¹ Enin'andro tafara tatoy Jesosy nangala any Petera, Jakoba voho Jaona rahalahiny niaraky tamny sady nanday azy niakatsy gny tendrombohitsy abo tany gnaindreo. ² Niova endriky talohandreo. Namiratsy nanahaky gny masoandro gny vatany sady gny sikiny lasa namiratsy nanahaky gny hazava. ³ Intia, niseho tamindreo Mosesy sy Elia niresaky taminy. ⁴ Namaly Petera sady nanao tamy Jesosy hoe: "Tompo, soa amintsika gny eto. Laha sitrakinao, hanao fialofa telo ho antsika eto zaho__ raiky ho gnanao, raiky hoany Mosesy, raiky hoany Elia." ⁵ Laha mbo nivola I, intia nisy raho mazava nagnaro andreo, ka nisy feo niboaky baja amy raho nanao he: "Toy gnanako malalako zay sitrako tokoa. Janjigno I." ⁶ Lafa nireny mpianatsy reo zay, lavo reo sady navozo mare. ⁷ Bakeo niavy Jesosy ka niakasiky andreo sady nivola hoe: "Mitsangana ka matahotsy." ⁸ Bakeo nijery ambony reo fa tsy nahita na ia na ia laha tsy Jesosy raiky avao. ⁹ Laha nijotso gny tendrombohitsy reo, nandidy andreo Jesosy nanao hoe: "Ka mitatitsy any fahita zao na aminia na aminia laha tsy fa mitsanga amy mata gny gnanak'olo." ¹⁰ Nagnontany andreo mpianatsiny nanao hoe: "Nagnino araky gny mpanora-dily ro mivola fa Elia tsy maintsy ho avy aloha?" ¹¹ Jesosy namaly sady nivola hoe: "Elia ho avy tokoa sady hagnampoly amy klaonini gny raha iaby. ¹² Nefa ambarako aminareo fa fa niavy Elia, fa reo tsy nahay azy. Mifanohitsy aminizay, nanao gny raha iaby zay tiany natao tamindreo. Nanahaky anizay avao koa, gny gnanak'olo avaokoa hijaly an-tagnandreo. ¹³ Bakeo azony mpianatsy reo fa niteny tamindro gny momba an'i Jaona mpano batisa I. ¹⁴ Lafa niavy tamy vahoaky rozy, nisy johary raiky namonjy Azy, nandohaliky talohany sady nivola hoe:" ¹⁵ Tompo, managna famindrampo amy gnanakilahiko fa tratsiny androbe I sady mijaly mare. Lavo matetiky agnaty afo na rano I. ¹⁶ Nanday azy taminy mpianatsinao teo aho fa tsy afaky magnajanga azy rozy." ¹⁷ Namaly Jesosy sady nivola hoe: "Ry taragnaky tsy mpino sady sinba toetsy, ombia ro tokony hipetsahako miaraky aminareo? Ombia ro tsy maintsy hiaretako miaraky aminareo? Andeso amiko eto I." ¹⁸ Nivola mre gny demonia Jesosy ka niboaky taminy zay sady janga taminy fotoa zay anakilahy igny. ¹⁹ Nagnanto any Jesosy mangingina mpianatsy regny ka nanao hoe: "Magnino ro tsy nahavita namoaky anigny zahay? ²⁰ Jesosy niteny andreo hoe: "Noho gny tsy finoakelinareo. Ambarako aminareo marina tokoa, laha mana finoa na kelikely manahaky gny voatsinampy aza nareo, afaky mivola aminy tendrombohitsy ty nareo hoe: 'Mifaloa baketo ho etia,' ka hifalo zay sady tsy hisy na ino na ino tsy ho hainareo atao. [Fagnamariha: gny dikan-tsafa taloha soa mare tsy ahita gny hoe:" ²¹ Fa toy karazany devoly toy tsy miboaky laha tsy miaraky amy vavaky sy fifandihan-kany."] ²² Laha nipetsaky ta-Galilia rozy, hoy Jesosy taminy mpianatsiny reo hoe: "Gny gnanak'olo hatolotsy antagnan'olo, ²³ sady reo hamono Azy ka gny andro fahatelo I ro hitsanga." Lasa nalahelo tanteraky mpianatsiny reo. ²⁴ Lafa avy tagny Kaperinaomy reo,nandeha amin'i Petera reo lehilahy zay namory gny hetra antsasaky gny sekely sady nivola hoe: "Tsy mandoa hetra antsasaky gny sekely va mpampianatry nareo?" ²⁵ Hoy reo hoe: "Eka." Fa lafa nilitry tan-trano tao Petera, Jesosy ro niresaky taminy aloha ka nanao hoe: "Ino ro eritreitrinao,nao Simona? Reo mpanjaka an-tany eto, baka amin'ia ro embenan-dreo hetra na hetran'olo? Baka amy reo vahoaky va sa baka my reo vahiny?" ²⁶ Lafa nivola Petera hoe: "Baka aminy vahiny reo," Jesosy namaly tagnaminy hoe: "Afaky amy fandoava anizay vahoaky reo. ²⁷ Fa mba tsy hampagnotantsika gny mpamory hetsa, mandehana amy ranomasy egny, manipaza fitana ao ka alao gny fia ze miakatsy voalohany. Lafa voasokatsinao gny vavany, hahita sekey iha. Alao zay ka ameo mpamory hetsa reo, ho ahy sady ho gnanao."