¹ Niavy tampita gny riaky tegny reo, tao amy gny faritr'i Gerasena. ² Lafa niala baka amy gny sambokely Jesosy, nisy lelahy raiky azo gny fagnahy raty namonjy azy baka andolo eny. ³ Nifitaky t'andolo tegny johary io. Tsy nisy afaky nandramby azy koa, ndre tamy gny ravaky vy aza. ⁴ Voafatotsy matetiky tamy gny gadra vy sy ravaky vy . Nitinapakany iaby ravaky, laha potiky iaby gadra vy reo. Tsy nanan-kery nifehy azy. ⁵ Isaky haliky sy isan'andro, tandolo sy tantendrombohitry, nitoreotoreo i sady nandatsaky gnainy tamy gny vato maragnitsy. ⁶ Lafa nahita an'i Jesosy baka lavitry i, vango lay nandeha aminy eo, sady niankohoky talohany teo. ⁷ Sady nitoreo tamy gny feo mahery i hoe: "Ino moa ro ifandraisako aminao, Jesosy, gnanak'i Ndragnahary faratampony? Miangavy anao amy gny anaran'Ndragnahary raiky avao zaho, ka mampijaly ahy." ⁸ Fa i nivola taminy hoe: "Miboha amy gn'io johary io, ry fanahy raty." ⁹ Ka i nagnontany azy hoe: "Ia moa gny agnaranao?" ka namaly i hoe: "Legiona ro agnarako, fotony marobe zahay." ¹⁰ Sady niangavy mare taminy i tsy handroaky an-dreo iaby ambaliky gny faritry" ¹¹ Ka nisy andian-kosoa niakatsy tegny antendribohitsy, ¹² niangavy tamy ndreo i, nivola hoe: "alefaso amy gny kosoa reo zahay; engao zahay hilitry amindreo ao ." ¹³ Ka nengany iaby reo; sady niboaky iaby koa fanahy raty, nilitsy tamy gny kosoa iaby regny , sady vango lahy tagnaty hiviky tamorondriaky iaby, roa arivo hisaky teo gny isaky gny kosoa nimaty. ¹⁴ Nilay nandositsy gnazy namaha gny kosoa regny sady nitatitry gny raha niseho tamy gny tana teo voho gny tagny ambanivohitsy, maro gny olo niboaky nanenty gny raha niseho. ¹⁵ Bakeo reo nagnanto any Jesosy, ka nahitaky lelahy raiky nipetrahany devoly, gnazy raiky nipetrahan'gny legiona, nipetraky teo, nisiky sady vory say; ka navozo iaby reo. ¹⁶ Reo iaby ze nahitaky gny raha nahazo agn'ny lelahy raiky nipetsahan'ny devoly ro nitantara tamindreo iaby gny momba gny zay tamigny antsipirihany, ¹⁷ Ka nanomboky nangataky azy iaby mba hialany eo amy gny faritry dreo . ¹⁸ Lafa niakatsy tamy gny sambokely I, nangataky tamy gny johary nipetrahan'ny devoly mba hiaraky aminy. ¹⁹ Fa tsy neken'i Jesosy kanefa raha zay, fa nivola i hoe: "Mandehana moly amy gny tranonao sy gny fianakavianao ka tantarao andreo gny raha natao gny Tompo taminao" ²⁰ Nandeha noly i sady nanomboky nivola gny hasoava bevata ze nataon'i Jesosy tamigny ta Dekapolisy, ka tseriky aby gn'olo. ²¹ Ka lafa nandeha tampita tegny Jesosy, tamy gny sambo maliniky, nisy vahoaky maro nivory nagnodidy azy, lafa i ro tamorondriaky tegny. ²² Bakeo avy gny raiky tamindreo mpitariky gny synagoga, kahia amigny agnara hoe Jairo, ka laha vo nahitaky azy, la niantoraky tamign'ny tombokony teo. ²³ Nitalaho avao i, nivola hoe: "Marary fa magnaly ho maty gnanan-kampelako. Mangataky aminao aho, avia mba hametsaky tagna aminy mba ho janga sy ho velo i." ²⁴ Roso niaraky taminy I, ka vahoaky maro ro nagnaraky la nifanisiky nagnodidy azy. ²⁵ Ka nisy ampela raiky teo nafery tagnatin'ny roambinifolo tao. ²⁶ Nijaly be tokoa i, nitety mpitsabo maro , nandany gny haregnany iaby, nefa tsy nijanga fa vomaiky niharaty. ²⁷ Ka lafa nahakasa tatitsy iaby mahakasiky an'i Jesosy i, ka nivaliky tamboho gn'olo maro reo tao i ary nikasiky gny sikiny. ²⁸ Ka i nivola hoe: "Ndra mikasiky gny sikiny avao aho,laha fa janga." ²⁹ Lafa nikasiky azy i, nijanona gny feriny, ka renignainy soa fa janga tamy gny aretiny i. ³⁰ Hain'i Jesosy niaraky tamizay fa nisy tanjaky niala baka aminy. Nitoliky tamy gny fokonolo i ka nivola hoe: "Ia ro nikitiky gny sikiko?" ³¹ Ka namaly azy gny mpianany hoe: "jerinao reo vahoaky marobe iaby mifanisiky aminao reo, ka hoy anao hoe: "Ia ro nikitiky ahy." ³² ka nagnenty gny manodidy azy Jesosy mba hahitany gny nanao an'izay. ³³ Gnazy ampela nahay gny raha niseho taminy, natahotsy sy nangovitsy. Roso i ka niantoraky tagnoloa gn'i Jesosy ka nanambara taminy gny marina iaby. ³⁴ ka hoy Jesosy taminy hoe: "Anaky, gny finoanao ro nahavonjy anao. Mandehana amy gny fiadagna ka ho janga amy gny aretinao.". ³⁵ Laha mbo nivola i, niavy gny olo sasany bakagny amy gny mpitariky gny synagoga, nivola hoe: "Fa maty gnanakinao. Nagnino ro mbo manahira gny mpampianatsy avao? ³⁶ ka lafa nahakasa gny raha nivolagnindreo Jesosy, ka hoy i tamy gny mpitariky gny synagoga hoe: "Ka mataotsy, minoa avao." ³⁷ Ka tsisy nengagny hiaraky aminy, laha tsy Petera, voho Jakoba, sy ro Jaona, rahalahin'i Jakoba. ³⁸ Niavy tantragno gny mpitariky gny synagoga reo ka nahita olo nitabataba teo i; nitomagny no nitabataba mare reo. ³⁹ Lafa nilitsy gny tragno I, ka hoy I tamindreo hoe: "Nagnino nareo ro mitabataba sy mitomagny? tsy maty gny zaza fa miroro. ⁴⁰ Nihomezandreo I. Nefa naboakiny amonto agny reo iaby sady nangalaky gny babany sy gny neny gny zaza voho reo niaraky taminy, ka nilitsy tantragno nisy agn'ny zaza igny I. ⁴¹ Rinambigny gny tagna gny zaza igny no sady nivola taminy hoe: "Talita, Komy!" laha laha avaliky: "Ry gnanaky ampela, mivola aminao aho, miongaha." ⁴² Bakeo tafahongaky gny agnaky ampela ka nandeha (satria roa ambin'ny folo tao i). Tseriky reo. ⁴³ Niraràny reo mba tsy hisy ndre ia ndre ia hahay gny mahakasiky agny raha io. Bakeo de nivola i hoe omeo hany agnaky ampela io.