¹ Sady mahakasiky gny hany atao soro ho agny sampy-Haintsika fa: ''Tsika iaby laha manam-pahaiza.'' Gny fahaiza mamieboebo, fa gny fitiava mananga. ² Laha misy olo raiky mihevitsy gny tenany fa mahatana raha, laha mbo tsy mahay araky gnazy tokony hahaizany gnazy olo zay. ³ Fa laha misy olo raiky tai an-Dragnahary, laha hainy gnazy olo zay. ⁴ Laha gny mahakasiky gny fihinana hany natao soro ho agny sampy-laha haintsika fa ''gny sampy amy tany iaby zao laha tsinontsino'' sady ''fa tsy misy Ndragnahary laha tsy raiy avao.'' ⁵ Fa mety misy reo somary akea ho ndragnahary, na agny andanitsy na antany eto, manahaky gny amaroa ndreo ''ndragnahary'' ndraiky gny hamaroa ndreo ''tompo''. ⁶ Fa ho antsika, ''Raiky avao ro Ndragnahary laha gnazy Baba, gnazy baka amy raha iaby, sady I ro antony hivelomantsika, sady raiky ro Tompo Jesosy Kristy, gnazy baka aminy ro nisia gny raha ibay, sady baka aminy ro nisiantsika.'' ⁷ Na izay aza, zay fahaiza zay laha mbo tsy amy kirairaiky. Fa koa, gny sasany taloha laha nanao gny fagnompoa samoy, laha nihina gnazy ahy zay manahaky gny hoe raha natao soro go agny sampy. Roho zay laha simba gny fieritseretandreo fotony malemy zay. ⁸ Fa tsy gny hany ro hanolotsy antsika amy Ndragnahary. Fa tsy raty mare tsika laha tsy nihina, na koa hoe soa mare laha mihina agny zay. ⁹ Tandremo mba tsy gny fahaizanareo ro antony hahavy reo olo malemy am-pinoa ho toy. ¹⁰ Fa ataovo manahaky gny hoe misy mahita iaha, gnazy manampahaiza, mihina gny ahny amy tempoly gny sampy. Tsy gny fahaleme gny eritseritsiny va ro nasakiany hihina gnazy namaa ho agny sampy? ¹¹ Ka roho gny fahaizanareo gny toetsy marina mahakasiky gny sampy, laha very gnazy lehy malemy finoa raiky, gnazy nahafatesan'i Kristy. ¹² Roho zay, lafa manota amy rahalahy nareo ka manimba gny saindreo, laha manota manitsy agny Kristy nareo. ¹³ Roho zay, laha gny hany ro mahavy gny lehiko ho toy, laha sty hihina hena sasy aho, mba tsy baka amiko ro halavo gny lehiko.