¹ Lafa gnamondry agn'i Jerosalema Jesosy sy gny mpiantriny ka nandeha ao Betifaga, agny an-dohambohitr'i Oliva, nandefa mpianatry roa Jesosy, ² nivola tamy ndreo hoe: "Mandehana ao amy gny vohitry manaraky ao, fa eo no eo gnareo ro hahita boriky mifatotry voho agna-boriky raiky miaraky aminy. Vahao reo sady andeso aty amiko. ³ Laha misy mivola aminareo momba izay, volano hoe: 'Misy ilany gny Tompo azy reo,' sady eo no eo izay olo izay ro hnadefa azy reo miaraky aminareo." ⁴ Niseho raha zay mba hahatanteraky izay nambara tamy gny alala gny mpaminany. Hoy I hoe: ⁵ "Agnambarao gny agnaky ampelan'i Ziona hoe: 'Indroy, gny Mpanjakanao mamondry anao, Manetry tena sady mitengy boriky agna-boriky lahy."' ⁶ Bakeo roso reo mpinatry sady gnanao arak'izay nandidian'i Jesosy azy reo. ⁷ Nandesin-dreo ampondra sy agna-boriky sady nametraky gny siky ndreo taminy teo, ka nipetraky taminy siky igny Jesosy. ⁸ Gny ankamaroa gny vahoaky namelatry gny sikiny tamy gny tany, voho reo hafa nanapaky sampan-kazo sady nanaparitaky izay tamy gny lala. ⁹ Bakeo reo vahoaky nialoha agn'i Jesosy sy reo zay gnanaraky azy nimenimeny hoe: "Hosana ho agny gny agnak'i Davida! Isaora raiky avy amy gny agnara gny Tompo! Hosana agny amy gny anabo mare!" ¹⁰ Lafa nilitry tao Jerosalema Jesosy, nitoreo tana raiky gnanao hoe: "Ia moa io?" ¹¹ Gny vahoaky namaly hoe: "I ro Jesosy gnazy mpaminany baka agny Nazareta agny Galilia." ¹² Bakeo nilitry tao an-tempoly Jesosy. Niroasiny iaby reo mpivanda sy mpivarotry tao an-tempoly, sady navalikiny latabo gny reo mpanakalo vola sy gny fipetraha gny reo mpivarotry voromailala. ¹³ Hoy I tamy ndreo hoe: "Fa voasoratry hoe: 'Gny tranoko ro hikehy hoe trano fivavaha,' kanefa ataonareo kizo fipetraha gny jiolahy." ¹⁴ Lafa bakeo gnisy goa sy kolitraky gnamondry Azy tao an-tempoly, ka nositraniny rozy reo. ¹⁵ Ka nony nahita gny raha mahatseriky nataony gny lehibe gny mpisoro sy gny mpanora-dalana, sady lafa ren-dreo gny zaza maliniky nitabataba tab-tempoly hoe: "Hosana ho agny gny agnak'i Davida," nasiaky mare reo. ¹⁶ Hoy reo taminy hoe: "Renareo va izay safa gny reo olo reo?" Namaly azy reo Jesosy hoe: "Eka! Fe tsy mbo novakinareo mihintsy va gny hoe: 'Baka amy gny vava gny zaza maliniky sy gny zaza minono ro nanaova soa gny fidera?"' ¹⁷ Bakeo nanenga azy reo Jesosy ka nandeha tany amy gny tanan'i Betania sady nipetraky aliky tao. ¹⁸ Sady lafa maraindray laha nimpoly tany an-tana I, nimosary. ¹⁹ Nahita hazo gny aviavy tamy sisin-dala teny, namondry teny I sady tsy nahita gna ino gna ino teo afa-tsy gny raviny. Hoy I taminy hoe: "Aoka tsy hisy vihy sasy koa baka aminao mandrakizay," sady niaraky tamy zay ro nihamaiky aviavy igny. ²⁰ Lafa nahita anizay mpianatry reo ka tseriky sady nivola hoe: "Nanino tonga de nahamaiky agn'ity aviavy ity?" ²¹ Namaly Jesosy sady nivola azy reo hoe: "Volaniko marina aminareo, laha manam-pinoa sy tsy misy fisalasala gnareo, tsy izay natao tamy reo aviavy io avao ro hatanareo, fa gna hivola amy gny vohitry ty aza hoe: 'miombota sady mivarina an-driaky agny,' ka ho atao izay. ²² Gna ino gna ino angatahinareo am-bavaky, am-pinoa, ho azonareo." ²³ Igny nilitry tao an-tempoly Jesosy, gnamondry Azy gny lehibe gny mpisoro voho gny zokiolo laha nampianatry I sady nivola hoe: "Fahefa bakaia moa ro anaovanao regny raha regny, sady ia ro nanome agnao izay fahefa izay?" ²⁴ Namaly Jesosy sady nivola tamy dreo hoe: "Hametrahako fanontania raiky avao gnareo. Ka laha volaninareo amiko, ho volaniko aminareo gny fahefa anaovako agny regny raha regny. ²⁵ Gny batisan'i Jaona__bakaia ro niaviany? Baka an-danitry agny sa tamy gny olombelo?" Nialy hevitry reo, nanao hoe: "Laha mivola tsika hoe: 'Baka an-danitry agny,' I hivola amy tsika hoe: 'Fa nahoa gnareo ro tsy mino azy?' ²⁶ Fa laha mivola tsika hoe: 'Tamy gny olombelo,' mataotry gny vahoaky tsika, satri reo iaby mihevitry agn'i Jaona manahaky gny mpaminany." Ka namaly agn'i Jesosy reo ka nivola hoe: "Tsy hainay." ²⁷ Sady hoy avao koa I tamy ndreo hoe: "Zaho koa tsy hivola aminareo hoe bakaia gny fahefa anaovako agny regny raha regny. ²⁸ Ka manao akory gny hevitry nareo? Gnisy johary raiky nana agnaky roa lahy. Nandeha amy raiky volaohany i sady nanao hoe: 'Anaky, mandehana miasa agny amy tanim-boaloboky androany.' ²⁹ Namaly azy agnaky lahiny hoe: "Tsy ho agny aho," fa bakeo niova hevitry I ka nandeha avao. ³⁰ Bakeo nandeha amy raiky faharoa I sady nivola manahaky anizay avao koa. Namaly i ka nivola hoe: "Ho agny aho, tompoko,' nefa tsy nandeha I. ³¹ Ia tamy reo agnakiny reo ro nanao gny sitrapo gny babany?" Hoy reo hoe: "Gnazy voalohany." Jesosy nivola azy reo hoe: "Volaniko marina aminareo, gnazy mpamory hetra sy reo mpivaro-tena ro hilitry gny Fanjaka gny Andriagnanahary alohanareo. ³² Fa Jaona gnamondry anareo tamy gny fahamarina, fe tsy nino azy gnareo. Fa reo mpamory hetra sy mpivaro-tena nino azy. Fa gnareo, na nahita izay, tsy nibebaky sy tsy nino azy. ³³ Kasao ty fanohara raiky ty. Gnisy lehilahy raiky,tompo tany. Nanao tany boaloboky I, novalany izay, nandavahany famiaza tanatiny tao, nananganany tilikambo, sady nampanofainy tamy reo mpamboly volaoboky. Bakeo nandeha tamy tany hafa I. ³⁴ Noho nariniky gny taom-pahavokara, naniraky gny sasany tamy reo mpanompo I ho agny amy reo mpamboly voaloboky hangala gny vokatry. ³⁵ Fa nosambori-ndreo mpamboly voaloboky reo mpanompony, nivangoiny gny raiky, novonoiny gny hafa, mbo nitorahiny vato gny hafa. ³⁶ Mbo nandefa mpanompo hafa ndraiky gnazy tompon-tany, maro noho gny tamy gny voalohany, fa nataon-dreo manahaky izay avao koa. ³⁷ Tafarany zay,nanitraky gny agnakiny lahitoka tany amin-dreo gny tompon-tany, nivola hoe: "Hanaja agny agnako reo." ³⁸ Ka lafa nahita gnazy agnaky lahy igny mpamboly voaloboky reo, nifampiresaky reo hoe: "Ity ro mpandova. Ndao, ho vonointsika I sady ho alaintsika lovany." ³⁹ Noho izay nosamborin-dreo I, natoraky tao anatiny tanim-boaloboky sady novonoy. ⁴⁰ Lafa avy gny tompo gny tanim-boaloboky,ino ro ho ataony amy reo mpamboly voaloboky?" ⁴¹ Hoy reo taminy hoe:"Ho ringany amy zay fomba marei didiky reo olon-doza,sady bakeo hampanofainy amy reo mpamboly voaloboky hafa gny tanim-boaloboky,olo hanome azy gny anjara voliny amy gny fotoam-pahavokara." ⁴² Jesosy nivola tamy ndreo hoe: "Tsy mbo namaky gny Soratry Masy mihintsy va gnareo hoe: 'Gny vato nandana gny mpanao trano ro natao vato fehizoro. Baka amy gny Tompo izay, sady mahatsetiky eo imasontsika'? ⁴³ Noho izay volaniko aminareo, halay aminareo gny fanjakan'Andriamanitry sady hatolotry gny firenena izay mamokatry reo vihiny. ⁴⁴ Gna ia gna ia ro lavon'io vato io ho potipotiky. Fa izay hilatrahany koa ho ravarava." ⁴⁵ Lafa nahare reo fanohara reo gny liehibe gny mpisoro sy reo Fariseo, ka azony ndreo fa mahakasiky andreo resaky igny. ⁴⁶ Nivetsivetry gny hisambotry Azy, nefa natahotry reo, satria nataon'olo ho mpaminany I.