1
Te ingo, hoavy ty andro, mae manahake fata, lafa lasa hindy reo mpirehareha naho mpanao raty iaby. Hoavy ty andro hahamae iareo, ''hoe ty Yaveh Tompo ty maro, ''hampipoke zane tsy hisy vahae naho torae zane.
2
Fa nareo ze matahotse ty agnarako, ty masoandro ty fahamarina le hiposake miarake amy ty fahasitragna egne amy reo elae. Hiboake nareo, hitrekatreka manahake tarabao bakao amy ty firohizane.
3
Amy ze andro zay le handialia ty raty nareo, lefa holavenoke ambone ty tombognareo agne iareo amy ty andro iasako, hoe ty Yaveh Tompo ty maro.
4
Tiarovo ty fagnara i Mosesy mpanompoko zay nomeiko aze tagne Horeba hoahy ty Israely iaby, reo lily naho lalana.
5
Ingo, hagnirake Elia mpitoky Raho aloha ty hahavia aze andro befoloay naho mampitahotse Yaveh.
6
Hampimpoly ty fo ty rae hoamy ty anagne Reke, vaho ty fo ty anagne hoamy ty babane, mba tsy hahaviako ka hamonoako ty tane amy ty faharava vatagne.''