¹ Sa oti na Siga Tabu, aru sa lai voli, saluwaki, mai o Meri na vibulou ni Makitala, Meri o mnai Jemesa qa Salome me ru ke lai lumitia e yago ni Jisu. ² Ni sa cedre cake na matanisiga ni qwataqwata cakaca nai matai ni siga ni wiki, aru sa laka i n a qwara vatu. ³ A ru sa vivece vatakiniru," O cei ina vaqiqicia dei mai i va vatiketa na vatu mai na i rusurusu ina qwara vatu?" ⁴ A ru qei ligo yati, sa lei vakaqiqi dei tu na vatu, ia sa lia na vatu tadralevu. ⁵ A ru rusu i na qwara vatu ru qei ligocia a lia na Momo sa vaisulu sevusevu tu qa gatule no i tutu matau qa ru sa mataku. ⁶ A kwaya mai i vakoru," Ba kuwa ni mataku, oba sa laka mai vadani Jisu na koi Nasareci, o koya a vako ina kaivileqwai. Sa dure cake leqwa! Ei vele i keni o koya. Ba lai ligocia re ina vanua are vadoki ni koya ka. ⁷ Ba laka, qo ba kwaya i vuaru na lea tisaiveli qa va Vita, sa teiteimata tovo o koya i Kaleli. mai sokweni o ba na dani koya ka me wetai ga na lea kwaya tu iva vatikem. ⁸ A ru sa rusu dei mai tevai qaru sa tuba dei mai na qwaravatu laka vata qa na saqakutukutu qa na gadre. Ru tam qei vitatani leqwa ni sa vurakiru tu na mataku. ⁹ I na qwataqwata cakaca ina i matai ni siga ni vula ni wiki, ni oti na lea cola leqwa mai, a teimata na lea vacedre ni koya iva Meri na vibulou ni Makitala koya a karavia dei mai vua a vitu na nitu. ¹⁰ Sa qei laka qa lai kwaya vuaru na dau no qaya tu ina gauna aru valoloku qa ru tagi no ka. ¹¹ A ra sa rogo ni cola leqwa mai i na mate qa sa dania rewa muni o Meri, ia re si tam vakadudutaki nia ga. ¹² A oti na vikwa a yaco kwe, a qei vacedere ni koyai na rua nai rairai i vuaru aru rua i na gauna aru laka vata no ka. ¹³ A ru laka qa ru lei kwaya i vuaru na vo ni tisaiveli qa re si tam vadudutakinia ga. ¹⁴ A cedre vira leqwa o Jisu na tinikadua na gauna aru kani no ka, qa vatakea vadodonu sara ga vuara na lala ni ledra vakabautia qa na ledra yalo kaikai, baletia i na ledra tam lia vata qai ni kora na sa dani koya rewa. ¹⁵ Sa qei kwaya vuara,"Ba laka yati i vuravura qo ba lai vunautaki nia nai tukutuku vina vakora na tamata coko. ¹⁶ E i lia ga sa vakabautia qa sa vavitaisotaki ina cola, o koya i tam vabautia i nalai borisi. ¹⁷ Ko kwe nai vakadudui sewa ina lai dani, vuara na vakabauti au. E re na karavia na nitu in qwaqwa ni qu yaca. E re ne tatataki muni i sewa nai tatata tenilia. ¹⁸ E re na tomia na gwata i medra lima, ra somia ei lia na wai me leqa ka medra yaloga i na tam cakaca rewa. E re derera na raraci medra lima qa ra na cola muni. ¹⁹ Na gauna sa tata oti ka na Turaga i vuaru sa lai mei i yata i lomalagi q alai gatule no e sakesake i matau na Kalou. ²⁰ A ru sa qei laka na tisaiveli qa ru vunau i vivanua coko, ia na Kalou a sa cakacaka qai koru qa na kea lai vakadudutaki ni waqani koru vali e yalo na Kalou.