¹ Miara-miasa aminy, izahay mamporisiky anareo tsy handramby ny fahasoavan'Andriagnanahary fahatany. ² Fa nisafa I hoe: "Tamy ny fotoa mety, nijanjy anareo Zaho, ary tamign'andro famonjea ro gnanampy anareo Zaho. Henteo, henaniky zao ro andro mety. Jereo, henaniky zao no andro ny famonjea. ³ Tsy mametraky vato hiboka ndra alohan'ia ndre ia zahay, fa zahay tsy magniry ny haraty laza ny asa fanompoanay. ⁴ Fe koa, zahay ro manaporofo ny vatanay amy ny asanay iaby, fa mpanompon'Andriagnanahary zahay. Zahay ro mpanompony amy ny fahalinisa be, fahoria, fahaterea, fahasarota, ⁵ reo vango, fanagadra, fikomia, amy ny asa mahery, amy ny aliky tsy miroro, amy ny hamosary, ⁶ amy ny fahadiova, fahalala,fahareta, fahatsoram-po, amy ny Fanahy Masina, amy ny tena fitiava. ⁷ Zahay ro mpanompony ao amy ny safa fahamarina, ao amy ny herin-Dragnahary. Zahay ro mana ny fiarova ny fahamarina ho agny ny tagna havana sy ny havia. ⁸ Zahay miasa amy ny vonihatry sy amy ny fahafam-baraka, amy ny fagnaratia sy ny fidera. Zahay ro asara ho mpamitaky kanefa zahay ro marina. ⁹ Zahay miasa sahalan'ireny tsy misy mahay regny kanefa zahay ro malaza. Miasa la ho maty zahay, jereo fa mbo miay soa. Miasa zahay sahala ny voasazy noho ny asany kanefa tsy voasiaky ho maty. ¹⁰ Zahay miasa sahala malahelo kanefa misinisiny lava. Zahay miasa sahala ny olo mahantra kanefa mampanan-karea olo maro zahay. Miasa manahaky ny tsy manan-draha na ino na ino zahay kanefa manahaky ny mana ny raha iaby. ¹¹ Zahay misafa ny raha marina iaby taminareo, ry korintiana, sady ny fonay ro misokatry misagnasagna. ¹² Ny fonareo tsy nofehezinay, fa nareo ro namehy ny fihetreham-ponareo. ¹³ Sady ho valiny ara-drariny, miresaky aminareo manahaky ny amy ny zaza zaho, sokafo hisagnasagna ny fonareo. ¹⁴ Ka mifamehy amign'ireo tsy mino. Fa ino ro iraisa ny fahamarina voho ny fandikan-dalana ? Fa ino ro iaraha ny mazava amy ny maiziky? ¹⁵ Ino ro mety ho fifagnaraha eo amign'i Kristy voho Beliala? Na ino ro tokony anjara anana ny mpino raiky na ny tsy mpino? ¹⁶ Sady ino ro fifanaraha misy eo amy ny tempolin-Dragnahary voho ny sampy? Fa tsika ro tempolin-Dragnahary velo, araky ny fa nivolanin-Dragnahary hoe: "Hipetraky eo aminareo Zaho sady handeha eo amin-dreo reo. Zaho no ho Andriagnanahary ndreo sady I reo ro ho oloko." ¹⁷ Noho zay, "Miboaha iala eo amy ndreo sady mitokana," hoy ny Tompo. "Ka mikasiky raha maloto, sady Zaho handramby anareo. ¹⁸ Zaho ro ho Baba ho anareo, sady nareo ho agnako lahy sy ho agnako vavy," hoy ny Tompo Tsitoha.