¹ Matokisa ze rehake zao: Naho misy ndaty raike magniry te ho mpandray an-tagnagne, le magniry asa soa reke. ² Noho izay le ty mpandray an-tagnagne le tsy maintsy tsy manan-tsigny. Tsy maintsy manambaly ampela raike avao reke. Ireke le toko'e hahay handanjalanja, hendre, tea filaminagne, tea mandray ndaty. Tsy maintsy mahay mampianatse reke. ³ Tsy toko'e za-draty amy ty divay reke, tsy mipay aly, fe ie ka, maleme fagnahy, feno fiadagnam-po. Ireke le tsy toko'e ho tea vola. ⁴ Toko'e hitantagne soa ty tokantragno'e reke, le o ana'e reo le toko'e hagneke aze am-pagnajagne vata'e. ⁵ Fe ie naho tsy mahay mitantagne ty tokantragno'e reke, le manao akore ty hikarakara'e ty anjomban'Andrianagnahare? ⁶ Tsy tokoe ho ndaty vao niova fo reke, mba tsy hieboeboae ka ho tonta amy ty fagnasazeagne manaheke ty kokolampogne. ⁷ Reke avao ka ro tsy maintse soa laza amy o ndatio ambalikeo, mba tsy ho tonta agnate ty fahafaham-baraka naho ty fita ty kokolampogne. ⁸ O Diakogne'o, manahake izay avao ka, le tokoe mendreke. Iareo le tsy tokoe hinogne divay maro loatse na tsy mahafanta-draha arakanegne. ⁹ Tokoe hitazogne ty fahamarinagne ty finoagne natlily mindre amy ty feo fieretreretagne malio. ¹⁰ Iareo avao ka ro tokoe ho sedraigne mialoha, boakeo le tokoe hanompo satria tsy manan-kakeo iareo. ¹¹ O ampela reo ka le toko'e ho magneva manahake izay avao ka. Tsy tokoe ho mpagnedrikendrike iareo. Tokoe hahafantatse handanjalanja naho matoky amy ty raha iaby. ¹² O Diakona o le tokoe hanam-baly ampela raike. Tsy maintsy mitantagne soa o anae'o naho ty tokantragnoe iareo. ¹³ Fe ie ze nanompo soa le handrambe ty laza soa naho fahatokisagne bey amy ty finoagne hoe ty vata'iareo ze ama'i Jesosy Kristy ao. ¹⁴ Manoratse ty raha reto ama'o raho, naho le magnantegna ty ho avy tsy ho ela ama'o agne raho. ¹⁵ Fe ie naho tara raho, le manorata mba hahafantara'areo ty fitondran-tegna amy ty tokantragnon'Andrianagnahare ao, ze anjomban'Andrianagnahare velogne, i vato fehizoro'y naho fioregna ty fahamarignagne. ¹⁶ Tsy azo lieregne fa ty fahamarignagne natlily ze arake an'Andrianagnahre le bey: "Reke le niseho tamy ty nofotse, nihamarine ty fagnahy, hita ty Anjely, natlily t'agnivo o finenao, ninoa izao tontolo zao, le nasandratse tamim-bolinahitse."