¹ Nivola tamy gny fanohara tamy ndreo ndraiky Jesosy, nanao hoe: ² "Gny fanjaka gny Lanitry ro mitovy amy gny fanjaka izay nanomana fanasana amy gny fampakaram-baly ho agny gny agnaky lahy. ³ Gnaniraky reo mpanompony hikaiky reo zay nahazo fanambara hanatriky gny fety to-baly I, fa tsy nety ho avy reo. ⁴ Nandefa reo mpanompony hafa ndraiky gny mpanjaka, manao hoe: "Volano reo zay nanambara hoe: 'Henteo, fa namboariko gny hany. Fa novonoiko gny omby sy gny agnak'omby mifahako, sady fa vonona gny raha iaby. Miavia ao amy fety gny to-baly ao."' ⁵ Fe tsy nahondreo sady nandeha reo,gny raiky namonjy gny fiompiany, gny hafa tamy gny varotriny. ⁶ Sasany amy ndreo nisambotry agny mpanompo gny mpanjaka reo, nangala baraka azy reo, sady namono azy reo. ⁷ Nasiaky mpanjaka ka naniraky miaramilany, sady namono mpamono olo reo I, sady nandoro gny tanany. ⁸ Bakeo nivola tamy reo mpanompony I hoe: 'Fa vonona gny to-baly, fa reo zay nanambara ro tsy mendriky. ⁹ Noho izay mandehana amy fgny sampanan-dalambe sady manambara olo maro araky zay hitanareo ho ao amy gny fety gny to-baly io.' ¹⁰ Nandeha niboaky tan-dalam-be tegny mpanompo regny sady gnanambatry gny olo iaby zay hita ndreo, na gny soa gna gny raty. Noho izay feno vahiny gnazy efi-trano bevata nisy gny fampiakaram-baly . ¹¹ Ka lafa nilitry mpanjaka mba hijery reo vahiny, nahita johary tsy nisiky ankajo fandesy amy gny to-baly I. ¹² Nivola taminy mpanjaka hoe: 'Namako, ino iliranao ato tsy miaraky amy gny fisiky fandesy amy gny to-baly?' tsy nahavola johary igny. ¹³ Bakeo nivola tamy reo mpanompony mpanjaka hoe: 'Fehezo tagnany voho gny tombokiny ity johary ty, sady atoraho amy gny maiziky agny amonto I, agny ro misy fitania sy fanekera hy.' ¹⁴ Fa olo maro nikehy, nefa kelikely ro ho voafily. ¹⁵ Bakeo nandeha reo fariseo sady nanoma gny fomba mety hamandriha agn'i Jesosy amy zay raha nivolaniny zay. ¹⁶ Bakeo nirahindreo handeha Aminy agny mpianatry ndreo reo, niaraky tamy gnany Herodiana. Nivola tamin'i Jesosy reo hoe: "Ry mpampianatry, hainay fa marina Anao, sady mpampianatry gny lily Ndragnanahary amy gny marina. Tsy anananao asa gny hevitry gny hafa, sady tsy mijery milinga. ¹⁷ Noho izay volano aminay, ino hevitrinao? Ara-dala va gny fandoava hetra agny amin'i Kaisara sa tsia?" ¹⁸ Nefa azon'i Jesosy gny faharatia ndreo ka nivola hoe: "Nahoa no mitsapa ahy gnareo, ry mpihatsaravelatsihy? ¹⁹ Amboaho Ahy gny farantsa amy gny hetra." Nanday denaria taminy reo. ²⁰ Hoy Jesosy tamy ndreo hoe:"Agn'ia ty sary sy agnara ty?" ²¹ Nivola taminy reo hoe: "Agn'i Kaisara." Bakeo Jesosy nivola andreo hoe: "Omeo agn'i Kaisara ze agn'i Kaisara, voho agn'Andriagnanahary ze agn'Andriagnanahary." ²² Lafa re ndreo izay, ka tseriky. Sady niala teo Aminy reo ka nandeha. ²³ Tamy zay andro zay avao gny Sadoseo sasany, reo zay nivola fa tsy misy fitsangana amy gny maty, gnamondry Azy. Gnanontany Azy reo, ²⁴ nanao hoe: "Ry mpampianatry, Mosesy nivola hoe: 'Laha maty gny olo, tsy mana agnaky, ka tokony hanambaly gny valiny gny rahalahiny sady hanan-agnaky ho agn'ny rahalahiny. ²⁵ Gnisy mpirahalahy fito. Gnanambaly gny voalohany ka maty bakeo. Roso tsy nanenga agnaky, nengany ho agn'ny rahalahiny gny valiny. ²⁶ Bakeo gnanao raha mitovy amy zay gny faharoa, bakeo gny fahatelo, manahaky zay avao hatramy raiky rahalahy fahafito. ²⁷ Tafara gny raha iaby reo,maty ampela igny. ²⁸ Ka amy gny fitsangana gny maty, ho vali gnia amy reo mpirahalahy fito I? Fa gnanambaly azy iaby reo." ²⁹ Fa namaly Jesosy sady nivola azy reo hoe: "Diso gnareo, satria tsy mahay gny Soratry Masina gna gny Herin-Dragnanahary. ³⁰ Fa amy gny fitsangana gny maty ro sady tsy hanambaly reo no tsy omea ampakary. Fe koa, mitovy amy reo anjely an-danitry agny. ³¹ Ka mahakasiky gny fitsangana gny maty, mbo tsy novakianareo va zay nosafan-Dragnanahary taminareo, manao hoe: ³² "Zaho ro Andriamanitr'i Abrahama, Andriamanitr'Isaka, sady Andriamanitr'i Jakoba? Andriamanitry de tsy Andriamanitry gny maty, fa agn'gny velo." ³³ Lafa nahare izay reo vahoaky, ka tandre tamy gny fampianarany. ³⁴ Ka lafa kasa gny reo Fariseo gny nampantsintsinan'i Jesosy gny Sadoseo,ka niaraky nivondro reo. ³⁵ Gny raiky tamy ndreo, mpahay lalana, nametra-panontania taminy, nangala fanahy Azy hoe: ³⁶ "Nao mpampianatry, ia ro bevata mare amy gny lily ao amy gny lalana?" ³⁷ Nivola taminy Jesosy hoe: "Tiavo amy gny fonareo iaby, amy gny fanahianareo iaby, voho amy gny sainareo iaby gny Tompo Andriamanitry nareo." ³⁸ Izay ro didy bevata sy voalohany. ³⁹ Sady gny didy faharoa mbo manahaky izay avao: 'Tiavo gny mpiara-belo aminareo manahaky gny vatanareo.' ⁴⁰ Amy reo didy roa reo ro iankina gny lalana iaby sy reo mpaminany." ⁴¹ Sady laha mbo niara-nivondro reo Fariseo, nametra-panontania azy reo Jesosy. ⁴² Hoy I hoe: "Ino ro eritreritry nareo momban'i Kristy? Agnaky lahin'ia I ?" Nivola tamy reo hoe: "Agnak'i Davida." ⁴³ Hoy Jesosy tamy ndreo hoe: "Nahoa sady Davida mipetraky ao amy gny Fanahy ro miakaiky Azy hoe Tompo, manao hoe: ⁴⁴ "Gny Tompo nivola tamy gny Tompoko hoe: 'Mipetraha eo amy gny tanan'ankavanako mandra-panaovako gny fahavalonao ho fipetrahan-tombokinao?' ⁴⁵ Laha Davida aza nikaiky agn'i Kristy hoe: 'Tompo,' nahoa no maha agnak'i Davida Azy?" ⁴⁶ Tsy nisy nahavaly Azy tamy gny safa, sady tsy nisy olo nahasaky nametra-panontania hafa koa nanomboky tamy zay andro izay.