¹ Avy tegny agnilan'gne ranomasy indreo, tame faritr'i Gerasena. ² Raha niala avy tame sambokidy i Jesosy, da nisy lelah raiky nidirane fagna ratsy lahatame kobory. ³ Nidoboky tamè kobory teo io lelah io. Tsy nisy afaky nagnato enazy esanaky, ndre da teo e rojo vy. ⁴ Voafehy imaro tamè gadra vy sy rojo vy izy. Notapahany iza rojo za ary potiky gne gadra vy. Tsy nisy nana hery nife enazy. ⁵ Isak'ariva sy isan'andro tamè kobory sy tamè vohotry, da nitoreo ary notapitapahany tamè vato maragnitry gne vatany. ⁶ Laha tsijony i Jesosy, da niazakazaky nagnato izy ary nandoaloky teo agnatrehany. ⁷ Ary nizaka mafy izy oe " ino gnifandresantsika me Jesosy zanake zagnahary akaboa ? miangavy enao amè gnagnarane zagnahary raiky evao iao, ka ampijaly nda iao. ⁸ Da izy nizaka taminazy oe: " mela amnio lela io e fagna ratsy". ⁹ Ary izy nagnontany enazy oe: " ia gnagnaranao ? " Da namaly izy oe " Legiona gnagnarako, satria da maro iahay". ¹⁰ Ary da mbola namerimberigny gne fangatahany izy mba tsy handroky enazy iala gne faritry. ¹¹ Ary da nisy kosoa maro nitrofa tamè vohotry ¹² ary nengavy enazy indreo nagnano oe " ba alefaso amnio kosoa io ro iahay; apetray ba idiranay amnio". ¹³ Ka da napetrany indreo; ary da nijotso gne fagna ratsy ary da niditry tamè kosoa. Rahavy teo da nilefa tamè teva megnamè ranomasy indreo, ary da kosoa roy arivo teo gne maty tamè ranomasy. ¹⁴ Nitsoky nilefa gne namaha gne kosoa ary nikora gne raha zavatry niboda tatana sy tambanivolo, ary da olo maro gne nijotso isamba gne zavatry niboda. ¹⁵ Avy igny indreo da nagnato en'i Jesosy ary da hitandreo teo gne lelah nidirane demony, gne raiky taminazy nidirane legiona, nidoboky teo, nisiky ary nivery e sainy, ka da natahatry indreo. ¹⁶ Gne nahita gne zavatry niboda tamnio lelah nidirane demony io da nikora tamindreo da to gne raha hitandreo ary da nitatara tamindreo evao gne mikasikè kosoa. ¹⁷ Da nanomboky nengavy Enazy indreo mba helany amè faritanindreo. ¹⁸ Ra hipitiky tamè sambokidy izy da nengavy gne lelah nidirane demony ba hiray aminazy. ¹⁹ Kanefa tsy neken'i Jesosy, ka nozakainy hoe " miveregna andragnonareo sy amè fianakavianao ary koragno amindreo gne namboarin'i Tompo sy gne namindrany fo taminao". ²⁰ Da lasa nody izy ary nanomboky nagnambara gne raha zakabe nozakain'i Jesosy taminazy tagny Dekapolisy ary da nangakaky gne be sy ny maro. ²¹ Ary ra tafatsaky tagnilandrano i Jesosy, niray tamè sambokidy, da nisy vahoky marobe nivory nagnodidy Enazy, tamin'izy tamoron-dRanomasy igny. ²² Avy teo da nagnato gne raiky tamè mpitariky gne synagoga, antsoigny hoe Jairo, ka ra nahita Enazy, da nitsoraky tamè tombony. ²³ Nitaraigny be izy nagnano hoe: "maharary mafy efa ho faty gne zanako viavy. Mitaraigny aminao evao iao, mevisa aty ary apetray aminazy gne tagnanao mba hahasalama sy hahavelo enazy". ²⁴ Da lasa nindray taminazy izy ary da vahoky marobe gne nagnaraky sady nameno magnodidy enazy. ²⁵ Ary nisy viavy raiky teo tratrinè fahaverezan-dRà nandritrinè roambinifolo taogny. ²⁶ Nijaly mafy izy ary da efa nivezivezy tamè mpitsabo maro sy lany fanagna, kanefa da tsy nahazo fahasalama fa vomaiky niareraky. ²⁷ Raha nahare gne tantara mikasiky en'i Jesosy izy da nagnato tao afarany nindray tamè vahoky marobe ary nikasiky gne lambany. ²⁸ Satria hoy izy se: " Raha mikasiky gne lambany fotsiny iaho da ho salama". ²⁹ Raha nikasiky Enazy izy da nijano gne fandiananè Rà ary da tena tsapany tanteraky fa salama izy. ³⁰ Tsapan' i Jesosy nindray tamzay fa nisy hery niala taminazy. Nitodiky tamè vahoky izy ary nizaka oe "ia gne nikasiky gne lambako ?". ³¹ Da namaly Enazy gne mpianatriny nagnano hoe: ''hitanao gne vahoky maro mifanosiky aminao io, ka hoy enao hoe: '' ia gne nikasiky Enah ". ³² Fa nagnety gne magnodidy enazy i Jesosy mba hahitany gne nagnano enizà. ³³ Ilay viavy, nahafantatry gne raha niseo taminazy, da natahatry sy nangitakitaky. Nandeha izy ary nitsoraky teo alohan'i Jesosy ary nizaka taminazy gne mariny aby. ³⁴ Da hoy Jesosy taminazy se: " zanako, gne finoanao gne nahasalama anao. Mandiana amè fiadana ary hoafaky amè gnaretinao". ³⁵ Raha mbola nizaka izy, da avy gn'olo sasany avy tamè mpitariky gne Synagoga, nagnano hoe: "Efa maty gne zanakao. Nagnino ambola manosotry gne mpampianatry koa ?". ³⁶ Raha nahare gne zakandreo i Jesosy da hoy izy tamè mpitariky gne synagoga hoe: "ka malia. Minoa fotsiny evao". ³⁷ Ary tsy nisy nekeny niray taminazy, afa-tsy Petera, Jakoba ary Jaona, rahalahan'i Jakoba. ³⁸ Avy tamè tragnonè mpitariky gne synegoga indreo ary nahita olo naresaky be teo Izy; nitomagny sy nitatatata mafy indreo. ³⁹ Rehefa niditry gne tragno izy da nizaka tamndreo hoe "nagnino enareo mitatatata sy mitomagny? Tsy maty io zaza io fa matory". ⁴⁰ Lagnaky gnehy enazy indreo. Nefa najotsony tambadiky tagny indreo aby ary nangala an'ny abany sy gne reniny gne zaza sy gne nindray taminazy, ary niditry tamign'efitry nisy an'ilay zaza Izy. ⁴¹ Nofetsainy gne tagnan'ilay zaza ary nizaka taminazy hoe:" Talita, Komy !" izay adika hoe "Ry zazavavy, mizaka aminao Iaho, mitsangàna". ⁴² Tonga da nitsanga ilay zazavavy ary nandeha (satria roy ambiny folo taogny izy). Gaga be aby indreo. ⁴³ Nandrara mafy indreo izy mba tsy hisy na ia na ia hahafantatry gne mikasiky enizao. Avy teo nomeny sakafo razazavavy.