Toko faha 6
1
Nagnenga an'io toera io I ka namonjy gny tanindrazany, nagnaraky azy iaby gny mpianany.
2
Ka lafa niavy gny andro sabata nampianatry tao amy gny Synagoga I. Maro gny olo nahakasa azy ka tseriky reo. Hoy reo hoe:" ka bakaia gny nahazahoany gny fampianara reto iaby ?" Ino zao gny fahendrea nomea Azy zao?" Ino iaby gny fahagaga nataony tamy gny tana ndreo io?
3
Tsy lehy mpandrafitry igny io, lehy ananakin'i Maria rahalahin'i Jakoba, josesy, Jodasy, Simona ? Tsy miharo amintsika eto anabavindreo? Voa-fo tamin'i Jesosy reo.
4
Ka hoy Jesosy tamindreo hoe:'' Tsy misy mpaminany tsy omen-kaja laha tsy amy gny tanindrazany vo amy gny longony mariniky voho gny havorohotany raiky avao.
5
Tsy afaky nanao asa mahatseriky I laha tsy gny fametrahany tagna tamy gny marary kelikely voho nagnajanga andreo.
6
Tseriky amy gny tsy finoandreo I. Bakeo nandeha nagnodidy gny tana reo I hampianatsy.
7
Bakeo nikaiky andreo roambiny folo lahy I ka nanomboky nagniraky andreo tsy roa-droa, sady nagnome fahefa tamy gny fagnahy maloto reo,
8
ka nandidy andreo tsy handay ndre ino ndre ino amy gny liany, ndre mofo, ndre kitapo, ndre vola amy gny fehintsarotro ndre reo laha tsy gny tehiny igny avao
9
fe hanao kapa fa tsy hanao siky roa .
10
Hoy I tamindreo hoe:" Ndre ombia ndre ombia nareo militsy amy gny tragno raiky, mitoboha mandrampialanareo tagny.
11
Ka laha misy tana tsy mandramby anareo na mijanjy anareo, lafa miala amy gny toera zay nareo, ahintsagno gny bon-tany amy gny tombokinareo ho fitsanga vavolombelo amindreo
12
Roso reo ka nitory fa gny olo tokony hibebaky amy gny otany.
13
Nandroaky demonia maro reo, nagnositry menaky diloilo tamy gny marary maro be reo ka nahajanga andreo.
14
Kasan'i Heroda mpanjaka raha zay, fotony najary re-laza agnaran'i Jesosy. Gny sasany nivola hoe" Nitsanga tamy gny maty Jaona mpanao batisa ka miasa agnainy ao hery mahagaga reo.
15
Ka gny sasany koa nivola hoe :" Elia I". Gny sasany mbo nivola hoe " Mpaminany I, manahaky raiky amy gny mpaminany tamy gny andro taloha.
16
Ka lafa nahakasa koa Heroda hoy i hoe" Jaona, lehy nitapako loha igny ro nitsanga tamy gny maty."
17
Heroda ro nampisambotsy an'i Jaona ka nandefa azy an-tragno maiziky agny noho gny raharaha Herodiasy ( valin'i Filipo rahalahiny), fotony vinaliny gny ampela.
18
Fa i Jaona nivola an'i Heroda hoe:" Tsy to ngy lily gny hanambalianao gny valin'gny rahalahinao."
19
Ka neloky azy Herodiasy ka niremby gny hamonoa azy, kanefa tsy afaky
20
noho gny Heroda an'i Jaona hainy fa olo marina voho feno fahamasigna i, narovany i. Nanahiran-tsay azy gny fijanjigna azy, kanefa mbo nijanjy azy ampisinisinia i.
21
Bakeo nisy hiraky tamy gny fimpoliany tao naterahan'i Heroda ka nanao fagnasa hoany gny lehibeny voho reo mpifwhy voho reo mpitariky Galilia i.
22
Ka nilitsy gny efitragno fagnasa gnanakampela i Herodiasy sady nitsinjaky reo ka nampisinisiny an'i Heroda voho reo vahiny nasay tamy gny fihinana i. Hoy gny mpanjaka tamy gnanakampela hoe:" Angataho amiko gny raha iaby tianao fa hameako anao.
23
Ka nanao vava taminy i nanao hoe:" Ndre ino ro angatahinao amiko hameako anao hatramy gny fanjakako.
24
Ka niboaky i nivola tamin-dreniny hoe:" Ino gny tokony angatahiko aminy?" Ka hoy gny reniny hoe:" Gny kabeson'i Jaona mpanao batisa."
25
Teo no ho eo avao nimpoly tagny amy gny mpanjaka i, ka nangataky nanao hoe:: Gny tiako ameanao ahy hananiky zao ro ametrahanao ambony gny finga gny kabeson'i Jaona mpanao batisa"
26
Ndre nampalahelo mare gny mpanjaka raha zay ka tsy afaky nanda gny fangatahany i noho gny vava nataony voho gny vahiny nasainy tamy gny fisakafoa.
27
Noho zay nandidy miaramila raiky baka amy gny mpiamby mpanjaka ka nandidy azy handay gny kabeson'i Jaona ho aminy eo. Roso gny mpiamby ka nanapaky gny lohany t'antragno maiziky.
28
Nandesiny tagnabo gny finga gny kabeso ka nameany gny gnanakampelany, laha gny gnanakampela koa ro nagnome an-dreniny.
29
Ka lafa nahakasa gny mpianatriny niavy reo nangalaky gny vatany ka nandevy azy t'andolo tagny.
30
Nimpoly tamin'i Jesosy tagny apostoly regny ka nitantara gny raha iaby vitandreo sy gny nampianarindreo.
31
Ka hoy i tamindreo hoe:" Ndao tsika ho handea agn'efitry hangala morimoritry heky." Fa maro gny olo nivezivezy ka tsy nanam-potoa hinanan-kany iaby reo.
32
Ka nandeha sambokely reo mba ho agny amy gny tany avao.
33
Reo nahitandreo nandeha ka maro gny nahay andreo, niaraky nilomay an-tomboky baka an-tana iaby tagny reo, sady niavy talohandreo.
34
Lafa niavy tamoriny tegny reo, nahajilo olo maro I ka nahaferignay azy reo fa manahaky ondry tsisy mpiamby reo. Ka nanomboky nampianatry raha maro andreo I.
35
Lafa hariva gny andro nagnanto azy gny mpianatriny ka nisafa hoe:" Toera avao toy gny andro fa ho aliky sahady.
36
Alefaso reo mba handehanany agny amin'reo vohitry voho gny tana magnodidy hivily hany hoanindreo
37
Namaly I ka nanao tamin-dreo hoe:" Omeonareo raha hoany reo " Ka hoy koa reo taminy hoe:" Afaky mandeha sady mivily mofo azo gny denaria roanjato va rahay ka hagnome an'izay hoanindreo?
38
Ka hoy i tamin-dreo hoe:" Firy gny mofo anagnanareo? Ndehana ka enteo." Lafa hitany hoy reo hoe:" Mofo dimy voho hazandrano roa."
39
Ka nandidy gny olo iaby hifitaky mitsitokotoko amy gny akata maintso I.
40
Nifitaky antokony reo, toko zato voho dimampolo.
41
Nangalaky mofo voho hazandrano roa I, niandrandra gny lagnitsy nisaotry ka nizara gny mofo nanolotry tamy gny mpianatsiny mba homeo agnatreha gny olo. Nizarainy avao koa gny hazandrano roa hoandreo iaby.
42
Ka nihina iaby reo paraky havoky andreo.
43
Nalaindreo gny ambiny gny mofo mbo nahafeno roambinifolo haro milipolipo, manahaky an'izay avao koa gny hazandrano.
44
Nisy dimy arivo gny johary nihina gny mofo.
45
Teo noho eo avao nalefany niakatry an-tsambokely reo mpianany mba hisavalala azy egny andafiria, handrea a Betsaida, lafa nandefa gny vahoaky I.
46
Lafa nandeha reo, niakatsy tambohitsy tagny I mba hivavaky.
47
Avy gny hariva fa agnivon-driaky tegny gny sambokely fa i ro t'antety tegny.
48
Ka jeriny fa sahira mare reo mivehy gny sambokely azony nanohitry andreo mare gny tsioky . Sabony amy gny lera fiambena fahefatry hariva namonjy andreo i, nitsaky tegny ambony gny riaky ka nandalo mbamindreo mbeo I.
49
Ka lafa nahita azy nitsaky ambonin-driaky igny reo, ka nihevitry azy ho angatsy ka nikorakoraky reo,
50
nahita Azy ka azontahotry teo no ho eo I nivola tamindreo ka nagnambara hoe:" Matokisa! Zaho avao toy! Ka matahotry."
51
Nilitsy t'antsambokely niaraky tamin-dreo I ka nijano tsy nitsioky mare gny rivotsy. Angoay vatany reo.
52
Tsy takatsy gny saindreo gny dikany gny mofo. Fa nihanahery gny fondreo.
53
Lafa tafita reo, ka niavy tao Genesareta ka tao ro nitoby.
54
Lafa nizotso tagnaty gny sambokely reo ka tsy nahavahiny gnolo tao I,
55
ka hetrahetra nagnodidy gny faritsy iaby reo noho sady nanomboky nanday gny marary tamy gny fandreany tagny mba ho kasandreo gny misy Azy.
56
Ndre taia ndre taia gny nandehanany ndre ambanivohitsy ndre ampositsy, ndre tegny agnabo vohitsy maliniky ka napetrakindreo t'ankazava gny marary. Nangataky tamin-dreo mba hagnomezany hikasiky gny rambonakanjo, ka reo iaby ze nikasiky azy janga iaby .