¹ Reo fariseo sy gny mpanora-dalàgna sasany zay niavy agny Jerosalema ro niango nagnodidy azy. ² Sady nihitan-dreo mpianatsiny sasany nihina mofo tamy tagna tsy voalio,zany hoe, maloto. ³ Fa gny fariseo sy gny jiosy iaby tsy mba mihina laha tsy fa voalio gny tagnan-dreo fotony reo magnaraky gny fombafomba gny loholo. ⁴ Lafa mimpoly baka a bazary fariseo reo,tsy raha mihina laha tsy baka nandro.Maro koa gny fomba hafa tandreman-dreo ,manahaky gny fagnasa gny kapoaky sy gny famara,ary fanaky varahy,ary gny fandria hisakafoandreo. ⁵ Reo Fariseo sy Mpanora-dalàgna nagnontany agny Jesosy hoe:"Gnanano gny mpianatsy nao reo tsy magnaraky gny fomba gny loholo,fa mihina gny mofon-dreo amy tagna tsy voalio?" ⁶ ka hoy I tamy ndreo:" Isaia naminany soa gny momba anareo mpiatsaravelatsihy.Nanoratsy i hoe :"Itoy vahoaky toy magnaja ahy amy sominy avao,fa gny fony lavitry ahy. ⁷ Rava gny fivavaha atolotrin-dreo ahy,laha mampianatsy gny fitsipik'olombelo ho fampianara an-dreo. ⁸ Afoinareo gny didy Ndragnahary ka nitana nareo mare ny fombagn'olo. ⁹ Sady hoy I tamy ndreo:"Manao akory gny fagnaria nareo gny lilin-Dragnahary Mba hagnajanareo gny fomba-drazanareo! ¹⁰ Ka hoy mosesy :" Magnaja gny babanareo sy reninareo ,bakeo,zay mivola raty gny babany sy gny reniny ho maty vatany." ¹¹ Kanefa nareo mivola hoe:"Laha misy johary raiky mivola gny rainy na gny reniny hoe:" Na ino na ino teanao ho azo tamiko fa Morgana,'''(zany hoe:" Nomen-Dragnahary ." ¹² ka tsy enganareo hanao na na ino na ino amy gny rainy sy reniny koa i. ¹³ Magnafoa gny safa Ndragnahary nareo noho gny fomban-drazanareo zay nagnontania nareo. Maro koa raha manahaky agny zay ataonareo ." ¹⁴ Nikaiky gny vahoaky ndraiky i ka nivola tamy ndreo hoe:"Mijanjigna ahy nareo,ka ataovo nareo hay. ¹⁵ Tsy misy raha baka amonto agny militry agnatin'olo raiky ka handoto azy lafa tafilitry aminy ao.Fa zay miboaky agnaty gn'olo ro mampaloto azy." ¹⁶ [Gny fandika safa farany soa tsy magnisy gny andininy faha 16:Laha misy manan-tsofy hinjanjy,ao i hinjanjy.] ¹⁷ Lafa niala tamy vahoaky teo Jesosy ka nilitry an-tragno,la nagnotany mikasiky fagnohara igny mpianatrin'ireo. ¹⁸ Namaly Jesosy hoe:"Nareo koa va mbo tsy mana fahalala? Tsy hitanareo va raha iaby militry agnaty gn'olo baka amonto agny tsy raha mampaloto azy, ¹⁹ fotony tsy afaky militry am-pony agny fa an-kibony ao avao bakeo miboaky amy fiboaha?".Tamy gny fanambara zay ro nahavy gny hany iaby ho voalio hoy Jesosy. ²⁰ Hoy I hoe:" Zay miboaky baka amy gn'olo ro mampaloto azy. ²¹ Baka agnaty gn'olo,baka am-pony ao ro iboaha gny say raty,fahavetaveta,halatry sy gny famonoa olo. ²² Gny fijangajanga,fitsiririta ,haratiam-pagnahy,fitaky,finafonafoha,fialogna,vandy avonavo,hadala. ²³ Zay raha raty iaby reo ro miboaky baka agnaty gnolo,ka reo avao ro mampaloto azy." ²⁴ Niala teo I ka roso nandeha tagny amy gny faritry Tyro sy Sidona. Nilitry tamy tragno raiky I bakeo tsy teany ho haign'olo hoe tao I,kanefa I tsy afaky nivony. ²⁵ Niaraky tamizay nisy ampela raiky mana anak'ampela misy fanahy maloto,nahare gny momba azy ka niavy niankohoky tan-tombokiny teo. ²⁶ Grika ampela io,Syro-foinika gny fiaviany. Niangavy I mba hangala gny demonia hiala amy gnanak'ampelany io. ²⁷ Hoy I taminy:"Aoky homea hany aloha gny zaza.Fotony tsy mety gny mangala mofon-jaza ka magnatoraky azy ho agn' alika. ²⁸ Fe namaly I ka nanao taminy hoe:" Eka,Tompo,ndre gn'alika ambany latabatsy ao aza mba mitipo gny potipotipony amy mofon-jaza." ²⁹ Ka hoy I taminy:"Noho zay safanao zay, afaky mandeha iha.Fa niboaky tamy gnanak'ampelanao gny demonia." ³⁰ Lafa nimpoly tagny an-tragnony tao ampela igny is nahita gny zaza niroro tambony fandria,fa gny demony fa niala. ³¹ Jesosy niboaky draiky niala gny faritry Tyro,namaky an'i Sidona hatragny amy riaky gny Galilia ka niakatry gny faritry Dekapolisy. ³² Nandesin-dreo Taminy teo olo raiky maregny sady sahira lafa mivola,nitalaho Taminy reo mba hametrahany tagna aminy. ³³ Nanday any lehilahy igny nitoka niala amy fokonolo I,ka nametraky gny ratsan-tagnany tan-tsofiny I,lafa nandora I,nikasiky gny lelany. ³⁴ Niandrahandra lagnitry I,nisento ka nivola hoe:"Maharegnesa!" ³⁵ Betibetiky teo nahare gny sofiny,namehy gny lelany ka potiky ka afaky nivola mazava soa i. ³⁶ Jesosy nandrara an-dreo mba tsy hivolambola na amy nia na amy nia.Kanefa na norarany reo,vao maiky nahelin-dreo mbao mare kokoa. ³⁷ Tseriky tanteraky gn'olo,ka nivola hoe:"Nataony soa iaby gny raha iaby. Nataony nahare aza gny maregny,bakeo gny moa lasa nivola."