¹ Tianay ho hainareo, ry rahalahy, gny momba gny fahasoavan'Andriagnanahary zay nomea tao amy reo fiangonan'i Makedonia. ² Nandritry gny fitsapa bevata tamy gny fahoria, gny fitompany gny hafalia voho gny tegna fahantrandreo ro niteraky harem-bevata gny fahalalan-tagna. ³ Satria mitsanga vavolombelo zaho fa nanao bevata araky zay vitandreo reo, sady mihoatry gny vitany aza. Sady tamy gny sitrapon-dreo manoka ⁴ voho niaraky tamy gny fisolohoa mare ro nangatahan-dreo tamy gnay gny fahafaha mba hanana anjara amy ity asa fanompoa eo amy reo mpino ity. ⁵ Tsy niseho araky zay nantenainay izay. Fa koa, nanolotry gny tagnany voalohamy tamy Andriagnanahary reo. Sady nanolo-bata ho anay reo tamy gny sitrapon'Andriagnanahary. ⁶ Ka namporisiky agn'i Titosy zahay, zay fa nanomboky agn'izay asa zay mba hagnantanteraky gny fahasoava eo amy nareo. ⁷ Fa nareo oa manan-karena amy gny rha aiaby iaby, amy gny finoa, amy gny safa, amy gny fahaiza, amy gny fahazotoa iaby sady any gny fitiavanareo anay. Ka mba ataovo azo antoky mba hanan-karena amy zay asa fahasoava nareo. [Gny ULB sy ny UDB miaraky amy reo dikan-tsafa maro hafa, ka mivaky hoany zao: "Ao amy gny fitiavanao anay." Gny dikan-tsafa hafa koa mivaky hoany zao: "Ka ao amy gny fitiavanay nareo"] ⁸ Tsy misafa agny zay zaho sahala gny ho baiko, fa mivola koa zaho amy gny fitrapa gny fahamarinana gny fitiavanareo amy gny fampitaha agny zay zotom-po gny olo hafa. ⁹ Satria hainareo gny fahasoava gny Tompontsika Jesosy Kristy. Ka na nanan-karena aza I, mbo nandrary mahantra noho nareo, ka amy gny alala gny fahantra ro mety ahazoanareo harena. ¹⁰ Amy zay safa zay ro hagnome hevitry anareo zaho zay hagnampy anareo. Tao raiky lasa zay, tsy nanomboky nanao raha nareo fa magniry mare gny hanao agny zay. ¹¹ Henaniky zao, vitao zay raha zay manahaky gny nisia gny zotom-po voho fagniria hanao agny zay, ka enga anie hagnatanteraky agny zay tokoa nareo, araky zay azo nareo hatao. ¹² Satria laha magniry mare gny hanao agny zay asa zay nareo, de raha soa sady azo ekea zay. Tsy maintsy mifototry amy zay gny hanana gny olo raiky zay, fa tsy zay tsy agnanany. ¹³ Fa zay asa zay ro tsy mba hagnamaiva gny hafa sady tsy hanahira anareo. Fa koa, tokony hisy gny rariny. ¹⁴ Gny harenanareo henaniky zao ro hagnome zay ilaindreo amy zay koa mba hagnomeza gny harenan-dreo zay ilainareo. Voho agnomezan-dreo gny rariny. ¹⁵ Araky zay fa voasoratry hoe: "Gnazy raiky zay gnanan-draha maro ro tsy gnana sisa, sady gnazy raiky gnanan-draha kelikely ro tsy hana gny tsy ampy." ¹⁶ Fa agn'Andriagnanahary gny fisaora, zay nametraky tao ampon'i Titosy gny fahendrea zay ananako amy nareo. ¹⁷ Fa I tsy nagnaiky gny kaikintsika avao, fa laha matotry gny amy zay avao koa. Gnamojy anao tamy gny sitrapony manoka I. ¹⁸ Gnalefanay I miaraky tamy gnazy rahalahy zay noderay tao agnivo gny fiangona maro noho gny asany zay mitory gny safa soa. ¹⁹ Tsy zay avao, fa mbo nofilign'ireo fiangona koa I mba handeha hiaraky amy nay handay agn'izao asa fahalalan-tagna zao. Izay ro ho agny voninahitr'i Tompo saho ho agny gny fanirianay hanampy. ²⁰ Mitao zahay gny any gny mety hisia gny olo mitaray momba anay mahakasiky agn'io asa fahalala tagna zay hatao gnay io. ²¹ Ka mila mitao zahay mba hanao gny mendriky, fa tsy eo aloha gny Tompo raiky avao, fa eo aloha gny olo koa. ²² Mandefa rahalahy raiky hafa koa zahay miaraky amindreo. Matetiky zahay ro nitrapa azy, sady nahita azy mafana fo amy gny asa maro. Mazoto tokoa I henaniky zao noho gny fahatokisa bevata zay agnanany aminareo. ²³ Laha gny amin'i Titosy, I ro namako voho mpiara-miasa amiko ho anareo. Laha gny amy gny rahalahinay, fa nalefagn'ireo fiangonan-dreo reo. Voninahitry ho agn'i Krsty rozy reo. ²⁴ Ka atoro andreo gny fitiavanareo, sady atoro amy gny fiangona gny antony hireharehanay momba anareo.