¹ Ary rafa tonga ny maregna, de nitetika hanotra an'i Jesosy mba hamono an'Azy reo leiben'ny mpisoragna sy ny loholona daôly. ² Izy reo namatotra an'Azy, nitarika an'Azy teigny ivelany, ary nanolotra an'Azy tamin'i Pilato governora. ³ Ary Jodasy, le namadika an'Azy, rafa naita fa vôeloka Jesosy, de nibebaka izy reo namerina reo volafotsy telopolo tamin'reo leiben'ny mpisorana sy reo loholona, ⁴ ary niteny hoe: "Nanota za tamin'ny namadiko rà tsy manan-tsiny." Fa zareo niteny hoe: "Aônay ino? Anao zany." ⁵ De natsipiny takao an-tempoly reo volafotsy, ary nanainga, sy nivôka ary nagnantona ny tegnany Izy. ⁶ Ireo leiben'ny mpisorona naka reo volafotsy ary niteny hoe: "Tsy ara-dalàna ny mametraka ity akao amin'ny fiteirizam-bola, satria ity de vidin-drà." ⁷ Niara-niresaka ny ôla zareo ary nividy ny sahan'ny mpagnano vilany tanimanga ze handevegnana reo vahiny tamin'reo vôla. ⁸ Ary zeigny no antony niantsoana izany saha zany hoe: "Sahan'ny Rà" mandrak'androany. ⁹ Ary de tanteraka ze vôlaza tamin'ny mpaminany Jeremia, magnao hoe: "Naka ny volafotsy telopolo zareo, vidy nanombanan'reo vaôkan'Isarely Azy, ¹⁰ ary zareo nagnome izeigny ho an'ny sahan'ny mpagnano vilany tanimanga, araka ny natoron'ny Tompo ana." ¹¹ Ary Jesosy nijoro takeo anatrehan'ny governora, ary ny governora nagnontany an'Azy hoe: "Enao ma no mpanjakan'reo Jiosy?" Jesosy namaly an'azy hoe: "Vôlazanao." ¹² Fa rafa nampangain'reo leiben'ny mpisorona sy reo loholona Izy, de tsy namaly na ino na ino. ¹³ De niteny taminy Pilato hoe: "Tsy enognao ma ny fiampangana rehetra atao amignao ¹⁴ Fa tsy namaly na de tegny raika aza Izy, gaga tanteraka nony zany ny governora. ¹⁵ Ary isakin'ny fety de fômban'ny governora ny mamôka gadra raika vôfidin'ny vahôka. ¹⁶ Tamin'io fotoana io, nagnana gadra malaza ratsy antsoina hoe Barabasy zareo. ¹⁷ No zany rafa niara-nitarongona zareo, de ozy Pilato tamin'jareo hoe: "Iza no teignareo halefako ho anareo Barabasy, sa Jesosy ze antoigna hoe Kristy?" ¹⁸ Fantany fa nony fialonana no nanoloran-jareo an'i Jesosy taminy. ¹⁹ Raha nipetraka takeo amin'ny seza fitsaragna izy, de nandefa tent taking ny vadiny ary nagnano hoe: "Tsy magnana na ino na ino atao amin'ity leila tsy manan-tsiny ity za. Fa ory lôtra za niany nony nofy azoko momba an'Azy." ²⁰ Ary reo leiben'ny mpisorona sy reo loholona nandresy lahatra ny vahôka mba hangataka an'i Barabasy, ary hampamono an'i Jesosy. ²¹ Nagnontany an-jareo ny Governora hoe: "Iza amin'izy roey no teignareo halefako ho an'nareo?" Ozy zareo hoe: "Barabasy." ²² Pilato niteny tamin-jareo hoe: Ino no tokony atôko amin'i Jesosy ze antovina hoe Kristy?" Izy daôly namaly hoe: "Fantsiho amin'ny hazofijaliagna Izy." ²³ De ozy Izy hoe: "Naôgna, ino ny heloka natôny " Fa vô maika zareo nikikika mafy hoe: "Fantsiho amin'ny hazofijaleigna Izy." ²⁴ Fa rafa hitan'i Pilato fa tsy afaka hagnano na ino na ino izy, kanefa efa nanomboka ny tabataba, de naka rano izy, nagnasa ny tagnany takeo agnatrean'ny vahôka, ary nagnano hoe: "Tsy magnan-tsiny amin'ny ràn'ity lehilà tsy magnan-tsiny ity za. Fa asanareo zeigny." ²⁵ Reo ôla daôly nitare hoe: "Ho aminany sy ny zanakay anie ny ràny." ²⁶ De nalefany ho an-jareo Barabasy, fa nively karavasy an'i Jesosy izy ary nagnolotra an'Azy ho fantsina. ²⁷ Avy akeo reo miaramilan'ny governora naka an'i Jesosy hakao an-dapa ary nagnangona reo vondrona miaramila daôly. ²⁸ Nagnala ny fitafiagny zareo ary nampagnao akanjo jaky an'Azy. Nagnambôtra satro-boninahitra tsilo zareo ary nametraka izeigny takeo an-dôny, ary nametraka tehina takeo amin'ny tagnany ankavanana. ²⁹ Nedohalika takeo agnatreny zareo ary naneso an'Azy, nagnano hoe: "Arahaba, ry mpanjakan'ny Jiosy!" ³⁰ Nororan-jareo Izy, ary nalain-jareo ny tehina de nikapoka an'Azy im-betsaka takeo amin'ny lôny. ³¹ Rafa avy nagneso an'Azy zareo, de nagnala ny akanjo lavany ary nampitafy an'Azy ny fitafeigny, ary nitondra Azy nivôka mba hamantsika an'Azy amin'ny hazofijaligna. ³² Rafa nivôka zareo, de naita leila raika avy akeigny Syrena antsoina hoe Simona, ze noteren'jareo hiaraka amin-jareo mba hampilanjaigna ny hazofijaligny. ³³ Nankeigny amin'ny toerana antsovigna hoe Golgota zareo, ze midika hoe: "Toeran'ny Karandô." ³⁴ Nomen-jareo divay mifangaro amin'ny afero Izy mba ho sotroina. Fa rafa nandramany zany, de tsy nisotro Izy. ³⁵ Rafa nofantsin-jareo tamin'ny azofijalina Izy, de nataon-jareo loka ny fizarana reo fitafiny, ³⁶ ka nipetraka zareo ary nijanona niambina an'Azy. ³⁷ Takeo ambonin'ny lôny no nametran-jareo soratra milaza ny nanameloana an'Azy, ze mivaky hoe: "Ity no Jesosy, mpanjakan-reo Jiosy." ³⁸ Nisy jolahy roey nofantsegna niaraka taminy, ny raika teo ankavanany ary raika teo ankavia. ³⁹ Reo ze nandalo de nanevateva an'Azy, nanivingivigna ny lôn-jareo ⁴⁰ ary nagnano hoe: "Enao ze handrava ny tempoly ary hanambôtra izany indray akao agnatin'ny telo andro, vonjeo ny tegnanao! Raha Enao no Zanak'Andriamanitra, midinà avy akegny amin'ny hazofijalina!" ⁴¹ Ôtrany zany ko reo leiben'ny mpisorona nagneso an'Azy, niaraka tamin-reo mpanora-dalàna sy reo loholona, ary nitare hoe: ⁴² "Nagnavotra reo afa Izy, fa tsy afaka magnavotra ny tegnany. Izy no mpanjakan'Israely. Avelao Izy hidigna akegny amin'ny hazofijalina, ary de hino an'Azy isika. ⁴³ Natoky an'Andriamanitra Izy, avelao Andriamanitra hamonjy an'Azy ao, raha mankasitraka ny hagnafaka an'Azy Andriamanitra. Fa na Iza aza de nitare hoe: "Izao no Zanak'Andriamanitra." ⁴⁴ Ôtrany izany kô reo jolahy ze nofantsina niaraka taminy nitare fanevatevagna taminy iany kô. ⁴⁵ Ary nagnomboka tamin'ny ora fahenina de nandrakotra ny tany daôly ny aizina ka hatramin'ny ora fasivy. ⁴⁶ Takeo amin'ny ora fasivy, de nikikika tamin'ny feo mafy Jesosy ary nagnanao hoe: "Ely, Ely, lamà sabaktani?" Izay midika hoe: "Andriamanitro, Andriamanitro, naôgna no nandao Anà Enao?" ⁴⁷ Rafa reign'ny sasagny tamin-jareo ze nitsangana teo zany, de ozy zareo: "Miantso an'i Elia Izy." ⁴⁸ Takeo iany de nihazakazaka ny raika tamin-jareo ary naka spaonjy, namonto izeigny tamin'ny vinaingitra, nametraka izeigny tamin'ny tohitohina bararata, ⁴⁹ ary nagnome izeigny an'Azy mba ho sotroina. Ny sasagny tamin-jareo nitare hoe: "Avelao Izy. Hitantsika aketo raha ho tônga hamonjy an'Azy Elia." ⁵⁰ De nikika tamin'ny feo mafy ndray Jesosy ary nagnolotra ny fagnany. ⁵¹ Indro, ny lamban'ny tempoly nizara roey hatrany ambony ka hatrany ambany, ary nihorohoro ny tany, ary vaky nisasaka reo vatolampy. ⁵² Nisokatra reo fasagna, ary ny fatin-reo ôlon'Andriamanitra betsaka ze nodimandry de natsangana. ⁵³ Zareo de nivôka avy takao amin'ny fasagna tafaran'ny fitsanganany tamin'ny maty, niditra ny tagnana masina, ary nibôgna tamin'ny ola betsaka. ⁵⁴ Ary reo kapiteny sy reo ze nijery an'i Jesosy rafa naita ny horohoron-tany sy reo ra ze nitranga, de lasa natatra mafy ary nagnano hoe: "Zanak'Andriamanitra marina ty." ⁵⁵ Nisy Vevavy betsaka ze nagnaraka an'i Jesosy hatreigny Galilia mba hikarakara an'Azy takeo nitazagna avy aigny lavitra. ⁵⁶ Tamin-jareo Maria Magdalena, Maria renin'i Jakoba sy Josefa, ary ny renin-reo zanakalan'i Zebedio. ⁵⁷ Rafa ariva ny andro, de nisy leila raika manan-karena avy aigny Armatia tonga, antsovina hoe Josefa, ze mpianatr'i Jesosy iany kô. ⁵⁸ Nagnatona an'i Pilato izy ary nangataka ny fatin'i Jesosy. De nobekon'i Pilato omegna an'azy zany. ⁵⁹ Naka ny faty Josefa, namono zany tamin'ny lamba rongony madio, ⁶⁰ ary nampandray zany tamin'ny fasagna vaovao ze nolavahany tamin'ny vatolompy. De nanakodia vato ngeza hanôgna ny varavaran'ny fasagna izy ary nivôka. ⁶¹ Maria Magdalena sy reo Maria hafa de takeo, nipetraka takeo ampitan'ny fasagna. ⁶² Ny andro manaraka, ze andro akao afaran'ny fanomanagna, de niara-nitarongona tamin'i Pilato reo leiben'ny mpisorogna sy reo Fariseo. ⁶³ Ozy zareo hoe: "Tompoko, tadidinay fa tamin'ny mbola velogna iny mpamitaka iny, de ozy Izy hoe: "Afaran'ny telo andro, de hitsangana ndray Za." ⁶⁴ Ka no zany, mandidia mba ho ambesana ny fasagna hatramin'ny andro fatelo, raha tsy zany reo mpianagny mety ho avy ary hangalatra an'Azy de hiteny amin'ny ôla hoe: "Nitsangana tamin'ny maty Izy", ary ny fitaka farany de ho ratsy nony le tamin'ny vôlôny." ⁶⁵ Ozy Pilato tamin-jareo hoe: "Makà mpiambina. Mandeana ary ambeso tsara araka ze vintanareo izany." ⁶⁶ De nandè izy reo ary niambina ny fasagna, nanisy tombokase ny vato ary nametraka ny mpiambina.