¹ Ingo, fahandefa ty irako Raho, vaho reke hagnoma ty lala eo agnoloako. Ka hoavy tampoke ao amy ty anjomba i Tompo zay paienareo. Aze irake ty fanenkea hoteanareoy, ingo, fahoavy reke,'' hoe ty Yaveh Tompo ty maro. ² Fa ia moa ty hahefa haharetse ty hihaviane? Ia ty hahavita hitsanga naho jilo Reke? Fa Reke hanahake afo ty belake naho savony mamore anasan-damba. ³ Hitoboke manahake ty mpndrendreke naho mpanasa volafotsy Reke, vaho handio reo anadahy i Levy.Handrendreke aze iareo manahake volamena naho volafotsy Reke, vaho hinday soro ty fahamarena hoahy Yaveh iareo. ⁴ Vaho ty sorogny Joda naho Jerosalema le hankasitraha Yaveh, manahake ty andro taloha. ⁵ Le hoavy raho hitsara anareo. Betebete Rahole hoavy hovavolombelo hanohetse reo mpisikily, mpandranto, vavaolombelo tsy marene, vaho hanohetse ze mampijale ty mpiasane amy ty karamae, reo ze mampijale ty somondrara, naho reo bode, hanohetse zay manda ambahiny, vaho hanohetse ze tsy magnomey voninahitse Ahike,'' hoe Yaveh Tompo ty maro. ⁶ ''Fa Zaho Yaveh n, le tsy miova; naho zay nareo, anadahy Jakoba retoa, le tsy hotra ty farane. ⁷ Fananomboke tamy ty andro ty razagnareo le fananditse ty liliko nareo vaho tsy niambegnizane. Mimpolia amiko, le himpoly aminareo Raho.'' hoe Yaveh Tompo ty maro. ''Nareo nanao tihoe: 'Amy ty foma manao akore ty himpolianay?' ⁸ Misy ndaty handrava an'Andragnahare vao? Nefa mandrava Ahy nareo. Ianreo manao tihoe: tamy ty fomba manao akore ty handrobanay anao? Tamy amahafolom-panagna naho reo soro. ⁹ Nareo le voaozo, satria nandrava Ahy nareo firenena iaby. ¹⁰ Aseseo ao amy ty rihako ao ty fahafolom-panagne tsy misy tavela, mba hisy hane ty agnanjombako ao, vaho tsapao amy zane Raho,'' hoe ty Yaveh Tompo ty maro, ''naho ty hamoha ty lalagny ty lagnitse aminareo Raho vaho magnily hasoava aminareo, amparake tsihisia ty tragno hasiagnaze sasa. ¹¹ Handrara mafe ze manimba ty volenareo Raho, mba tsy hanimba ireo ty volenareo. Reo volenareo ambaibo agne le hotombo,'' hoe Yaveh Tompo ty maro. ¹² ''Ty tane iaby hikaike anareo tihoe sambatse, lefa tane soa nareo,'' hoe Yaveh Tompo ty maro. ¹³ ''Nimafe tamiko ty rehagnareo,'' hoe Yaveh. ''Nareo nanao tihoe: ''Ino ro rinehagnay hanohetse Anao?'' ¹⁴ Nareo nanao tihoe: 'Tsy mete ty manompo an'Andragnahare. Ino ty zakasoa niazontika naho niambe reo fangatahanentika na nandeha tamim-pisaora teo agnatreha i Yaveh Tompo ty maro? ¹⁵ Ka amizao tika mikaike firehareha hoe sambatse. Tsy hovagno avao mpanao raty reo, famitspa an'Andragnahare vaho lomay vatagne.'' ¹⁶ Bakeo le nirehake reo ze natahotse an'Yaveh. Nifantoke soa ty Yaveh vaho nijano, vaho nisoratene tagnoloane eo ty boke fahatiarova momba reo ze natahotse an'Yaveh naho nagnomey voninahitse ty Agnarane. ¹⁷ ''Ho Ahike reo, hoe Yaveh Tompo ty maro, ''fanagnako sarobily, amy ty andro ze hiasako. Hamela aiereo Raho, manahake ty ndaty raike mamela ty anagne lahy zay manompo aze. ¹⁸ Le hampipitsike ty ndaty marene naho ty raty fagnahy draike nareo, amy reo ze manompo an'Andragnahare naho ty tsy manompo Aze.