¹ Am'izao mirehake mazava soa ty Fagnahy fa amy ty fotoagne afarao le hisintake amy ty finoagne ty ndaty ilae le mitaoa soa amy o fagnahy mpamitakeo naho o fampianara o demonia ao ² amy ty fihatsarambelatsihy ty mpavande. Fa vomaike amy ty vy may ty feo ty fieretseretagne iareo. ³ Ho rará'iareo ty manambaly naho ty mandray o hanegne ze forognen'Andrianagnahare ho zaragne mindre amy ty fisaoragne hoe iareo ze mino naho mahafantatse ty maregne reo. ⁴ Fa ty raha iaby ze noforognen'Andrianagnahare le soa. Tsisy holieregne ty raha niraisentika tamim-piasaoragne. ⁵ Fa nihamasinegne tamy ty saontsin'Andrianagnahare naho ty vavake zay. ⁶ Naho atobo areo aloha o roahalaheo eo o raha reo, le ho mpanompo soa i Jesosy Kristy nareo. Fe ie nitezagne tamy o reha ty finoagne naho tamy ty fampianaragne soa ze norihe areo nareo. ⁷ Fa tonta ty talily talily ty ampela anitse. Fe ie ka, tariho hagnomey volonahitse an'Andrianagnahare ty vata'areo. ⁸ Fa ty vatagne hofagnegne le kede avao ro azoampiasaigne amae, fe ie fampiasagne amy ty raha iaby ty toetra arake an'Andrianagnahare. Mitazaogne ty fampanantenagne amy ty fiaignagne am'izao toy naho ty fiaigna-ko mbe hoavy. ⁹ Ty hafatse toy le mendri-pitokisagne naho mendrike ty fahafenoa ty fagnekegne. ¹⁰ Fe ie naho izay le hitologne naho hiasa mafe tika. Fa matoky ao amin'Andriangnahare velogne tika, i Mpamonjy ty ndaty iabike, indrandra ze mino. ¹¹ Talilio naho ampianarao ze raha zao. ¹² Ao tsy hisy ndaty hanao tsinotsinogne ty fahatanora'o. Fe ie ka, ao ho ohatse hoe iareo ze mino, amy ty firehake, fitondra-tegna, fitiavagne, finoagne, le hadiovagne. ¹³ Mandra-piaviako, tohizo tyfamakiagne, ty fagnanaragne, naho ty fampianaragne. ¹⁴ Ko atao tsinontsinogne ty fagnomezam-pahasoavagne ze amao ao, ze nomegne azo tamy ty alala ty faminanagne, nindre tamy ty fametrahan-tagna o lohologne'o. ¹⁵ Hajao ze raha zay. Magnekea ho amy iareo ao, mba hiharihary amy ty ndaty iaby ty fandrosoa'o. ¹⁶ Tandremo soa ty vata'o naho tyfampianara'o. Tohizo raha rey. Fa naho manao manahake izay, le ho vonjegne ty vata'o naho ze mitsanogne azo.