia vuara. ⁷⁰ Qa sa maci seti koya leqwa.Tam walili boto okoru na dure tu so ka kwe qa ra sa kwaya ga no iva Pita,"Oiko du ilia vakoru,oiko muni na koi Kalili. ⁷¹ Qa sa susui okoya,"Qi tam kilatia na momo o ba kwaya no mai e! ⁷² Sa tara e lio vakarua na to.Qa sa qei numia mai o Pita na kwa a kwaya o Jisu vua,"si bere ni sere vakarua na to e sa na setiau vakatolu ,"alia na kwa na kea derei koya qa qei tikanu i na tagi.