¹ Da nandeha tao ame synagoga i Jesosy sady nisy lehilahy maty tagna e tao. ² Da nagnaramaso Enazy gn' olo sasany mba hagnasitragny anigny olo igny ame andro Sabata ary mba hahafahandreo magnameloka Enazy. ³ Da hoy Jesosy tame lehilahy maty tagna se:"Mitsangana ategnategnany gn'olo aby etoa". ⁴ "Da nizaka tame olo Izy hoe : Aradalagna ve gne magnano soa ame gnandro sabata sa gne magnano ratsy ; gne mamonjy aigny sa gne mahafaty?"Nefa indreo tsy nahazaka. ⁵ Sosotry i Jesosy nagnety andreo,sady nalahelo Izy tame hamafisam-pondreo,da nizaka tamin'igny lehilahy igny hoe:"ataro gne tagnanao" da nahatatrin'igny lehilahy igny e tagnany da salama. ⁶ Da nizotso tao gne fariseo nisinisiniky hamono Anazy niaraky tamin'i Heroda mpanjaka. ⁷ Avy teo i Jesosy, da niaraky tame mpiatriny tamorondranomasy kaiky nisy vahoaky marobe nagnaraky andreo lahatagny Galilia da lahatagny Jodia ⁸ lahatagny Jerosalema sy nanomboky tao Edoma ka hatrame reniranon'ny Joridany sy gne magnodidigny an'ny Tyra sy Sidona.Rehefa nahare gne fahagaga vitany da nisy olo maro nagnatony andreo. ⁹ Da nampitady sambokidy gne mpianatrin'i Jesosy mba hipitihany amizay tsy takatry gne olo izy. ¹⁰ Satria Izy nagnasitragny olo maro,da nifandrobaky hikasiky aminazy aby gnolo managny arety. . ¹¹ Isake nahita Enazy gne fagnahy maloto ,da nandohalilky sady nitoreo ka hoy indreo se:"Da Anao e zanake Zagnahary. ¹² "Da nozakainy mafy indreo mba tsy hagnambara Enazy. ¹³ Niakatry tame tendrombohitry Izy,da nangaiky izay tiany,da avy indreo. ¹⁴ Da nisafidy gne roambifolo lahy izy(izay angia hoe apostoly),mba hiray aminazy sady hapalalaky Enazy hagniraky handeha hitory teny ¹⁵ da hana fahefa handroaky demonia. ¹⁶ Ave teo da nanendry gne roabmifolo Izy : i Simona gne nomeny agnara hoe Petera ; ¹⁷ Jakoba zanak'i zebedio, sy Jaona rahalahiny, izay nomeny agnara hoe Baonerijesy izay midika hoe zana-baratra, ¹⁸ da i Andrea, Filipo, Bartolemeo, Matio, Tomasy, Jakoba Zanak'Alfeo, Tadeo,Simona zelota ¹⁹ da i Jodasy Iskariota izay hamadika Enazy. ²⁰ Da nody tandragno Izy, da avy aby koa gne vahoaky maro, farany tsy nahina agnaby indreo. ²¹ Kay raha reny gne fianakaviany, da nijotso indreo nangala anazy, satria nozakaindreo hoe "very say Izy". ²² Ndre gne panora-dalagna avy tagny Jerosalema,da nijaka fa:"Idobohan'i Belzaboba Izy," Ka, " ame gnalalane mpandidy gne demonia gne androahany gne demonia". ²³ Da nangihan'i Jesosy hoavy aminazy eo indreo, da nijakany ame ohatry hoe: Akôry gne hahafahan'gne satana mandroky gne satana? ²⁴ raha misy fanjaka miady ame fanjaka da tsy maintsy rava izany. ²⁵ Ary raha misy tokatragno miady andragno da tsy mahadigny izà tokatragno zà. ²⁶ Raha nitsanga nanohitry e tegnany i satana ary nisaraky, da tsy ela da efa tapitry. ²⁷ Tsy misy afaky hiditry ame tragnone gnolo matanjaky raiky ary manafiky enazy raha tsy mamehy an'igny olo matanjaky igny, ary hanafiky gne tragnony izy rehefa avy eo. ²⁸ Lazaiko amireo e marigny, fa da ho voavela agnaby e heloky gne zanak'olombelo ndre gne ompa avôkiny gne vavany, ²⁹ fa gne magnompa gne Fanahy Masina da tsy voavela heloky mandrakizay. ³⁰ Nambaran'i jesosy izany noho gne nijakandreo Enazy fa" manana fagnahy maloto Izy." ³¹ Avy teo da avy lahatagny i abany amy endriny da e rahalahiny, nitsanga taty ambiky taty. Da nagnafatry olo indreo, da nampangaiky Enazy. ³² Nidoboky nagnodidy Enazy gne vahoaka da ho izy taminazy:" I endrinao sy gne rahalahinao da ao ivelany gnao, mitady Anao indreo." ³³ Da novaliany hoe: "Ia gne reniko sy gne rahalahiko!" ³⁴ Da nagnety magnodidy tame olo nagnodidy Enazy Izy da hoy izy:" Iteo, itoa gne endriko sy gne rahalahiko! ³⁵ Ndre ia ndre ia gne magnano gne sitrampon'e Zagnahary,da izay olo izay gne rahalahiko sy gne anabaviko sady reniko.