¹ Raha nipody tagny kapernaomy i jesosy andro vitsivitsy, teo da ré fa tandragno tao Izy. ² Maro be gn'olo nivorivory tao ka tsy omby gne toera sady feno hatramin'gne varangara,ka sady nitory teny tamindreo i Jesosy. ³ Da nisy lehilaha maromaro nagnato anazy ka ninday lehilaha malemy raiky, nolanjain'olo efa-daha. ⁴ Raha tsy afaky nagnato enazy indreo nohon'i gn'habetsaha gnolo, da nalaindreo e tafitragno tambonin'i jesosy,ka voasokatra indreo,da nampidignindreo e fandriany e lelaha malemy. ⁵ Raha nahita gne finoandreo i jesosy da nizaka tam'gne lehilaha malemy nagnano hoe:''Anaky,voavela gn' elokao. ⁶ Ary nisy mpanora-dala e sasany tamindreo nipetraky teo, ka nimenimeny tagnaty indreo nagnano hoe: ⁷ ''Akognaia ahafahan'io lelaha io miroho ako iza sa? Magnopa Izy! Fa tsy gne zagnahary raiky evao me afaky mamela heloky?.'' ⁸ Fa i Jesosy tonga da nafantatry gne raha tandohandreo tagny. Ka hoy Izy tamindreo: ''Nahoa anareo to va mieritreritra raha akoiza agnatinareo agny? ⁹ Ignaia me gne moramora e mizaka amin'io lelaha io hoe: 'Vovela helokao' sa gne hoe: 'Batao e fandrianao, da mandeana? ¹⁰ Mba lalanareo fa mana fahefa hamela heloky an-tany ety e zanaky gne Zagnahary,' nizaka tame lelaha malemy izy hoe: ¹¹ ''Lazaiko aminao mitsangana, batao e fandrianao, da mandeana andragnonao'. ¹² Da nitsanga izy sady nibatainy e fandriany, takatrefane olo marobe,da kaperatry olo nahita enazy ka nagnome voninahitry e zagnahary,hoy indreo se: mbola tsy nahita ra ako ity iahay ro? ¹³ Avy teo da nandeha tamoron-dranomasy koa Izy,ary nagnato enazy aby avakoa gn'olo,da nampianariny indreo. ¹⁴ Ra nandalo Izy da nahita an'i Levy zanak'i Alfeo nipetraky tame fandagnona hetra ka hoy Izy taminazy se: ''Magnaraha ana'' da nitsanga izy ka nagnaraky Anazy. ¹⁵ Nihina tamindry Levy i Jesosy,izy ame mpamori-hetra sy gne olo mpanota maro miaraky ame mpianatriny,sady maro gne tagnaraky Anazy. ¹⁶ Hoy gne fariseo, izy ame mpanora-dalagna raha nahita an'i Jesosy niara-nihina tame mpanota, izy ame mpamory hetra se: ''Nagnino mampiara-koma anazy ame mpamory hetra, izy ame olo mpanota?'' ¹⁷ Raha nare an'iza i Jesosy da nizaka tamindreo hoe: ''Tsy gne salama gne mitady dokotera fa gne marary, sady tsy tonga hoany gn'olo mariny aza Iaho fa hoan'gne olo mpanota.'' ¹⁸ Nifady hany gne mpianatry Jaona sy gne Fariseo. Lelahy maromaro gne nagnato Anazy ka nizaka hoe: ''Nagnino gne mpianatry Jaona sy ny gne Fariseo no mifady hany, fa gne mpianatrao tsy mba mifady hany? ¹⁹ '' Da hoy i Jesosy tamindreo: ''Afaky mifady hany moa gne olo mpamonjy mariazy raha mbola eo gne mpagnakatry? Raha mbola eo e mpagnakatry da tsy mifady hany indreo. ²⁰ Mbola hoavy gne andro hangala gne mpagnakatry eo amindreo,da amizay andro zay, da hifady hany indreo. ²¹ Tsisy olo manapy lamba lazony ame lamba vao, fa raha tsy iza da hiala aminazy gne tapa-damba,gne vao hiala ame lazony,ary ho lombilomby ratsy gne farotany. ²² Sady tsisy olo magnisy divay vaovao ame siô hoditry lazony, ary raha tsy iza da ho rotan' gne divay e hoditry ne siô lazony no sady raraky gne divay. Fa gne tsara da divay vaovao gne hahisy ame siô vao. ²³ Tame andro sabata da nande tame horaky maromaro gne mpianatry i Jesosy, ary nitao vary indreo. ²⁴ Da hoy e Fariseo se: ''Hiteo eky me, nagnino indreo tsy magnaraky gne lalàgna ne andro sabata?'' ²⁵ Da hoy Izy tamindreo: '' Mbola tsy novakinareo me gne raha namboarin'i Davida tagnatin'gne fasahiragna sy gne mosary- indreo miaraky ame lelaha namany- ²⁶ akognaia gne nidirany tandragnon'Andriamanitry tame andron'i Abiatara mpisorom-be, ka nihina mofo ne fagnatreha, izay tsy ara-dalà ndre ia gne hihina anazy hafa tsy gne mpisorona avao, ary mbola nagnomeza maromaro gne niaraky taminazy.'' ²⁷ Jesosy nizaka hoe: ''Gne Sabata da natao ane zanakolombelo fa tsy e zanakolombelo e hoan'e Sabata. ²⁸ Noho iza da e Zanak'olo e Tompo, ndre da ame Sabata.''