¹ Lafa taminareo teo aho, lehy reo, laha tsy avy niaraky tamy safa na fahihira laha nagnambara gny misitery mahakasiky an-Dragnahary. [Fanamariha: Ny dika-teny maro hafa dia mivaky toy izao hoe: "Raha nanambara ny fijoroana vavolombelona momban'Andriamanitra aho."] ² Fa nanapaky hevitsy tsy hahay ndra ino ndra ino aho lafa taminareo teo, afa-tsy Jesosy Kristy, ndraiky I voafantsiky. ³ Sady niaraky taminareo aho tamy fahalemeha, ndraiky tamy tahotsy, sady tamy hitikitiky bevata. ⁴ Sady gny hafatsiko ndraiky gny fagnambarako laha tsy tamy gny safa maha resy mahataitsy gny fahihira. Fa koa, reo laha tamy gny fampahita gny Fagnahy ndraiky gny tanjaky, ⁵ mba tsy ho amy fahihira gny olombelo gny finoanareo, fa amy tanjaky Ndragnahary. ⁶ Enaniky zao laha miresaky fahihira amy nareo matotsy tsika, fa tsy gny fahihira gny tany iaby zao, na gny andreo mpanapaky gny tao zao, gnazy mandalo avao. ⁷ Fa koa, mivola gny fahihira NDragnahary amy fahamarina mivony tsika, ngazy fahihira mivony gnazy nitondro Ndragnahary voalohany taloha ndreo tao iaby ho voninahitsy tsika. ⁸ Tsy nisy tamindreo mpanapaky gny andro zao ro nahay io fahihira io, fa laha nahatakatsy agn'izay reo tamy zay fotoa zay, laha tsy ho nifantsiandreo gnazy Tompo gny vonignaitsy. ⁹ Fa araky gnazy voasoratsy hoe: ''Reo raha gnazy tsy nisy maso nahita, tsy nisy sofy nahare, tsy nisy eritseritsy naharamby antsay, reo raha gnazy nomanin-Dragnahary ho andreo tia Azy.'' ¹⁰ Reo ro raha natoro Ndragnahary taminay baka amy Fagnahy. Fa gny Fagnahy laha mila gny raha iaby, na taha reo raha laliky Ndragnahary aza. ¹¹ Fa iha ro mahay gny fisay gny olombelo raiky laha tsy gny fagnahy gny olo aminy ao? Baka amy zay koa, tsy misy mahay reo raha raha laliky Ndragnahary laha tsy gny Fagnahy Ndragnahary. ¹² Fa tsy nandramby gny fagnahy gny tany iaby zao tsika, fa gny Fagnahy gnazy baka amy Ndragnahary, mba hafantsika mahay reo raha omeha antsika maimaimpoana baka amy Ndragnahary. ¹³ Mivola mahakasiky reo raha reo amy safa gnazy tsy hay gny fahihira gny olombelo ampianary zahay, fa gnazy ampianary gny Fagnahy anay. Gny Fagnahy ro mandika gny safa ara-pagnahy miaraky amy gny fahihira ara-pagnahy. ¹⁴ Gny olo gnazy tsy ara-pagnahy laha tsy mandramby reo raha gnazy agny Fagnahy Ndragnahary, fotony fahadala aminy reny. Tsy afaky mahay agn'ireny i fotony famantara ara-pagnahy reny. ¹⁵ Gnazy ara-pagnahy laha mitsara gny raha iaby, fa tsy ho azo gny fitsara gny hafa i. ¹⁶ ''Fa iha ro afaky mahay gny fisaina gny Tompo, ro afaky hampianatsy Azy? Fa zahay laha mana gny fisain'i Kristy.