¹ Ianareo mpisoro, ho anareo ty lily toy. ² "Naho tsy hijajy nareo naho tsy hametrake amponareo, mba hagnomea hasy ty agnarako nareo, "hoe te Yaveh Tompo ty maro. ''Handefa fatse aminareo Raho, sady hamatse ty hasoa Raho. Eka rie, fa namatse iareo Raho, naho ty tsy fanoa iareo ty liliko ampo iareo. ³ Ingo, hirehake mafe ty taranagnareo Raho, sady tsy himitse amity vatagnareo Raho.Zezeke amity fifaleanareo, hagnosotse anareo miarake amizay reke. ⁴ Le ho haiareo, te nandefa lily taminareo Raho, sady tifimeteako le mira aminareo levy, ''Hoe Yaveh Tompo ty maro. ⁵ Ty fifanenkeako tamine le fiaigna naho fiadagna, vaho nimeiko iareo reke; nimako tahotse reke, vaho natahotse Ahike reke, vaho nitsanga tamy tahotsr ty agnarako reke. ⁶ Fampianara marene ty tam-bavae egne, vaho tsy nisy diso tamy ty sogniegne. Niarake tamy mpiadagna naho tamy mpahamarina tamiko reke vaho niamboho ntamy ty fomba maro tamy ty ota. ⁷ Fa ty sogny ty mpisoro le tokone hanam-pahaiza vaho fkonolo tokone hipay fagnanara bakamine, satria mpinday hafatr' Yaveh Tompo ty maro reke. ⁸ ''Fa nareo niala tamy ty lala marene. Nahotogna ty maro tafitohy amy ty fanjaka ty lalagnareo. Nandika ty fanenkem-pihavagna ty Levy nareo,'' hoe ty Yaveh Tompo ty maro. ⁹ Naho zane Izaho avao kea, le fananao anareo hotsimisidikae naho raty eo amy ty fokonolo iaby, satria tsy nitandre ty lalako nareo, fakoa naneho fanavakavaha tamy ty fagnanara.'' ¹⁰ Tsy raike avao va ro antika iaby? Tsy Andragnahare avao va ro namboatse antika? Nanao akore tika ndaty kiraikiraike ro kele finoa amy ty rahalahine, magnaraty ty fanankea reo razantika? ¹¹ Joda le kele finoa. Raraha mamparihy ri tao amy Isrsely nsho ty tao Jerosalema. Fanagnaraty ty toera masign' Yaveh zay tene i Joda, ka nanambaly ty anakampela ty andragnahare hafa. ¹² Lonike ty Yaveh hampiala reo lay i Jakoba ze lahilahy nanao zay, aze nifoha naho aze namale, na le nanday soro hoahy Yaveh Tompo ty maro aza reke ¹³ Ataovonareo avao kea zao: Rakofanareo amy ty rano maso ty alitara Yaveh, amy ty tagny naho taray, satria reke le tsy mbo mitolike amy aze soro na mandrae zane amim-pankasitraha bakan-tagnareo. ¹⁴ Nareo manao tihoe: ''manao akore reke tsimanao zane?'' Satria Yaveh le vavaolom-belo taminareo eo naho ty valy tamy ty naha pamarake anareo, tamy zay naha kele finoa anareo io, na le mpiaradia aminareo na ty valiareo tamy ty alala ty fifanenke aza reke. ¹⁵ Tsy natamae horaike va iareo, miarake amy ty pilagny ty fagnahine? Ka nanao akore nareo ro nae horaike? Satria reke le nipay taranake baka amin'Andragnahare. Ka ambeno ao amy ty fagnahinareo ao ty vatagnareo, vaho aza tsy matoky ty valy ty hapamarakinareo. ¹⁶ ''Famalay ty fisaraha Raho, hoe Yaveh, Andragnahare Ysraely, ''vaho aze mandimboke ty lambae amy ty herene, ''hoe Yaveh Tompo ty maro. ''Ka ambeno amy ty fagnahinareo ao ty vatagnareo vaho ka kele finoa.'' ¹⁷ Nandreraka Yaveh amy ty rehagne nareo. Nareo nanao tihoe: ''Nanao akore ty nandrerahanay Aze?'' Tamy ty rehake hoe: ''Ze manao raty le soa eo imaso Yaveh, vaho mankasitrake aierero Reke,'' na tihoe: Aia ty Andragnahare ty fahamarena?''