¹ Niboaky gny tempoly Jesosy sady nandeha. Namondry Azy mpianatriny reo mba hanoro Azy gny rafitry gny tempoly. ² Nefa namaly I sady nivola tamy ndreo hoe: "Tsy hitanareo va reo raha iaby reo? Volaniko marina aminareo, tsy hisy vato ho ravela amy gny raiky laha zay tsy ho rava." ³ Laha nipetraky tan-tendrombohitr'Oliva I,namonfdry Azy moramora reo mpianatriny sady nivola hoe: "Volano agnay, ombia reo raha iaby reo to miseho? Ino ro famantara gny fiavianao sy gny fara-andro?" ⁴ Namaly Jesosy sady nivola andreo hoe: "Mitaoa mba tsy hisy hamitaky gnareo." ⁵ Fa ho maro gny ho avy amy gny agnarako. Sady hivola reo hoe: 'Zaho ro Kristy,' sady maro ro ho voafitaky. ⁶ Hare aly sy tatitr'aly gnareo. Mitaoa mba tsy hitebiteby gnareo, fa tsy maintsy hiseho izay raha iaby zay; nefa tsy mbo avy gny farany. ⁷ Fa hisy firenena hitsanga hanohitry firenena, voho fanjakana hanohitry fanjakana. Hisy mosary sy horohoron-tany amy gny toera samby hafa. ⁸ Nefa izay raha iaby zay ro fanomboha gny fangotrokotroky gny fiteraha avao. ⁹ Ka homen-dreo ho amy gny fahoria gnareo sady ho vonoy. Ho hala gny firenena iaby gnareo noho gny agnarako. ¹⁰ Sady maro gny hisitry, voho hifamadiky sy hifankalay gny tsiraikiraiky. ¹¹ Mpaminany sandoky maro ro hitsanga ka hamitaky olo maro. ¹² Satria gny faharatsia ro hitombo,sady hihamangatsiaky gny fitiava gny maro. ¹³ Fa gnazy raiky zay miaritry hatramy gny farany ro ho voavonjy. ¹⁴ Ity gny safa soa gny fanjaka ty ro ho toria eraky gny zao tontolo zao ho vavolombelo amy gny firenena. Bakeo ro ho avy gny farany. ¹⁵ Noho zay, laha mahita gny fahavetaveta gny fandrava gnareo, izay nivolanin'i Daniela mpaminany, hitsanga eo amy gny toera Masi gnareo" (ao gny mpamaky mba hahatakatry), ¹⁶ "Ao reo zay a Jodia agny handositry ho an-bohitry agny, ¹⁷ ao zay an-tampo trano ao tsy hijotro hangala raha baka an-tranony ao, ¹⁸ sady ao zay an-tsaha agny tsy himpoly hangala siky. ¹⁹ Fa loza ho agn'ireo zay bevoka sy mapinono amy zay andro zay! ²⁰ Mivavaha mba tsy ho amy gny manintsy gna amy gny Sabata ro hiseho gny fandosiranareo. ²¹ Fa hisy fahoria bevata, izay tsy mbo hisy manahaky izay nanomboky am-panombohan'izao tontolo zao mandraky henany zao, aha, sady tsy hisy koa. ²² Laha tsy afohezi reo andro reo, tsy hisy vata ho vonjea. Fa noho gny olo voafily, ro hamoheza andro reo. ²³ Ka laha misy olo mivola agnareo hoe: 'Intoy, ity gnazy Kristy' na 'Indroy gnazy Kristy' ka mino izay. ²⁴ Fa gny kristy sandoky sy gny mapminany sandoky ro ho avy sady hampiseho famatara bevata sy raha-mahatseriky, mba hamitaky, laha azo atao, eka fa gna reo olo vofily aza. ²⁵ Intoy, fa nivolaniko anareo mialoha gny fotoa. ²⁶ Noho izay, laha mivola agnareo reo hoe: 'Indroy, an-efitry agny I,' Ka mandeha agny an-efitry. Gna hoe: 'Indroy, anaty efitrano agny I' ka mino izay. ²⁷ Fa manahaky gny varatry zay mitselatry baka antinana ka mazava avy andrefa agny, manahaky zay gny fiavia gny Agnak'Olo. ²⁸ Gna ai gna ai misy biby maty, agny ro hivoriany gny votoro. ²⁹ Sady laha vao afaky gny fahoria amy reo andro reo ka ho maiziky gny masoandro, tsy hanome gny hazavany gny vola, hilatsaky baka an-danitry agny gny basia, sady hihozongozo gny hery gny lanitry. ³⁰ Bakeo hiseho amy gny lanitry egny gny famantara gny agnak'Olo, sady gny foko iaby anabo gny tany hisao. Hahita gny Agnak'Olo ho avy amy gny raho gny lanitry miaraky amy gny hery sy voninahitry bevata I. ³¹ Handefa reo anjely I miaraky amy gny feo trompetra mare, sady hanango gny olo voafily avy amy gny vazan-tany efatry reo, manomboky amy gny faravodilanitry ka hatramy gny hafa. ³² Mianara gny lesona baka amy gny aviavy. Laha vatany vo matoy gny sampana sady mamoaky gny raviny, ataovo hay fa mariniky gny asara. ³³ Manahaky izay koa, laha mahita izay raha iaby izay gnareo, tokony ho hainareo fa mariniky I, eo amy reo vavahady mihintsy. ³⁴ Volaniko aminareo marina, fa tsy ho lany ty taranaky ty mandraky isehoan'izay raha zay. ³⁵ Tsy hisy koa gny lanitry sy gny tany, fa gny safako ro tsy mba ho levo mandrakizay. ³⁶ Kanefa gny mahakasiky izay andro sy ora zay ro tsy misy mahay, gna gny Anjeli gny lanitry aza, gna gny Agnaky lahy, fa gny Baba avao. ³⁷ Manahaky tamy gny andron'i Noa,manahak'izay avao koa gny fiavia gny Agnak'Olo. ³⁸ Fa manahaky tamy gny andro mialoha gny safo-drano ro nihina sy nino reo,nanambaly sy nampiakatry mandra-pihaviny gnazy andro nidiran'i Noa tao anaty sambo, ³⁹ sady tsy nahay gna ino gna reo mandra-pihaviany gny safo-drano ka nandripaky andreo iaby, manahaky izay gny fiavia gny Agnak'Olo. ⁴⁰ Bakeo hisy lehilahy roa an-tsaha egny, gny raiky ho raisy, fa gny raiky ho enga. ⁴¹ Ampela roa mandisa vary, gny raiky ho raisy,gny raiky ho enga. ⁴² Noho izay ka miambena, fa tsy ho hainareo izay andro hiavia gny Tomponareo. ⁴³ Ataovo hay zao, laha hay gny tompon-trano hoe amy gny firy aliky ro hiavy gny mpangalatry, ka ho naimby I sady tsy nengany gny tranony ho vaky. ⁴⁴ Noho izay ro tsy maintsy mivono avao koa gnareo, fa ho avy gny Agnak'Olo amy gny lera tsy ampoizinareo. ⁴⁵ Ka ia moa gnazy mpanompo mahatoky sy hendry zay notendre gny tompony hanapaky gny fianakaviany mba hanomeza azy reo gny hany ndreo amy gny fotoa mety? ⁴⁶ Sambatry izay mpanompo izay, zay hiata gny Tompony fa manao izay lafa avy I. ⁴⁷ Volaniko aminareo marina fa gny tompony no hanapaky azy ho anambo gny raha iaby izay ananany. ⁴⁸ Ka laha misy mpanompo raty mivola am-pony hoe: 'Ela fiavy gny tompoko,' ⁴⁹ ka manomoboky mamono reo manompo namany, sy mihina voho mino miaraky amy reo mpimamo; ⁵⁰ ho avy gny tompony gnazy mpanompo amy gny fotoa zay tsy ampoiziny voho amy gny lera zay tsy hainy. ⁵¹ Ka ho tapatapahy gny tompony I sady ho ataony manahaky reo mpihatsaravelatsy gny anjarany, izay hisy gny fitania sy gny fanenkera-hy.