¹ Sady zaho, lehy reo, laha tsy afaky nivola taminareo manahaky gny olo gnazy ara-pagnahy, fa koa manahaky gny olo ara-nofo, manahaky gny ajaha kelikely amy Kristy. ² Nofahanako ronono nareo, fa tsy venti-kany, fotony tsy vonona tamy zay nareo; sady na enaniky zao aza laha mbo tsy vonono amy zay nareo. ³ Fotony nareo mbo araky gny nofo. Fa ndra aiha misy fahasarotam-piaro ndraiky fifandira aminareo, laha tsy miay araky gny nofo va nareo, sady tsy mandeha amy hitsy gny olombelo? ⁴ Fa lafa misy raiky mivola hoe: ''Zaho magnaraky agny Paoly,'' sady gny raiky mivola hoe: ''Zaho magnaraky agny Apolosy,'' laha tsy miay manahaky gny olombelo avao koa va naeo? ⁵ Iha sady Apolosy? Iha Paoly? Mpagnompo gnazy baka aminy ro ninoanareo, gnazy nameha gny Tompo asa iaby. ⁶ Zaho ro mamboly, Apolosy ro nanondraky, fa Ndragnahary ro nampitombo. ⁷ Ka raho zay, nda i gnazy namboly ndra i gnazy manondraky laha tsy misy dijany. Fa Ndragnahary ro mampitombo. ⁸ Sady i gnazy mamboly ndraiky i gnazy manondraky laha aiky, sady ngy kirairaiky laha samy hahazo gny karamany iaby araky gny asany. ⁹ Fa zahay laha mpiaraky miasa amy Ndagnahary. Nareo laha saha Ndragnahary ndraiky trano Ndragnahary. ¹⁰ Araky gny fahasoava Ndragnahary gnazy nameha ahy manahaky gny mpanao trano mahay, laha nametraky gny fototsy aho sady hafa ro manamboatsy amboniny eo. Fa ao gny johary kirairaky hitandry gny amy gny fomba hanamboarany eo amy zay. ¹¹ Fa tsy misy olo mametraky fototsy laha tsy gnazy raiky gnazy napetsaky, zany hoe, Jesosy Kristy. ¹² Enaniky zao laha misy olo manamboatsy ambony gny fototsa amy volamena, volafotsy, vato sarobidy, hazo, bozaky, na maloto, ¹³ laha hatoro gny asany, fa gny ando mazava ro anoroa agn'izay. Fotony hatoro amy afo zay. Gny afo ro hitsapaha gny hasoa gny natao gny kirairaiky. ¹⁴ Laha mipetraky gny asa ngazy olo iny, laha hahazo valisoa i; ¹⁵ fa laha may gny asa gnazy olo iny, laha ho fatiantoky i, fa i tenany laha ho avoty, manahaky gny nilay tamy afo avao. ¹⁶ Tsy ainareo va fa nareo laha tempoly Ndragnahary sady gny Fagnahy Ndragnahary ro mipetraky amy nareo ao? ¹⁷ Laha misy olo manimba gny tempoly Ndragnahary, laha hanimba gnazy olo gnazy an-Dragnahary. Fa masina gny tempoly Ndragnahy, sady manahaky zay koa nareo. ¹⁸ Ka ambela hisy olo hamitaky tena. Laha misy olo aminareo eo mihevitsy fa mahitsy i amy zao andro zao, mbelao i ho lasa ''adala'' amy gnazy mety mba hahitsy i. ¹⁹ Fa gny fahihira gny zao tany zao laha fahadala amy Ndragnahary. Fotony voasoratsy hoe: ''Nahatratsy gny hendry tamy gny hafetseny reo.'' ²⁰ Sady koa hoe: ''Gny Tompo laha mahay fa gny fihevitsy gny mahitsy laha raha fatany.'' ²¹ Roho zay tsy misy fiheboheboa mahakasiky gny olo sasy! Fa gny raha iaby laha anareo, ²² ndra Paoly, ndra Apolosy, ndra Kefasy, ndra tany iaby zao, ndra fiaina, ndra fahafatesa, ndra raha enaniky zao, ndra raha ho avy. Gny raha iaby laha anareo, ²³ sady nareo laha agny Kristy, sady Kristy laha an-Dragnahary.