¹ Manahaky zao ro tokony handrambesa gny olo antsika, manahaky gny mpanompon'i Kristy sady mpitandry reo mistery Ndragnahary. ² Amy zay fifandraisa zay, laha lily takia amindreo mpitandry gny maha mendriky atokisa andreo. ³ Fa amiko laha raha kelikely gny tokony hitsaranareo na hitsaran'olombelo iaby ahy. Fa ndra zaho aza tsy mitsara gny tenako. ⁴ Zaho laha tsy mahay gnazy fitoria natao tamiko, fa zay laha tsy midika fa tsy manan-tsiny aho. Gny tompo ro mitsara ahy. ⁵ Roho zay, ka manono fitsara mahakasiky gny raha aloha gny fotoa, aloha gny hiavia gny Tompo. Ilaha handay reo mivony gny maiziky ho amy fahazava sady hanoro gny faniria gny fo. Bakeo gny kirairaiky laha handramby gny fiderany baka amy Ndragnahary. ⁶ Enaniky zao, lehy reo, nampiasa reo lily reo tamiko ndraiky tamy Apolosy aho roho gny aminareo, mba hafanareo mianatsy baka aminay gny dika gny safa hoe: ''Ka mandeha mihoatsy gny zay voasoratsy.'' Zay laha mba tsy hisy raiky aminareo hisehoseho gny amy fanenkea gny raiky roho gny hafa. ⁷ Fa iha ro mahita fahasamihafa aminareo ndraiky reo hafa? Ino ro anananareo ka tsy nirambesinareo fotsiny? Laha nandramby agn'izay fotsiny nareo, manio nareo ro misehoseho manahaky gny tsy nanao manahaky zay? ⁸ Fa agnananareo iaby gnazy iaby tadiavinareo! Fa lasa mpanakarena nareo! Sady nanomboky nanjaka nare - sady zay laha tsy baka taminay! Zaho laha maniry tokoa gny nanjakanareo, mba hafanay manjaka miaraky aminareo. ⁹ Fa zaho laha mieritseritsy fa Ndragnahary laha nametraky antsika ho apostoly hita manahaky gny farany amy gny isaky ndraiky manahaky gny olo voaheloky ho faty. Izahay laha lasa fampisehoa ho agny tany iaby - ho andreo anjely, sady gny ho agny olombelo. ¹⁰ Zahay laha adala roho amy Kristy, fa nareo laha mahitsy amy Kristy. Malemy zahay, fa nareo matanjaky. Nareo laha nome voninahitsy, fa zahay koa tsy nalay baraka. ¹¹ Hatramy zao zahay laha mosary ndraiky mangetaheta, mahantra siky, vovango mare, sady tsy mana ipetraha. ¹² Miasa mare zahay, miasa amy tagnanay avao. Lafa latsay zahay, laha miaritsy. Lafa henjey zahay, laha mitso-drano. ¹³ Lafa voaendrikendriky zahay, laha mivola amy haratia fagnahy. Zahay laha niova, sady mbo ho ambesy ho fako gny tany iaby zao ndraiky faiky gny raha iaby. ¹⁴ Zaho laha tsy nanoratsy raha reo mba hahamenatsy anareo, fa magnitsy anareo manahaky gny agnaky tiako. ¹⁵ Fa na taha mana mpiamby ray aly amy Kristy aza nareo, laha tsy mana raiky maro be. Fa zaho laha lasa baba nareo my Kristy Jesosy baka amy filazantsara. ¹⁶ Roho zay laha mampirisiky anareo aho mba ho mpangala tahaky ahy. ¹⁷ Zay ro nandefasako anareo agny Timoty, agnaky tiako sady mahatoky amy Tompo. I laha hampatiaro anareo reo lalako amy Kristy, manahaky gny ampianariko andreo ndra iha ndra iha ndraiky amy fiangona iaby. ¹⁸ Enaniky zao lasa miavona gny sasany aminareo, manao manahaky gny hoe tsy ho avy aminareo agny aho. ¹⁹ Fa ho avy tsy ho ela agny aminareo aho, laha sitraky gny Tompo. Sady tsy hahay gny resakindreo gnazy tena miavo fotsiny aho, fa hahita gny tanjaky ndreo. ²⁰ Fotony gny fanjaka Ndragnahary laha tsy mifototsy amy resaky fa amy tanjaky. ²¹ Ino ro tadiavinareo? Tokony ho baka aminareo miaraky amy tapakazo va aho sa amy fitiava feno hasoam-pagnahy?