¹ Niavy Fariseo voho gny Sadoseo sady nitsapa Azy ka nangataky Azy mba hampiseho andreo famantara baka an-dagnitsy. ² Namaly I sady nivola hoe: "Lafa haly, hoy nareo hoe: 'Ho soa gny andro fa mena gny lanitsy.' ³ Lafa maraindray, hoy nareo hoe: 'Ho raty gny andro, fa mena sady manjombo gny lagnitsy.' Hainareo gny mamantatsy endriky gny lagnitsy, nareo tsy afaky mandika famantara gny fotoa. ⁴ Gny taragnaky raty sy mpijangajanga ro mila famantara fa tsy famatara homea azy ankoatsy gny famantarany Jona." Bakeo Jesosy nagnenga andreo ka roso. ⁵ Lafa niavy tampita tegny mpianatsy reo, alignondreo gny nanday mofo. ⁶ Hoy Jesosy tamindreo hoe: "Miambena sady mitandrema amy masirasirany Fariseo sy Sadoseo." ⁷ Nialy hevitsy mpianatsy reo ka nivola hoe: "Noho tsika tsy nanday mofo." ⁸ Jesosy nahay anizay ka nivola hoe: "Nareo ry kely finoa, nagnino nareo ro mialy hevitsy aminareo ka mivola fa noho gny tsy nandesanareo mofo zao? ⁹ Mbo tsy hainareo na tiaronareo va gny mofo hoany dimy arivo, sady sobika firy ro navorinareo? ¹⁰ Na mofo fito hoany efatrarivo, sobika firy ro nalainareo? ¹¹ Manao akory ro tsy hazahoanareo fa tsy mombany gny mofo ro nambarako anareo? Miambena sady mitandrema amy masirasirany Fariseo reo sy Sadoseo." ¹² Bakeo azondreo fa tsy hitaho amy masirasirany mofo ro nambarany andreo fa hitaho gny amy fampianarany Fariseo voho Sadoseo reo. ¹³ Lafa niavy baka my faritsy akaikiny Kaisaria-fiipo Jesosy, nagnontany any mpianatsiny I manao hoe: Ataony olo ho ia moa gny gnanak'olo? ¹⁴ Zao gnataondreo hoe: "Gny sasany magnambara fa Jaona mpanao batisa, gny sasany, Elia; gny hafa, Jeremia na raiky tamy mpaminany reo." ¹⁵ Hoy I tamindreo hoe: "Ka nareo koa manao Ahy ho ia? ¹⁶ Namaly Simona Petera nanao hoe: "Iha ro Kristy, gnanaky gnazy Zagnahary velo." ¹⁷ Namaly Jesosy ka nanao taminy hoe: "Sambatsy iha ry Simona Bar-jona fa tsy gny nofo voho gny ra ro naneho anizay taminao fa gny Babako ze andagnitsy agny. ¹⁸ Ambarako aminao avao koa fa ia ro Petera sady amboniny vatolampy ty ro hagnorenako gny fiangonako. Gny vavahadiny fasana ro tsy haharesy anizay. ¹⁹ Hameako anareo gny fagnalahidiny fanjankan-Dragnahary. Na ino na ino fehinao ambony tany, ho fehezy an-dagnitsy agny, na ino na ino vahainao antany etoy,vahay an-dagnisy agny." ²⁰ Bakeo Jesosy nandidy any mpianatsy reo fa I tsy tokony havola na aminia na aminia fa I ro Kristy. ²¹ Taminizay fotoa zay Jesosy nanomboky nivola tamy mpianatsiny reo fa tsy maintsy ho agny Jerosalema I, hizaka fijalia maro an-tananay loholona voho gny lohany mpisoro, mpanora-dily reo, ho vonoa sady hatsanga amy andro fahatelo. ²² Bakeo Petera nangala Azy ka nivola mare Azy hoe: "Ho lavitsy anao lehy zao ry Tompo, tsy hiseho aminao mintsy zao." ²³ Jesosy nitodiky ka niola tamy Petera hoe: "Miala ivohoko ry satana! Iha ro fanahafitohina ho Ahy, noho iha tsy midary gny rahan-Dragnahary fa gy rahany gnolo." ²⁴ Bakeo Jesosy nivola taminy mpianatsiny reo hoe: "Laha misy ta hagnaraky Ahy, tsy maintsy manda gny gnainy I, handay gny hazo fijaliany, sady magnaraky Ahy. ²⁵ Fa na ia na ia ta hamonjy gny gnainy, hahavery azy, na ia na ia ro hahavery gny gnainy noho amiko, hahazo anizay. ²⁶ Ino moa ro soa ho azony olo laha mahazo any raha iaby nefa very gnainy? Ino ro omeny olo hotakalony gnainy? ²⁷ Gny Gnanak'olo ro ho avy amy voninahitsy gny Babany miaraky amy anjeliny reo. Bakeo I hamaly soa gny olo tsiraikiraiky araky ze vitany. ²⁸ Ambarako aminareo marina fa misy sasany aminareo ze mijoro eto ro tsy hitsapa gny fahafatesa mandrapahitandreo gny gnanak'olo avy amy fanjakany."