¹ I na qwataqwata cakaca, are mai sota vata o kora na bete levu, tuqwaqwa, vu ni lawaqa i koru na mata bose ni jiu. A re vasulaki ni Jisu qa re mei koya dei, qa re lai soli koya sara va Vailato. ² A cacania o Vailato ," O iko na ledra Momo na koi Jiutia!" A saumia lesu leqwa qa kwaya, " Ei sa kwaya du mai ". ³ A bi sara ga na kwa aru tavuiti koya ka na bete levu. ⁴ Cacani leqwa o Vailato, e tam kwaya, i lia na kwa! Rogo re na bi ni kwa e ra kwaya baletiko. ⁵ Vadrukani Vailato sara ga na lea tam tata lesu o Jisu. ⁶ Ia na gauna ni kani ni Lako Sivia i dau vagwalalataki ka e i lia na koivesu ko e re dau kerevia. ⁷ A no qara vali na daulaba qa ra na dau valavala kaikai i buto ni werenivivesu a lia na tagwane e yaca o Vanavasa. ⁸ A re sa laka yati iva Vailato are sa lai cacani koya tu me tara ga na kwa a dau vayaconia ga i mata. ⁹ Saumia o Vailato qa kwaya," Om vinatia me qu sa serekia yati na ledra Momo na jiu. ¹⁰ A sa kilatia vina tu o koya na ledra yalocakaca. ¹¹ A re sa uqetira ga na tamata na bete levu me re gisataki me seraki o Vanavasa. ¹² Saumia leqwa o Vailato ledra gisa qa kwaya, " Na ava ga me tara i vua na ledra Momo na jiu?" ¹³ Re maci gisa leqwa,"Ba vakotia" ¹⁴ A qei kwaya o Vailato vuara," Na cala yava a tara! A sa qei toro i yata na ledra gisataki, Ba torania ga". ¹⁵ A mata valomavinataki ni kora na tamata o Vailato, a ma sereki Vanavasa vuara. A qei vararawataki ni Jisu qa vaganira me lei tora. ¹⁶ A ru sa qei mei koya na sotia i na were ni vilewai( a tei nono vamatanitu), qa covira coko mai na sotia. ¹⁷ A re vataqania nai sulu lokaloka qa re talia na re vitaliakinia lia na wa sorisori qa tovakinia i e ulu ¹⁸ A re sa taula varivarivaci koya qa re kwaya ." ¹⁹ A re qei rubia e buto ulu na sina qa re katasivi tia. ²⁰ Ia na gauna are sa varivariva cia oti ka are qei livatia lei sulu lokaloka qa re lai vataqania ga na lea i sulu a taqa vali mai, oti aru sa qei vakotia na kai vileqwai. ²¹ A lia na tagwane e yaca o Saimoni, na koi i Kirini tamadru o Alekisada qa o Refo as a qei lai vuke na dagia na lea kai vileqwai . ²² A ra sa qei mei Jisu mai na sotia ina lia na vanua e yaca o Kolikoca (kea vakadewataki kea i balebale " Na vanua ni tua qa na ulu." ²³ A re vagania na waini solovata tu a na mura a tam mata somia ga ²⁴ Qa ra sa qei torani Jisu ina kaivileqwai, re vawirimadigi me rewa ni lai kilati na vi tikitiki ni sulu e i lea i lia na sotia ²⁵ Sa acovia ne i katolu ni aua qa ru sa lai torania ina kai vileqwai ²⁶ A sa volai e ulu i yata. "Ledra Momo Na Jiu." ²⁷ A ru lili muni e tiki a ru rua na dau driva lia i nai matai qa lia i na mawi ²⁸ . ²⁹ O kora na tivari tu are suilaki ni koya, a re kuretia medra butoulu qare kwaya," se i rewa ni vacacania na vanua ni masu qo tara leqwa ina tolu na siga? ³⁰ Vacola ni ko sara, qo siro civo mai ina kai vileqwai. ³¹ A re varivarivacia tu muni o kora na bete levu qo kora na vunilawa qa re kwaya,"Sa rewa sara ni lai vacola ni kora ia i tam rewa sila vali boto re ni vacola ni iko? ³² Me vasiro ni koya civo re mai ti na Karisito, na ledra Momo na Isireli, me te ligocia qa me te vakadudutaki nia ru seiqwa no muni o koru na lili na qai koya. ³³ I nei ka ono ni aua, a sa taula me gilogilo na vanua me aco sara nai ka ciwa ni aua. ³⁴ Nei ka ciwa ni aua, asa gisa o Jisu," Ilai Ilai Lamu Sapakacamai keya i tautauvata, Lequ Kalou, lequ Kalou na yava osa numidei ni au ka! ³⁵ A sewa a re dure vakolo tu are rogo na lea tata qa re kwaya, sa covi Ilaitia." ³⁶ A qei wavu lia me tonia a lia na kwa onuonuku ina wai kolikoli qa qei lai vagani Jisu. Qa qei kwaya na saravou so kwe te tolavia re ma ga i rewa ni mei koya civo ira o Ilaitia. ³⁷ Sa qei gisa e lio i yato o Jisu qasa qei mate. ³⁸ Talisi rua na i ubi ni were ni masu tekivu mai yata kau civo ira. ³⁹ A qei kwaya na turaganivalu a yamatavi Jisu tu nagauna a mate ka ,"E i du sara ko kwe o luvea na Kalou." ⁴⁰ A ru sewa muni na vibulou aru vatolavi koya, yawa tu mai . O Meri na vibulou ni Makitala o Meri ( o mndara o Jemesa ko e tacim qa Josese) qa Salomi muni. ⁴¹ Na lea no vali mai Kaleli, aru dau takuci koya, qa ru dau qwaravi koya vali. Qa re sewa leqwa na vibulou are laka vata mai Jerusalemi. ⁴² A sa laka no mai na karatioavi, na siga ni vakarautaki kwa ni si bere na Siga Tabu. A coravi Vailato vakadodonu qa kerevia e yago ni Jisu. ⁴³ A laka mai o Joseva na tagwane ni Arimecia. O koya mam a lewe ni matabose, a dau wacia vali na matanitu ni Kalou. ⁴⁴ A kusari Vailato ni sa leqa o Jisu. A tarogia na turaganivalu se sa mate oti se si bere. ⁴⁵ A sa vakadudutaki nia o Vailato mai vua na turaganivalu ni sa mai mate du o Jisu sa qei vagani Joseva e yago. ⁴⁶ A kau mai o Joseva a lia nei sulu lineni, a vasiro niJisu civo mai na kai vileqwai, qa watavivi nia e yago, nai sulu lineni, qa ru vadoki nia ina lia na qwara vatu. Qa qei sogotia a lia leqwa na vatu ina kea i rusurusu. ⁴⁷ O Meri Makitalina qa o Meri lea nene o Josese aru tolavia nai nono a lai lovo ka Jisu.