¹ Bokeo gny lelahy dra nanday anahy nagnao amin'gny filira ao amin'gny tepoly, dra nisy rano nikoria boaky ao ambanin'gny tokonam-batrangaran'gny tragno amin'gny asinagnan'gny tepoly--- teo agnoloan'gny tepoly magnatriky gny asinagna--- vo gny rano dra nikoria nagnagny amin'gny ilany asimon'gny tepoly, magnagny an-kavagnan'gny alitara. ² Dra nandesy niboaky tamin'gny vavahady andrefa zaho vo nagnodidy gny vavahady magnatriky gny asinagna, vo nisy rano nikoria boaky amin'iho vavahady iho tamin'gny ilany asimo. ³ No nagnagny asinagna gny lelahy, dra nisy famolay tegny an-tagnany; nandrefy arivo hakiho izy dra nanday anahy namakivaky rabo ze rano laliky hatregny an-kitrokeliky. ⁴ Dra nadrefy arivo hakiho ndraiky izy dra nanday anahy namakivaky rano ze rano laliky hantregny am-pokopoko; dra nandrefy arivo hakiho izy dra nanday anahy tamin'gny rano laliky hatregny am-balaha. ⁵ Bokeo dra nandrefy arivo hakiho hafa izy, fe renirano ze sy afaky niapitako zeho akory niakzasy rano sady laliky sy afaky halomagnosa --- renirano ze sy afaky niapita zeho. ⁶ Ho gny lelahy taminahy: " Ry zanak'olo, hitaniha se iho?" dra nanday anahy niboaky izy dra napihery anahy tegny amin'gny sisin'gny renirano. ⁷ No igny nihery igny zaho, dra nisy hazo maro tegny amin'gny sisin'gny renirano dra tegny amin'gny andaniny ilany avo koa. ⁸ Ho gny lelahy taminahy: "Miboaky magnagny amin'gny faritany asinagna iho rano iho dra m,izoso magnagny Arahaba; mikoria magnagny amon'gny Ranomasin'gny Sira zeho dra hapadio anazy. ⁹ Vo gny raha managn'ay aby sesehena dra hivelo agny amin'ize handehanan'gny rano; hisy hazandrano maro ao, akory mikoria agny gny rano. Hapadio gny rano masy zeho. Hivelo agny amin'ize handehan'gny renirano gny raha aby. ¹⁰ Vo bokeo dra hisanga eo amoron'gny rano gny panzono 'i En-jedy, dra hisy toera fagnamaigna gny harato fanzonoa eo amoron'i En-eglaima. Hisy karaza hazandrano maro ao amin'gny Ranomasin'gny Sira, manahaky gny hamarony gny hazandrano ao amin'gny Ranomasim-be. ¹¹ Fa reo hanohano vo reo heniheninigny Ranomasinigny sira dra sy ho voalio; hamokara sira iny. ¹² Egny andafin'io renirano io amy sisiny, amy taliaviny ro, dra hisy karazan-kazo hirisy zay hamokasy sakafo. Gny ravin'ireo dra sy halazo dra gny tegnan'ireo dra sy hizano hitombo. Isam-bola ireo hazo ireo dra hamoa tegnany, satria gny rano laha tao amy fitoera masy dra mivavasy magnagny amin'ireo. Ho hany gny tegnan'ireo, dra gny ravin'ireo dra ho fagnasitrana. ¹³ Izao gny zakanigny topo Yaveh: Izay gny fomba hizaranao gny tany ho an'ireo foko ro ambinigny folon'Israely: Hanana azara ro i Josefa. ¹⁴ Ho zaranao mitovy ze nanandratako gny tagnako vo nianianako fa hame reo razambenao ty tany tihoky dra ho avy lovanao. ¹⁵ Tiky gny ho sisintanin'gny tany agny amin'gny ilany andrefa manomboky amin'gny Ranomasim-be mandalo amin'gny lala Heltona, vo hatragny Zedada. ¹⁶ Dra hitohy agny Berota gny sisn-tany, hatragny Sibraima, ze eo agnelagnelan'i Damaskosy vo Hamata, vo bokeo hatragny Hazara Hatikona, ze eo agnilan'gny sisin-tanin'i Haorana. ¹⁷ Dra hitohy manomboky amin'gny ranomasy hatragny Hazar-enana agny amin'gny fari-tanin'i Damaskosy vo Hamata magnagny andrefa gny sisin-tany. Zeho gny ho sisiny andrefa. ¹⁸ Tamin'gny sisiny asainagna, teo agnelagnelan'i Haorana vo Damaskosy vo teo agnelagnelan'i Gileada vo gny tanin'Israely gny Reniranon'i Jordana. Sy mainsy refesiniha hatragny amin'gny sisiny raomaasy asinanga; zeho iaby zeho gny ho sisn-tany asinagna. ¹⁹ Bokeo gny sisiny asinagna: gny asimon'i Tamara magnagny amin'ireo ranon'i Meriba Kadesy, gny lohasahan-driakin'i Egypta magnagny amin'gny Ranomasim-Be, vo gny ilany asimo magnatriky gny asimo. ²⁰ Vo gny sisin-tany andrefa gny ho Ranomasim-Be magnagny amin'ize mifanohisy amin'i Hamata. Zeho gny ho ilany andrefa. ²¹ Amin'izeho fomba zeho gny hizarandrareo tiky tany tiky ho andrareo, ho an'ireo fokon'Israely. ²² Dra hizara reo lova ho an'gny vetandrareo handrareo dra ho an'ireo vahiny eo gnivondrareo, reo ze niteraky zanaky teo agnivondrareo vo reo, mindray amindrareo, manahaky gny olo tera-tanin'Israely. Hagnome lova maro eo amin'ireo fokon'Israely handrareo. ²³ Vo gny vahiny dra hindray amin'gny foko eo amin'ireo ze hitobohany. Sy mainsy magnome lova anazy handrareo--- zeho gny fagnambaran'gny Tompo Yaveh."