¹ Tahoky aby gny agnaran'ireo foko. Hahazo anzara-tany raiky gny fokon'i Dana, gny fari-tanin'izeho dra hipak hatragny amin'gny sisin-tanin'Israely magnamoro gny lalan'i htlona vo Lebo Hamata. Gny sissin-tanin'izeho dra hitohy hatragny Hazar-enana dra magnaraky gny sisin-tanin'i Damaskosy magnasimo dra hatragny Hamata. Gny fari-tanin'i Dana dra manomboky boky agny asinagnan'gny lala aby magnagny andrefa amin'gny Ramomasy Lahibe. ² Mifagnila amin'gny fari-tanin'i Dana, hatragny amin'gny lafiny asinagna dra hatragny andrefa, gny ho anzara raiky ho an'i Asera. ³ Mifagnila amin'gny fari-tanin'i Asera hatragny amin'gny lafiny asinagna dra hatragny anrefa, fny ho anzara raiky ho an'i Naftaly. ⁴ Mifagnila amin'gny fari-tanin'i Naftaly hatragny amin'gny lafiny asinagna dra hatragny andrefa, gny ho anzara raiky ho an'i Manase. ⁵ Mifagnila amin'gny fari-tanin'i Manase hatragny amin'gny lafiny asinagna dra hatragny andrefa, gny ho anzara raiky ho an'i Efraima. ⁶ Mifagnila amin'gny fari-tanin'i Efraima hatragny andrefa, gny ho anzara raiky ho an'i Robena. ⁷ Mifagnila amin'gny fari-tanin'i Robena hatragny amin'gny ilany asinagna dra hatragny andrefa, gny ho anzara raiky ho an'i Joba. ⁸ Gny fagnolora gny tany ze hahiniha dra hagnaraky gny fari-tanin'i Joda vo hihitasy boaky agny amin'gny lafiny asinagna dra hatragny andrefa; ho dimy arivo sy ro aly hakiho gny sakany. Gny halavan'izeho dra mifandraiky amin'gny anzaran'gny foko raiky hatragny amin'gny afiny asinagna dra hatragny andrefa, bo ho eo agnivon'izeho gny tepoly. ⁹ Zeho tany ze hatolosiko an'i Yaveh zeho dra ho dimy arivo sy ro aly hakiho gny halavany vo ray aly hakiho gny sakany. ¹⁰ Tahoky aby gny ho andrekisy gny anzara-tany masy: ireo pisor dra hana tany voatendry ho andreo mirefy dimy arivo sy ro aly hakiho gny halavan'gny lafiny avarasy; ray aly hakiho gny sakan'gny lafiny andrefa; ray aly hakiho gny sakan'gny lafiny asinagna; vo dimy arivo sy ro aly hakiho gny halavan'gny lafiny asimo, mindray amin'gny toera masin'i Yaveh eo agnivon'izeho. ¹¹ Zeho dra ho an'gny fanokana reo pisoron'gny taranak'i Zadoka, ze fa nanopo Anahy tamim-pahatokia, vo sy nandeha tamin'gny lalan-diso gny vahoakin'Israely, manahaky gny nahin'ireo Levita. ¹² Gny fagnatisy ho andreo dra ho anzara boaky amin'itiky tany masy indrindra tiky, mihitasy hatragny gny faritanin'ireo Levita. ¹³ Gny tanin'ireo magnamoro gny fari-tany mindray amin'gny tanin'gny pisoro dra dimy arivo vo ro aly hakiho gny halavany vo ray aly hakiho gny sakany. Gny halavan' gny velaran-tany manotolo ro dra ho dimy arivo sy ro aly gny halavany vo ro aly hakiho hakiho gny sakany. ¹⁴ Sy mahazo mivarosy na manakalo anizeho ereo; sy misy azo sarahy amin'ireo velaran-taniny reo voloham-bokasy gny tanin'Israely, fa masy ho an'i Yaveh zeho iaby zeho. ¹⁵ Gny tany sisa tavela, dimy arivo hakiho gny sakany vo dimy arivo vo ro aly hakiho gny halavany, dra hiaraha-mapiasa ho an'gny tana, gny tragno, vo reo fihinanam-bilo; ho eo gnivon'izeho gny tana. ¹⁶ Tahoky aby gny ho refin'gny tana: 4.500 hakiho gny halavan'gny lafiny avarasy; 4.500 hakiho gny halavan'gny lafiny asimo; 4.500 hakiho gny halavan'gny lafiny asinanga; vo 4.500 hakiho gny halavan'gny lafiny andrefa. ¹⁷ Dra hisy haly magnavarasy ho an'gny tana, 250 hakiho gny halalikiny; eo amin'gny asimo, 250 gny halalikiny; eo amin'gny asinagna, 250 hakiho gny halalikiny, vo eo amin'gny andrefa, 250 hakiho gny halalikiny. ¹⁸ Vo gny farisy ambin'gny fagnatisy masy dra hahatratry raiky alina hakiho miasinagna dra ray aly hakiho miakandrefa. Hihitasy magnaraky gny faritanin'gny fagnatisy masy zeho sady ho sakafon'ireo ze miasa ao an-tana gny vokatr'izeho. ¹⁹ Gny vahoaky ze miasa ao an-tana, gny vahoakin'gny foko abin'Israely, gny hiasa zeho tany zeho. ²⁰ Gny zara-tany aby dra mirefy dimy arivo sy ro aly hakiho tora-dro. Amin'izeho fomba zeho gny hanaovandrareo gny tany fagnatisy masy tany, maindray amin'gny tana. ²¹ Gny ambin'gny tany eo amin'gny andaniny vo gny ankilan'gny fagnatisy masy vo gny farisy gny tana dra ho an'gny andrian-dahy. Gny velaran-tanin'gny andrian-dahy agny asinagna dra hahatrasy dimy arivo sy ro aly hakiho manomboky eo amin'gny fari-tanin'gny fagnatisy masy dra hatragny amin'gny sisi-tany asinagna--- vo gny velaran'gny agny asinagna dra hahatrasy dimy arivo sy ro aly hakiho hatragny amin'gny sisi-tany andrefa. Ho eo agnelagnelany gny fagnatisy masy, vo gny toera masin'gny tepoly dra ho eo agnivon'izeho. ²² Gny tany mihitasy boaky eo amin'gny fanagnan'ireo Levita vo gny farisy gny tana eo agnivo dra ho an'gny andriandahy; ho eo agnelagnelan'gny sisin-tanin'i Joda vo gny sisin-tanin'i Benjamina zeho--- iho tany iho dra ho an'gny andriandahy. ²³ gny amin'ireo foko ambiny, gny anzaran'ereo avo koa dra ho avy agny asinagna dra hatragny andrefa. Hahazo anzara raiky i Benjamina. ²⁴ Mifagnila amin'gny fari-tanin'i Benjamina hatragny asinagna dra hatragny andrefa, gny ho anzara raiky ho an'i Simeona. ²⁵ Mifagnila amin'gny fair-tanin'i Simeona hatragny amin'gny ilany ainagna dra hatragny andrefa, dra hahazo anzara raiky i Isakara. ²⁶ Mifagnila amin'gny fari-tanin'Isakara hatragny amin'gny lafiny asinagna dra hatragny andrefa, dra hahazo anzara raiky i Zebolona. ²⁷ Agny asimon'gny fari-tanin'i Zebolona, hatragny andrefa vo hatragny asinagna, dra ho tanin'i Gada--- anzara-tany raiky. ²⁸ Gny fari-tany asimon'i Gada dra hihitasy manomboky agny Tamara dra hatragny amin'ireo ranon'i Meriba-kadesa, dra avy hatragny amin'gny lohasahan-driakon'i Egypta, vo hatragny amin'gny Ranomasy Lahibe. ²⁹ Zeho gny tany ze hilokandrareo; ho lovan'gny fokon'Israely zeho. Reho dra ho anzaran'ereo. Zeho gny fagnambaran'gny Tompo Yaveh. ³⁰ Tahoky gny ho fiboaha boaky ao an-tana: amin'gny lafiny avarasy, zay hirefy 4.500 hakoho gny halavany, ³¹ dra hisy vavahady telo, nitokavy boaky tamin'ireo fokon'Israely: vavahady raiky ho an'i Robena, vavahady ho an'i Joda, vo vavahady raiky ho an'i Levy. ³² Eo amin'gny lafiny asinagna, zay hirefy 4.500 hakiho gny halavany, dra hisy vavahady telo: vavahady raiky ho an'i Josefa, vavahady raiky ho an'i Benjamina, vo vavahady raiky ho an'i Dana. ³³ Amin'gny lafiny asinagna, ze hirefy 4.500 hakiho gny halavany, dra hisy vavahady telo: vavahady raiky ho an'i Simeona, vavahady raiky ho an'Isakara, vo vavahady raiky ho an'i Zebolona. ³⁴ Eo amin'gny lafiny andrefa, ze hirefy 4.500 hakiho, dra hisy vavahady telo: vavahady raiky ho an'i Gada, vavahady raiky ho an'i asera, vo vavahady raiky ho an'i Naftaly. ³⁵ Valo arivo sy ray aly hakiho gny refy magnodidy gny tana; manomboky amin'iho andro iho, dra ho tokavy ho " Yaveh Gny Ao" gny agnaran'gny tana.