¹ Ry tiako, hatramin'ny nanantsika ireo safa fikasa, ndao ntsika mba hagnadio gny vatantsika amy raha iaby zay mahatonga fahalotoana amy vatanga sy fanahintsika. Ndao ntsika handiniky ny fahamarina amy ny fahatahora an'Andriagnanahary. ² Rambeso zahay! Fa tsy nanao raty na taminia na taminia. Tsy nagnafery na nagnararaitry na ia na ia zahay. ³ Tsy hanameloky anareo ro hisafanako zao. Fa nivolagniko fa ato am-ponay nareo, fa miaraky maty sady miaraky velo ntsika. ⁴ Mana fahatokisa bevata aminareo zaho sady mieboebo noho ny amy nareo. Atriky fampionona zaho. Mitobatobaky ny fisinisiniako ndra eo aza ny fampijalia iaby. ⁵ Lafa niavy tagny Makedonia zahay, tsy hijanojano ny vatanay. Noho zay, mijaly tamy ny fomba iaby zahay noho ny fifamalia tagny ambaliky voho ny tahotry tanaty tao. ⁶ Fa Andriagnanahary zay mpakahery ny kivy ro nampahery anay tamy ny fiavian'i Titosy. ⁷ Tsy tamy ny fihaviany avao ro nampahereza Ndragnahary antsika. Fa tamy ny fampahereza zay norambesin'i Titosy baka aminareo. Misafa antsika I amy ny habe ny fitiavanareo, ny alahelonareo, sy ny fiahianareo ahy mare. Ka hisinisiny mandrakizay zaho. ⁸ Ndra mampalahelo anareo aza gny taratasiko, la tsy mampagneny ahy zay. Fa nanegny tamy zay aho lafa nampalahelo anareo gny taratasiko. Fa nalahelo tagnatiny fotoa kely nereo. ⁹ Henaniky zao faly aho, tsy hoe satria mijaly nereo, satria gny alahelonereo nanday anareo tamy gny fisolohova. Nereo ro niay gny fahoria amin'Andriagnanahary ka tsy gnisy tsobo gny fijalianareo ho agnay. ¹⁰ Gny fahoria ao amin'Andriagnanahary ro nanday anareo tamy gny fibebaha gny mba hatanteraha ny famonjea tsy misy fanegnena. Ndra zay aza, gny alahelon'izao tontolo izao, ro manday gny fahafatesa. ¹¹ Henteo gny habevata gny herinareo tamy gny fahoria ao amin'Andriagnanahary. Bevata tokoa gny habe gny fiareta tao amy nereo mba hanaporofoa fa tsy manan-tsiny nereo. Bevata tokoa gny havinitrareo, gny fahavozoanereo, gny alahelonereo, gny zotom-ponereo sady gny fanirianareo hahita gny fahamarina zay tokony hatao! Gny raha iaby ro nanaporofo tamy gny vatanareo fa nareo tsy mba nasiaky tamin'izay raharaha zay. ¹² Ndra nanoratry taminareo aza Aho, zaho tsy nanoratsy ho an'ireo mpanao raty, na ho an'ireo zay mahaligny gny raty. Nanoratry aho mba hahaiza gny fahazotoanareo teo amignay eo agnilan'Andriagnanahary. ¹³ Tamy gny alala gny zay ro nampahereza anay. Mandilatry gny fampahereza zay fa ananagnay, nihoatry mare gny fisinisinia noho gny fisinisinian'i Titosy. Satria gny fanahiny no velombelo noho ny aminareo iaby. ¹⁴ Laha raha nirehareha tamy gny momba anareo zaho, tsy mba niafa-baraka. Mifanohitry amy zay raha iaby nosafagninay taminareo gny tena marina iaby, gny fireharehanay momba anareo tamin'i Titosy ro voaporofo fa to. ¹⁵ Gny fitiavanay anereo ro bevata mare, manahaky gny nahatiarova gny fankatoavanareo iaby, Henteo moa gny fandraisanareo azy tamy gny tahotry sy hitikitiky. ¹⁶ Misinisiny aho satria mana fahatokisa tamy nareo.