¹ Dra gny fa vita zay aby zay, dra niboaky ho agny amireo tanan'i Joda gny vahoakin'Israely aby ze tagny dra nanorotoro reo andrim-bato vo nanapaky reo baon-Aseraha, dra niravan'ereo gny fitoera abo vo reo alitara tao amin'i Joda vo Benjamina, vo tao Efraima dra Manase aby, mandra-paharavan'ereo anazy aby. Dra nihery gny vahoakin'Israely aby, gny sirairay tagny amigny fanagnany vo gny tanany aby. ² Nitendren'i Hezekia gny fizaran'ireo pisoro vo reo Levita volamena araky gny fizaran'ereo, gny lelahy sirairay nitendre tamigny asany, dra reo pisoro vo reo Levita. Nitendreny ereo ba hanao gny fagnatisy oroa vo fagnati-pihombogna, ba hanopo, ba hanolosy fisora, dra ba hidera eo amireo vavahadinigny tepolin'i Yaveh. ³ Nitendreny avo koa gny azaranigny pazaka ho anigny fagnatisy oroa boak'amireo fanagnany manoka, izay dra, ho anigny fagnatisy oroa maray vo fagnatisy oroa hariva, dra gny fagnatisy oroa ho amigny andro Sabata, teo vola vaovao, vo reo andro firavoravoa voatendry, araky ze voasorasy ao amigny lalan'i Yaveh. ⁴ Akoasy izay, nandidy gny vahoaky ze nipetraky tagny Jerosalema ba hagnome azara ho anireo pisoro vo reo Levita izy, ba hahafahan'ereo mifatoky amigny fakatoava gny lalan'i Yaveh. ⁵ Vatany vo nalefa gny baiko, dra namenigny vahoakin'Israely tamigny fahalala-tagna reo voloham-bokasy, vo gny boak'amireo vokasy tagny agnahisy. Nandesin'ereo gny apahafolonigny raha aby; ze tena maro dra maro. ⁶ Gny vahoakin'Israely vo Joda ze nony tao amireo tanan'i Joda avo koa dra ninday gny apahafolonigny biby teza vo agnondry, dra gny apahafolonigny raha masy ze natoka ho an'i Yaveh zagnaharin'ereo, dra navorin'ereo ho atota zay. ⁷ Tamigny vola fahatelo gny nanombohan'ereo namory gny fandresan'azara ho atotany, dra nifaragnan'ereo tamigny vola fahafito. ⁸ Gny fa avy dra nagnety reo atotany i Hezekia vo reo pitariky, dra nisaosy an'i Yaveh vo gny Israely vahoany ereo. ⁹ Boak'eo Hezekia nagnotany an'ireo pisoro vo reo Levita momba reo atotany. ¹⁰ Azaria, pisorom-be, boak'amigny fokon'i Zadoka, namaly anazy dra nanao anizahoky ho: "Akory reo vahoaky nanomboky ninday fagnatisy tao atragnon'i Yaveh, dra nihina izahay dra visy, dra feno ambiny, akory fa nitahin'i Yaveh gny vahoany. Reo raha maro dra maro eto reo gny ambany." ¹¹ Dra nandidy gny hagnomana tragnofitehiriza ao atragnon'ereo zay. ¹² Boak'eo nandesin'ereo tami-pahatokia gny fagnatisy, gny apahafolony vo reo raha ze an'i Yaveh. Konania, gny Levita, gny pitata nisaha anireo, dra Simey, rahalahiny, gny faharo nagnapy anazy. ¹³ Jehiela, Azazia, Nahata, Asahela, Jerimota, Jozabada, Eliala, Jismakia, Mahata, dra Benaia gny pitata teo ambany fahefan'i Konania vo i Simey rahalahiny, tamigny fanendren'i Hezekia, pazaka, vo Azaria, manam-boninahisy teo amigny tragnon'Agnahary. ¹⁴ Kore zanadahin'i Jimna gny Levita, piamby vatrangara teo asignananigny vavahady, gny teo amigny fagnatisy asitrapo ho an'Agnahary, nisaha gny fizara reo fagnatisy ho an'i Yaveh vo reo fagnatisy masy faratapony. ¹⁵ Teo ambany fahefany gny nisy an'i Edena, Miamina, Jesoa, Semaia, Amaria, dra Sekania, tao amigny tanan'ireo pisoro. Nifenon'ereo fahatokia reo fagnatisy reo ho anigny rahalan'ereo isa-pizara, dra gny manan-daza vo gny sy manan-daza. ¹⁶ Namen'ereo avo koa reo lelahy telo tao gny miakasy, ze voaisa tao amigny firaketa asoras'ireo razambeny ze nilisy tao atragnon'i Yaveh, araky ze nitakenigny fanao andava-nandro, ba hanao gny asa tao amireo azara fanopoany vo fizaran'ereo. ¹⁷ Nizaran'ereo ho anigny pisoro araky gny firaketa atsoras'ireo razambeny, dra manahaky anizay koa ho an'ireo Levita ropo tao mihoasy, araky gny asa fanopoany vo fizaran'ereo. ¹⁸ Tafilisy agnatin'izay gny zanany madiniky, reo valiny, reo zanadahiny, dra reo zanakapelany, manera gny fiarahamony manotolo, akory ereo dra nahatoky tamigny fitandrema gny vatan'ereo ho masy. ¹⁹ Ho an'ireo pisoro, dra reo taranak'i Arona, ze tagny asaka tagny amireo zana-bohisy tao atagnan'ereo, na tagny amigny tana aby, dra nisy lelahy nitendre tamigny agnara ba hagnome azara ho an'ireo lelahy aby teo amireo pisoro, vo ho an'ireo aby ze voaisa tao amigny firaketa asoras'ireo razambeny teo amireo Levita. ²⁰ Nataon'i Hezekia nanera an'i Joda aby zay. Nitaterahiny ze soa, mary, dra mahatoky teo amason'i Yaveh, Zagnahariny. ²¹ Isaky gny tetikasa ze natombony tao amigny fanopoa tao atragnon'Agnahary, gny lalana, dra reo didy, ba hitaliava gny zagnahariny, dra nitaterahiny tamigny fony manotolo zay, dra nahomby izy.