¹ Tsy holo afaky va zaho? Tsy apostoly va zaho? Tsy nahita agny Jesosy Tompotsika va zaho? Tsy asako amy Tompo va nareo? ² Laha tsy apostoly ho agny hafa aho, laha farafaratsiny Apostoly ho anareo. Fa nareo ro porofo amy maha-apostoly ahy amy Tompo. ³ Zao ro fiarovako amy nareo gnazy manontany ahy: ⁴ Moa va zahay tsy mahazo alala gny hihina ndraiky hisotro? ⁵ Moa va zahay tsy mahazo manday valy gnazy mpino, manahaky gny atao ndreo apostoly sasany, ndraiky reo lehy gny Tompo, sady Kefasy? ⁶ Sa Barnabasy ndraiky zaho ro tsy maintsy miasa? ⁷ Iha ro manao fanompoa miaramila amy fandaniany raiky? Iha ro mamboly voaloboky sady tsy mihina gny vokatsiny? Na iha ro miamby aosy ka tsy misotro gny ronono baka amy zay? ⁸ Moa va zaho mivola raha reo mifototsy amy fahefa gny olombelo? Tsy mivola agny zay koa va gny lily? ⁹ Fa zay laha voasoratsy amy lilin'i Mosesy hoe: ''Ka asia fehy vava gny omby lafa mamoa i.'' Tena itadiava omby tokoa va ro hiaian-Dragnahary? ¹⁰ Tsy miresaky mahakasiky anay va i? Fa nosorata ho antsika, fa gnazy miasa tany laha tokony hiasa amy fanantena, sady gnazy mamango laha tokony hamango amy fanantena gny handramby anjara amy vokatsy. ¹¹ Laha namboly raha ara-pagnahy taminareo zahay, moa maro loatsy va gny mahazo raha araky fitaova fiasa baka aminareo? ¹² Laha mampiatra agny zay zo zay amindreo hafa, moa va zahay mana mioatsy? Na taha zay aza, tsy nitaky agn'izay zo zay zahay. Fa koa, naleonay niaritsy gny raha iaby toy zay ho sakana ho agny filazantsaran'i Kristy. ¹³ Moa va tsy hainareo fa reo gnazy mpanompo amy tempoly laha mahazo gny haindreo baka amy Tempoly? Sady moa va tsy hainareo fa reo gnazy mpanompo amy alitara laha mahazo anjara amt gnazy natao fanomeza tamy Alitara? ¹⁴ Manahaky zay koa, gny Tompo laha nandily fa reo gnazy mitory gny filazantsara laha tokony hahazo gny fivelomandreo baka amy filazantsara. ¹⁵ Nefa tsy nitaky gny raiky tamindreo zo reo aho. Sady tsy manoratsy agny zao aho mba mety hisy raha hatao ho ahy. Aleoko maty toy zay hisy olo hangala amiko agny zay iaby zay. ¹⁶ Fa laha mitory gny filazantsara aho, lahaa tsy misy antony tokony ieboeboako, fotony tsy maintsy manao agny zay aho. Sady losa ho ahy laha tsy mitory gny filazantsara aho! ¹⁷ Fa laha manao agny zay amy sitrapo aho, laha mana valsoa. Fa laha tsy amy sitrapo koa, laa mbo mana gny andraikitsy gnazy nambela tamiko aho. ¹⁸ Ino zany ro valisoako? Zay lafa mitory aho, laha afaky monome gny filazantsara tsy misy fandoavambola ka mba ts hampiasa tanteraky gny zoko amy filazantsara. ¹⁹ Fa na taha afaky amy iaby aza aho, laha avy ho mpanompo ho agny iaby, mba hahazaoako maromaro kokoa. ²⁰ Tamy Jiosy laha lasa manahaky Jiosy aho, mba hazaoako gny Jiosy. Tmindreo gnazy ambany lily, lasa manahaky gny olo gnazy ambany gny lily aho mba hazaoako reo gnazy ambany lily. Nanao agny zay aho na tsy tambany lily aza gny tenako. ²¹ Tamindreo gnazy tsy tagnaty lily, laha nanjary manahaky gny olo ambadiky gny lily aho, na tahatsy ambadiky gny lily Ndragnahary aza gny tenako, fa ambany lilin'i Kristy. Nanao agny zay aho mba hazaoako reo gnazy reo ambany lily. ²² Tamindreo malemy laha lasa malemy aho, mba hazaoako reo malemy. Nanjary raha iaby ho agn'olo iaby ao, mba hamonjeko gny sasany amy fomba iaby. ²³ Mnao gny raha iaby aho ho agny filazantsara, mba hafako mandramby anjaa amindreo fitahian'izay. ²⁴ Moa va tsy hainareo fa amy filomaindaisa raiky gny mpilomay iaby laha manao gny filomaisa, nefa raiky avao ro mahazo gny loka? Ka milmaisa mba hahazo gny loka. ²⁵ Ny atileta raiky laha manao gny fifehezantenany amy fanazaraterany iaby. Manao agny zay eo mba handramby satroky vonignahitsy gnazy mety simba, kanefa koa tsika milomay mba azaoantsika satroky vonignahitsy tsy mety simba. ²⁶ Ka roho zay laha tsy milomay amy tsy misy dikany aho na manao komondro amy rivotsy. ²⁷ Fa feheziko gny tenako sady ataoko andevo, mba tsy ho lavy gny tenako, lafa baka nitory tamy hafa aho.