¹ Tiako ho hainareo, lehy reo, fa reo babtsika laha tambany raho iaby sady namakivaky gny riaky. ² Gny iaby laha natao batisa ho amy Mosesy tamy raho ndraiky tamy riaky, ³ sady gny iaby laha samy nihina ahim-pagnahy mitovy. ⁴ Gny iaby laha nino ranom-pagnahy mitovy. Fa reo laha nisotro tamy vatolampim-pagnahy gnazy nanaraky andreo, laha Kristy gnazy vatolampy zay. ⁵ Fa Ndragahary laha tsy nanenky soa gny akamaroandreo, sady gny fatindreo laha naparitaky tagny efitsy. ⁶ Enaniky zao reny raha reny laha ohatsy ho antsika, mba tsy haniriantsika raha raty manahaky gny nitadiavindreo. ⁷ Ka manomo sampy, manahaky gny sasany tamindreo. Zay laha manahaky gny voasoratsy hoe: ''Reo olo nipetraky mba hihina ndraiky hino, sady nitsanga mba hihisa.'' ⁸ A mba tsika tsy hijangajanga, manahaky gny natao gny maro tamindreo. Tagnaty gny raiky andro, laha olo telo arivo ndraiky roa aly ro maty roho gny amy zay. ⁹ Ao koa tsika tsy hitsapa agny Kristy, manahaky gny natao gny maro tamindreo ka naringandreo menarana. ¹⁰ Ka mimenomeno avao ko, manahaky gny natao gny maro tamindreo ka naringa gny anjely gny fahafatesa. ¹¹ Sady reny aha reny ro nisy tamindreo mba ho ohatsy ho antsika. Nosorata mba ho fampianara antsika reny- ho amintsika gnazy niavian gny fara gny andro. ¹² Roho zay ao zay mieritseritsy gny tenany ho fa mitsanga soa mba tsy ho lavo. ¹³ Tsy nisy fakam-pagnahy nahazo anzreo gnazy tsy itovia gny olombelo iaby. Fa koa, Ndragnahary laha mahatoky. Tsy hagnenga anareo ho alay fagnahy mihoatsy gnazy zakanareo I. Miaraky amy fakam-pagnahy laha hanome gny lala handosira avao koa I, mba hafanareo miaritsy agny zay. ¹⁴ Roho zay, ry tiako, milomaisa lavisty gny fanompoa sampy. ¹⁵ Mivola aminareo manahaky gny olo mana aay aho, mba hafanareo mitsara gnazy volaniko. ¹⁶ Gny kapoaky gny fisaora gnazy isaorantsika, moa vazay tsy fitambara amy lion'i Kristy? Gny mofo gnazy vakiatsika, moa va zay tsy fitambara amy vatan'i Kristy? ¹⁷ Fotony raiky avao gny mofo, tsika gnazy maro laha vata raiky. Tsika iaby laha mandramby amy mofo raiky avao. ¹⁸ Jereo reo vaoaky Israely: moa va reo gnazy mihina reo fanomeza tsy mpandramba anjara amy alitara? ¹⁹ Ino zay ro hoambarako? Hoe tsy misy dikany va zany gny sampy? Sa gny hany gnazy atao fanomeza tamy sampy ro tsy misy dikany. ²⁰ Fa miresaky mahakasiky gny raha gnazy ataondreo Jentikisa mpanompo sampy fanomeza aho, fa omendreo andreo demonia reny raha rey fa tsy an-Drragnahary. Tsy tiako nareo ho mpitambatsy amy demonia! ²¹ Tsy afaky misotro gny kapoaky gny Tompo ndraiky gny kapoaky gny demonia nareo. Tsy afaky mitambatsy amy latabatsy gny Tompo ndraiky gny demonia nareo. ²² Sa manao zay maha saropoiaro gny Tompo va tsika? Matanjaky roho Iva tsika? ²³ ''Gny raha iaby laha ara-dily,'' fa tsy gny raha iaby ro mahasoa.'' Gny raha iaby laha ara-dily,'' fa tsy gny raha iaby ro mampanddroso gny ²⁴ olo. Tsy misy tokony hialy gny tombotsoany manoka. Fa koa, ny kirairaiky laha tokony hila gny tombotsoa gny namany. ²⁵ Afaky mihina gnazy iaby avily abazary engy nareo, fa ka ka manontany gny fieritrereta. ²⁶ Fa ''Agny Tompo gny tany, ndraiky gnazy iaby misy aminy iaby eo.'' ²⁷ Laha misy tsy mpino manasa anareo hihina, ka magniry gny handeha nareo, laha hano zay iaby mipetraky aminareo laha ka mametraky fanontania gny amy fieritrereta. ²⁸ Fa laha misy mivola aminao hoe: ''Ty hany ty laha baka amy fanomeza gny mpanompo sampy,'' laha ka mihina agny zay. Zay laha ho agny mahay anareo, ndraiky ho agny fieritrereta. ²⁹ Tsy miteny aho hoe gny fieritreretanao raiky, fa gny fieritrereta gny olo hafa. Manino gny fahafako ro tokony ho tsaray gny fieritrereta gny hafa? ³⁰ Laha mandramby anjara amy sakafo ampanenkea aho, manino ro volambolany amy nanomezako fisaora? ³¹ Roho zay, ndra mihina ndra misotro nareo, ndra ino ndra ino ataonareo, laha ataovo ho vonignaitsy Ndragnahary iaby. ³² Ka manome alaelo gny Jiosy na Grika, na gny fiangona Ndragnahary. ³³ Miezaky gny hafaly gny olo iaby amy aha iaby aho. Tsy mila gny tombotsoako aho, fa gny agny maro. Ataoko zay mba ho voavonjy reo.